Friday, June 23, 2017

ஏழு கறி சைவ நோன்பு கஞ்சி 7 Veggie Ramadan Soup


கஞ்சி இல்லாத நோன்பா! அதுவும் நோன்பு காலங்களில் இஸ்லாமிய இல்லங்களிலும் பள்ளிவாசலில் கொடுக்கும் கஞ்சிக்கும் முஸ்லீம்கள் என்றில்லை முஸ்லீம் அல்லாதவர்களும் இதற்கு அடிமை. அப்படியே பெரிய சட்டியில் (தேக்‌ஷாவில்) 500 ,  1000 பேருக்கு தயாரிக்கும் போது அதன் ருசியே தனி. ஆனால் சைவம் சாப்பிடுபவரகளுக்கு இதை பற்றி அறிந்திருந்தாலும் அந்த கஞ்சி எப்படி செய்வார்கள் என்ன ருசியில் இருக்கும் அதை சாப்பிட்டு பார்க்கனும் என்ற ஆர்வம் கண்டிப்பாக இருக்கும், இதோ சைவ விரும்பிகளுக்காக மட்டன் சிக்கன் சேர்த்து செய்யும் அதே ருசியில் அதற்கு பதிலாக காய்கறிகளை சேர்த்து செய்துள்ளேன். 

சைவ நோன்பு கஞ்சி ( வெஜிடேபுள் நோன்பு கஞ்சி)
 ஏழு கறி சைவ நோன்பு கஞ்சி

பரிமாறும் அளவு : 5 நபர்களுக்கு

தேவையான பொருகள்
பச்சரிசி – 100 கிராம்
பாசி பருப்பு – 25 கிராம்
கடலை பருப்பு – 1 மேசைகரண்டி
பர்கல் அரிசி(உடைத்த சம்பா கோதுமை ரவை) – 1 மேசைகரண்டி
வெந்தயம் – ½ தேக்கரண்டி



காய்கறிகள் (7 Veggie)

  1. சோயா  - 6
  2. பலாக்காய் – 25 கிராம்
  3. கேரட் – 25 கிராம்
  4. காலிப்ளவர் – 5 சிறிய பூ
  5. பீன்ஸ் – 25 கிராம்
  6. முட்டை கோஸ் – துருவியது – 2 மேசைகரண்டி
  7. கேப்சிகம் – சிறிது


வெங்காயம் – 1
தக்காளி – 1
இஞ்சி பூண்டு பேஸ்ட் – 2 தேக்கரண்டி
பச்சமிளகாய் – 3
மிளகாய் தூள் – அரை தேக்கரண்டி
மஞ்சள் தூள் – கால் தேக்கரண்டி
உப்பு தேவைக்கு
எண்ணை – 6 தேக்கரண்டி





செய்முறை

அரிசி பருப்பு வகைகளை களைந்து ஊறவைக்கவும்
சோயாவை கழுவி ஊறவைத்து பொடியாக அரிந்து கொள்ளவும்.
மற்ற காய் வகைகளை கட் செய்து தயாராக வைக்கவும்.

குக்கரில் தண்ணீரை கொதிக்கவைத்து அதில் கழுவி வைத்துள்ள அரிசி,பருப்பு,பர்கல், வெந்தயம் போன்றவைகளை சேர்த்து தேவைக்கு உப்பு போட்டு வேகவிடவும்.

ஒரு பேனில் எண்ணையை சூடாக்கி பட்டை கிராம்பு போட்டு தாளித்து வெங்காயம் சேர்த்து வதக்கவும். வெங்காயம் வதங்கியதும் இஞ்சி பூண்டு பேஸ்ட் சேர்த்து பச்சை வாடை போகும் வரை வதக்கவும்.
பிறகு தக்காளி , பச்சமிளகாய், கொத்து மல்லி புதினா சேர்த்து வேக விடவும்.
சோயா , பலாக்காயை பொடியாக அரிந்து  சேர்த்து வதக்கி வேக விடவும்.
மேலும் மற்ற காய்கறிகள் அனைத்தையும் சேர்த்து மிளகாய் தூள் , மஞ்சள் தூள் தேவைக்கு உப்பு சேர்த்து வதக்கி நன்கு வேக விடவும். வெந்து   கொண்டு இருக்கும் அரிசியுடன் சேர்க்கவும்.
தேங்காய் பால் சேர்த்து குக்கரை மூடி 3 விசில் விட்டு வேகவிட்டு இரக்கவும். சுவையான சைவ நோன்பு கஞ்சி ரெடி.
இதற்கு தொட்டு கொள்ள மசால் வடை, சமோசா, கட்லட், புதினா துவையலுடன் சாப்பிட அருமையாக இருக்கும்.


Seven Veggie Ramadan soup,

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Tuesday, June 20, 2017

பீட்ரூட் கேசரி கேக் - Beet Kesari Cake


கேசரி மிக சுலபமாக செய்ய கூடிய ஒரு இனிப்பு வகை அதில் பழ சாறோ அல்லது காய்கறிகளோ சேர்த்து இன்னும் சுவையூட்டி செய்யலாம்.


பீட்ரூட்  கேசரி
  • ரவை – 200 கிராம்
  • சர்க்கரை – 100 கிராம்
  • ஸ்வீட்டன்ட் கன்டெனஸ்ட் மில்க் – 3 மேசைகரண்டி
  • நெய் – 3 மேசை கரண்டி
  • முந்திரி பாதாம் 100கிராம்
  • பீட்ரூட் துருவியது – ஒன்று
  • நெய் – 3 மேசைகரண்டி
  • பட்டர் – 1 மேசைகரண்டி
  • வெண்ணீர் – 400 மில்லி
  • உப்பு – ½ சிட்டிக்கை
  • பிஸ்தா – சிறிது அலங்கரிக்க

செய்முறை

  1. நெய் சிறிது ஊற்றி முந்திரி பாதாம் பொடியாக அரிந்து வறுத்து தனியாக வைக்கவும்.
  2. அதே சட்டியில் சிறிது பட்டர் சேர்த்து துருவிய பீட்ரூட்டை வதக்கி ரவை சேர்த்து அதையும் வறுக்கவும். அதற்குள் கொதி வெண்ணீரை ரெடியாக வைக்கவும்.
  3. வறுத்து கொண்டுள்ள ரவையில் சிறிது சிறிதாக வெண்ணீரை ஊற்றி கிளறவும்.கண்டெஸ்ட் மில்க், (மில்க் மெயிட்) சர்க்கரை, உப்பு சேர்த்து நன்கு கிளறவும்.
  4. கடைசியாக நெய்யில் வறுத்து வைத்துள்ள பாதாம் முந்திரியை தூவி கிளறி தட்டி கொட்டி சிறிது ஆரவைத்து தேவையான வடிவில் கட் செய்யவும். சுவையான அருமையான பீட்ரூட் கேசரி ரெடி.


ஜலீலாவின் டிப்ஸோ டிப்ஸ்

காய் சாப்பிடாத குழந்தைகளுக்கு இப்படி செய்து கொடுக்கலாம். பீட்ரூட்க்கு  பதில் வேறு எந்த காய் வேண்டுமானாலும் சேர்த்து கொள்ளலாம். இது பார்க்க கலர்புல்லாக இருக்கும்எந்த கலரும் சேர்க்க தேவையில்லை. இதில் சர்க்கரைக்கு பதில் பால் கோவா + கண்டென்ஸ்ட் மில்க் மெயிட் சேர்த்தால் சுவை இன்னும் அபாரமாக இருக்கும். முந்திரி பாதாமை நெய்யில் வறுத்து பொடித்தும் போடலாம்.. குழந்தைகளுக்கு என்பதால் வாயில் தட்டாமல் போகும்.இதில் ரவை தனியாக வறுத்தும் சேர்க்கலாம். இதில் பீட்ரூட்டுடன் சேர்த்து வதக்கி சர்க்கரை + மில்க் மெயிட் சேர்ப்பதால் நல்ல ஒன்று சேர்த்து கேக் போல இருக்கும்.



Beetroot kesari cake, Red Coloured Recipe for kids
https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Wednesday, June 14, 2017

இறால் காலிப்ளவர் முட்டை குதும்பு ( சைவம் & அசைவம்) .




இறால் காலிப்ளவர் முட்டை குதும்பு ( சைவம் &அசைவம்)
.
வெஜிடேரியன் சமைப்பவர்கள் இதே முறையில் இறாலைமட்டும் தவிர்த்து காலிப்ளவர் முட்டையில் செய்து கொள்ளலாம். காய் அரைகிலோவும்,முட்டை 3 ம் சேர்த்து கொள்ளலாம்.
இறால் காலிப்ளவர் முட்டை குதும்பு கொஞ்சம் நிறை கூட்டோடு 4 பேருக்கு போதுமானதாக இருக்கும்.



  • பெரிய இறால்கால் கிலோ
  • முட்டைஇரண்டு
  • காலிப்ளவர் – கால் கிலோ
  • வெங்காயம் - இரண்டு
  • இஞ்சி பூண்டு பேஸ்ட் - ஒரு டேபிள் ஸ்பூன்
  • தக்காளி - இரண்டு
  • பச்சை மிளகாய் - இரண்டு
  • மிளகாய் தூள் - ஒன்றரை தேக்கரண்டி
  • மஞ்சள் தூள் - அரை டீஸ்பூன்
  • பட்டை - ஒரு சிறிய துண்டு
  • எலுமிச்சை சாறு - அரை டீஸ்பூன்
  • உப்பு - தேவையான அளவு
  • எண்ணெய் - இரண்டு டேபிள் ஸ்பூன்
  • கொத்தமல்லி - சிறிது
 செய்முறை
  • இறாலை சுத்தம் செய்து நடுவில் மேலும், கீழும் உள்ள அழுக்கை எடுத்து கழுவி தனியாக வைக்கவும்.காலிப்ளவரை பூக்களாக பிரித்து கழுவி வைக்கவும்.
  • ஒரு வாணலியில் எண்ணெயை காய வைத்து பட்டை, வெங்காயம், இஞ்சி பூண்டு பேஸ்ட் போட்டு வதக்கி பச்சை மிளகாய் ஒடித்து போட்டு தக்காளியை துண்டுகளாக்கி சேர்க்கவும். இரண்டு நிமிடம் மூடி போட்டு வேகவிடவும்.
  • பிறகு மிளகாய் தூள், மஞ்சள் தூள், உப்பு போட்டு சுத்தம் செய்து வைத்திருக்கும் இறால் மற்றும் காலிப்ப்ளவர் சேர்த்து  ஒரு கிளறு கிளறி மூடி போட்டு பத்து நிமிடம் வேக வைக்கவும்.
  • முட்டையில் எலுமிச்சை சாறு பிழிந்து நல்ல அடித்து வெந்து கொண்டிருக்கும் இறாலின் மீது பரவலாக ஊற்றவும். ஊற்றி மூடி போட்டு சிம்மில் வைத்து வேக விடவும்.
  • இரண்டு நிமிடம் கழித்து தோசை திருப்புவது போல் முட்டையோடு சேர்ந்து இறலை திருப்பி விட்டு மறுபடியும் மூடிபோட்டு சிம்மில் வைத்து வேக விடவும்.
  • வெந்ததும் நல்ல ஒரு கிளறு கிளறி நன்கு கொத்தி விட்டு  கொத்தமல்லி தூவி இறக்கவும்.








https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Saturday, June 10, 2017

வேப்பம் பூ ரசம் - Neem flower rasam



உணவில் அறுசுவை உணவு வகைகளில் கசப்பும் ஒன்றும் சாப்பாட்டு வகைகளில் கசப்பு தன்மை உள்ள சமையலும் செய்து சாப்பிட்டால் வயிற்றில் உள்ள பூச்சி புழுக்கள் அழிய உதவும்.

பாகற்காய், வேப்பம் பூ, வேப்பிலை சாறு, வெந்தயம் போன்றவைகளை அடிக்கடி உணவில் சேர்த்து கொள்ளவேண்டும்.

வேப்பம் பூ  ரசம் - Neem flower rasam



தேவையான பொருட்கள்

வேப்பம் பூ -  இரண்டு மேசைகரண்டி
ரசப்பொடி - ஒரு மேசைகரண்டி
புளி - ஒரு எலுமிச்சை அளவு

ஒரு பெரிய தக்காளி

தாளிக்க

நெய் - ஒரு தேக்கரண்டி + ஒரு தேக்கரண்டி
கடுகு - அரை தேக்கரண்டி
கொத்தும்மல்லி தழை - சிறிது
கருவேப்பிலை - சிறிது
பூண்டு - முன்று பல்
வெந்தய பொடி - கால் தேக்கரண்டி
பெருங்காயப்பொடி - அரை தேக்கரண்டி

செய்முறை

வேப்பம் பூவை உருவி கழுவி நெய்யுல் வதக்கி வைக்கவும்.
புளியை கரைத்து அதில் தக்காளி பிழிந்து விட்டு ரசம் பொடி சேர்த்து கொதிக்க விடவும்.
பூண்டு கொத்துமல்லி பச்ச மிளகாயை இடிச்சி வைக்கவும்.

தாளிக்க நெய்யை சூடு படுத்தி அதில் கடுகு கருவேப்பிலை, சிறிது வெந்தயப்பொடி, பெருங்காயம் தட்டி வைத்துள்ள பூண்டு பச்சமிளகாய் கொத்துமல்லி சேர்த்து வதக்கி , கடைசியாக நெயில் வதக்கி வைத்துள்ள வேப்பம் பூவை சேர்த்து வதக்கி
 கொதிக்க வைத்து வைத்துள்ள ரசத்தில் கொட்டி கலக்கவும். சுவையான மருத்துவ குணமுள்ள வேப்பம் பூ ரசம் ரெடி.




Neem Flower Rasam/Soup good medicine for stomach ulcer 
ttakaasam http://www.chennaiplazaki.com/ https://www.facebook.com/pages/Chennai-Plaza/156896191130975 https://www.facebook.com/Samaiyala

Wednesday, June 7, 2017

தூத் துல்லாரி - Doodth Dullaari - Pakistani Dessert


தூத் துல்லாரி  -Doodth Dullaari

வெயில் காலம் ஆரம்பித்து விட்டது இனி கூல் கூலாகா இருப்போம், நோன்பு காலமும் சரியான கொளுத்தும் வெயிலில் ஆரம்பித்துள்ளது. 
வித்தியாசமான பாக்கிஸ்தானி ஸ்டைல் ஃப்ரூட் கஸ்டட் ( தூல் துல்காரி)
நாம் செய்யும் ஃப்ரூட் கஸ்டட் தான் மேலும் சுவை ஊட்ட ரசகுல்லா & குலோப் ஜாமூன்.


இந்த கோடைக்கு ஏற்ற குளு குளு கஸ்டட், பிள்ளைகளுக்கு ரொம்ப பிடிச்சது பிள்ளைகளுக்கு மட்டுமா பெரியவர்களுக்கும் தான்.
ஈசியா செய்துவிடலாம்.




தேவையான‌வை



பால் -  அரை லிட்டர்
க‌ஸ்ட‌ட் ப‌வுட‌ர் - ஒன்னறை மேசை கரண்டி
பாத‌ம் ஃபிளேக்ஸ் - ஒரு மேசை க‌ர‌ண்டி
ஸ்வீட்டன்ட் கன்டெஸ்ட் மில்க் - அரை கப்
வாழைபழம் -   ஒன்று பெரிய‌து
மாதுளை - கால் கப்
ஆப்பில்  - கால் கப் துண்டுகளாக வெட்டியது
பச்சை மற்றும் கருப்பு திராட்சை - தலா 5
சின்ன ரசகுல்லா - 5
குலோப் ஜாமூன் - 5
பச்சை வண்ண ஜெல்லி அ கடல் பாசி - வேண்டிய வடிவில் கட் செய்தது.

குங்குமப்பூ - சிறிது

செய்முறை
பாலில் கஸ்டர் பவுடரை கரைத்து பிறகு பாலை காய்ச்சவும்.
சூடான பாலில் க‌ரைத்தால் க‌ட்டி த‌ட்டும்.
கண்டெஸ்ட் மில்க்  , பாத‌ம் பிளேக்ஸ் சேர்த்து காய்ச்ச‌வும், கைவிடாம‌ல் கிள‌ற‌வும், க‌ட்டியாகி வ‌ரும், அப்ப‌டியே ஆற‌விட்டு குளிற‌விட‌வும்.
குளிர வைத்த கஸ்டடில் வெட்டிய பழவகைகளை ( ஆப்பிள் மற்றும் வாழைப்பழம்) மற்றும் மாதுளை சேர்த்து கலக்க்கவும்.
மேலே குலோப் ஜாமூன், ரசகுல்லா, திராட்சை வகைகள்  சேர்த்து குங்கும பூ தூவி பரிமாறவும்.

வித்தியாசமான பாக்கிஸ்தானியர்களில் ஃப்ரூட் கஸ்டர் ( Dhoodth Dullaari ) ரெடி.

இது என்னுடைய பைனாப்பிள் கஸ்டட் ரெசிபியை அறுசுவை மற்றும் முகநூல் தோழி அப்சரா செய்து அனுப்பியது


கிழே உள்ளது பைனாப்பிள் கஸ்டட் வித் அகர் அகர்



குறிப்பு:


இத‌ பார்ர்டியில் வைத்தாலும் க‌ல‌ர்ஃபுல்லாக‌ இருக்கும்.
வாழை [பழம் அரிந்த‌தும் க‌ருத்துவிடும், க‌ருத்து போகாம‌ல் இருக்க‌ அரிந்த‌து சிறிது எலுமிச்சை சாறு ஊற்றி கொள்ளலாம்.
உட‌னே சாப்பிடுவ‌தாக‌ இருந்தால் எலுமிச்சை சாறு தேவையில்லை

வாவ் யெம்மி யெம்மி ஒன்ஸ் மோர்.....தான் போங்க‌


https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Sunday, June 4, 2017

சிக்கன் கேரட் சமோசா Chicken Carrot Samosa

2009 post முன்பு உள்ள போஸ்ட் டைம் கிடைக்கும் போது ஸ்டெப் பை ஸ்டெப்  

சிக்கன் கேரட் சமோசா
சிக்கன் கேரட் சமோசா

தேவையான பொருட்கள்

பில்லிங் தயாரிக்க‌

சிக்கன் = கால் கிலோ
கேரட் =  கால் கிலோ
வெங்காய‌ம் = கால் கிலோ
இஞ்சி பூண்டு பேஸ்ட் = ஒரு மேசை க‌ர‌ண்டி
கொத்து ம‌ல்லி த‌ழை = அரை க‌ட்டு
ப‌ச்ச‌ மிள‌காய் = இர‌ண்டு
த‌க்காளி = ஒன்று சிறிய‌து
த‌யிர் = ஒரு தேக்க‌ர‌ண்டி
உப்பு = தேவைக்கு
எண்ணை = இர‌ண்டு தேக்க‌ர‌ண்டி
க‌ர‌ம் ம‌சாலா பொடி = அரை தேக்க‌ர‌ண்டி
மிள‌காய் தூள் = ஒரு தேக்க‌ர‌ண்டி
சீர‌க‌ தூள் = அரைதேக்க‌ர‌ண்டி

மாவு தயாரிக்க:

மைதா மாவு  = கால் கிலோ
பொடி ரவை = ஐம்பது கிராம்
டால்டா (அ) பட்டர் உருக்கியது  இரண்டு மேசை கரண்டி
உப்பு தேவைக்கு
பேக்கிங்க பவுடர் = அரை தேக்கரண்டி
சர்க்கரை = இரண்டு தேக்கரண்டி


மாவு தயாரிக்க கொடுத்துள்ளவைகளை அனைத்தையும் ஒன்று சேர்த்து மாவு குழைத்து அரை மணி நேரம் ஊறவைக்கவும்

தேவையான‌ பொருட்க‌ளை த‌யாராக‌ வைக்க‌வும்.

வெங்காய‌ம் ப‌ச்ச‌ மிள‌காயை பொடியாக‌ அரிந்து கொள்ள‌வும்,கேர‌ட்டை பூந்துருவ‌லாக‌ துருவி கொள்ள‌வும்.சிக்க‌னை க‌ழுவி மிக்சியில் கீமா போல் திரித்து கொள்ள‌வும். கொத்தும‌ல்லி த‌ழையை ம‌ண்ணில்லாம‌ல் க‌ழுவி ந‌ல்ல‌ பைனாக‌ சாப் செய்து கொள்ள‌வும்.
ஒரு வாய‌க‌ன்ற‌ நான்ஸ்டிக்கில் எண்ணை ஊற்றி வெங்காய‌ம் ப‌ச்ச‌மிளகாய் , கேரட் சேர்த்து வ‌த‌க்க‌வும்.அடுத்து இஞ்சி பூண்டு பேஸ்ட்  சிறிது கொத்து ம‌ல்லி, சிக்க‌ன் சேர்த்து வ‌த‌க்க‌வும். அடுத்து தூள் வ‌கைக‌ள் (மிள‌காய் தூள்,ம‌ஞ்ச‌ள் தூள், உப்பு தூள், சீர‌க‌ தூள்) சேர்த்து த‌யிரையும் சேர்த்து ந‌ன்கு வ‌த‌க்கி சிறிது நேர‌ம் வேக‌ விட‌வும்.
சிக்க‌ன், கேர‌ட் எல்லாமே துருவி இருப்ப‌தால் சீக்கிர‌மே வெந்துவிடும்.
க‌டைசியாக‌ கொத்தும‌ல்லி த‌ழை க‌ர‌ம்ம‌சாலா தூவி கிள‌றி இர‌க்கி ஆற‌ வைக்க‌வும்.




சமோசா ஷீட் செய்ய
பூரிக்கு உருண்டை போடும் அளவிற்கு உருண்டைகளை போட்டு மாவு தடவி வட்டவடிவமாக திரட்டவும்.
சதுர வடிவமாக நான்கு மூலையையும் வெட்டவும்.
சிக்கன் பில்லிங்கை ஒரங்களில் படாமல் வைத்து முக்கோணவடிவில் மடித்து ஓரங்களை போஃர்க் கொண்டு அழுத்தவும்.
இதே போல் சிறியது பெரியது என்று வேண்டிய அளவில் அனைத்தையும் தயார் செய்து கொள்ளவும்.
ஒரு வாயகன்ற வானலியில் பொரிக்கும் அளவிற்கு எண்ணை ஊற்றி சூடானதும், தீயின் அளவை மீடியமாக வைத்து பொரித்து எடுக்கவும்.
சுவையான ஹோம் மேட் சிக்கன் சமோசா ரெடி.

இதை பப்ஸ் போல் செய்து ஓவனில் வைப்பதாக இருந்தால் உருண்டைகளை முன்று உருண்டைகளாக எடுத்து ஒன்றன் மேல் ஒன்று வைத்து இடை இடையில் மாவு தூவி, சிறிது பட்டர் (அ) டால்டா தடவி முன்று உருண்டையையும் ஒன்றாக வைத்து உருட்டி கட்டமாக கட் செய்து பில்லிங் உள்ளே வைத்து 200 டிகிரி முற் சூடு செய்த அவனில் பத்து நிமிடம் வைத்து எடுக்கவும்.சிவறவில்லை என்றால் மறுபடி பிரட்டி வைத்து ஐந்து நிமிடம் வைத்து எடுக்கலாம்.