தொண்டையில் மீன் முள் மாட்டி கொண்டால் அபாய‌ம்

தொண்டையில் மீன் முள் மாட்டி கொண்டால் சாதத்தை உருண்டை பிடித்து சாப்பிடும் படியும் வாழை பழத்தை முழுங்கும் படியும் தமிழ் குடும்பத்தில் ஒரு தோழி சொன்னார்கள்.

அது ச‌ரிதான். தொண்டையில் முள் மாட்டி கொண்டால் ரொம்ப‌ அபாய‌ம். பிள்ளைக‌ளுக்கு மின் உண‌வு கொடுக்கும் போது ரொம்ப‌ ஜாக்கிர‌தையாக‌ கொடுக்க‌னும்.



அதற்கு என் டிப்ஸ், சூடான சாதத்தை முழுங்கும் சூட்டில் முழுங்க வேண்டும்.
இது ரொம்ப அபாயம் ,எனக்கு இரண்டு முறை ஆகி உள்ளது, சாதம் உருண்டை முழுங்கியும், எனக்கு சரியாகல. சிலருக்கு சரியாகலாம்.

விருந்தினர் வந்திருந்த போது பேசிக்கொண்டே சாப்பிட்டதாலும், வெளியில் போகும் அவசரத்தில் சாப்பிட்டதாலும் எனக்கு முள் தொண்டையில் குத்தி கொண்டது.
முள் மாட்டி கொண்டதும் அதை எடுக்க கையை தொண்டையில் விடாதீர்கள். அதற்கு பிறகு நிறைய ரத்தம் வரும்.

அதை எடுக்க முயற்சி செய்ததால் ஒரே ரத்தம், தொண்டை குழி தான் கிழிந்து விட்டது என்று பயந்து அப்படியே ஈ.என்.டி டாக்டரிடம் சென்றேன்.
ஒரு நீட்டா டியுப் போல குழாயை உள்ளே விட்டு பார்த்தார், கடைசியில் ஒன்றும் பயமில்லை என்று சொல்லி விட்டார்.
ஒரு மாதம் வரை சாப்பாடு என்ன சாப்பிட்டாலும் தொண்டையில் மாட்டுவது போல வே இருந்தது. கொஞ்சம் நாள் கஞ்சி ஆகாரம் தான் சாப்பிட்டேன்


ஏற்கனவே அதிக முள் உள்ள் மீன் கணவருக்கு பிடிக்காததால் வாங்க மாட்டோம், ஆனால் எனக்கும் (முள் உள்ள் எல்லா மீனும்) என் பெரிய பையனுக்கு சங்கரா மீனும் ரொம்ப பிடிக்கும் ஆகையால் எப்பவாவது வாங்குவோம்.

இன்னும் கூட முள் மீன் சமைத்தால் என் கணவருக்கு தனியா ஒரு பிலேட்டில் குழந்தைகளுக்கு கொடுப்பது போல் முள் எடுத்து தான் கொடுப்பேன்.

இதற்கு தான் முள் உள்ள மீனை சாப்பிடும் போது மற்றவர்களிடம் பேசக்கூடாது. அதிக வெளிச்சத்தில் முள் பார்த்து சாப்பிடனும்.

சாதம் சாப்பிடும் பிளேட்டில் முள் மீனை வைத்து சாப்பிடக்கூடாது, அது சாதத்துடன் கலந்து விடும், முள் மீன் சாப்பிடும் போது மீனுக்கென்று தனியாக ஒரு சின்ன சைட் பிளேட் வைத்து சாப்பிட்டால் முள் சாத‌த்துட‌ன் க‌ல‌ப்ப‌தில் இருந்து த‌விர்க‌லாம். இப்படி தான் நான் செய்கிறேன்

முள் மீன்க‌ள் சமைக்கும் போது மீன் குழ‌ம்பு ச‌மைத்து விட்டு க‌டைசியாக‌ மீனை போட்டு 5 நிமிட‌ம் வேக‌ விட்டு எடுத்தால் போதும்.மீன் சீக்கிர‌ம் வெந்து விடும்.


சுறா மீன் ம‌ட்டும் வேக‌ லேட் ஆகும்.

குழ‌ந்தைக‌ளுக்கு மீனை வ‌டையாக‌ க‌ட்லெட்டாக‌ செய்து கொடுக்க‌லாம்.
கர்பிணி பெண்களுக்கு பிள்ளை பெற்றவர்களுக்கு காரப்பொடி என்று சொல்லும் பொடி மீன் பால் சுரக்க அதில் சூப் வைத்து கொடுக்கலாம்.
மற்ற பொடிமீன்களும் சாப்பிட்டால் பிள்ளை பெற்றவர்களுக்கு மிகவும் நல்லது.

முள் மீனை சூப் வைத்து நன்கு மசித்து வடிகட்டி தாளித்தும் சப்பிடலாம்.

உண‌வு வ‌கையிலேயே மீன் உண‌வு தான் எந்த‌ கால‌த்திலும் எல்லா வ‌ய‌தின‌ருக்கும், ந‌ல்ல‌து.

வெயிட் போடாது. பிரெஷ‌ர் சுக‌ர் உள்ள‌வ‌ர்க‌ளும் கிரேவியாக‌ சாப்பிட‌லாம்.
பிரஷர் சுகர் உள்ளவர்களுக்கு என்றால் கீழே கமெண்டில் ஹுஸைனம்மா சொன்னது போல். அதிக எண்ணை புளி, மசாலா கம்மியாக செய்து சாப்பிடலாம், பெரிய வஞ்சிரம் மீன் கேஸ் என்பார்கள்.பெரிய இறாலும் கேஸ் என்பார்கள், பொடி வகைகள் சாப்பிடலாம்.

மீன் உண‌வு அதிக‌மாக‌ உட்கொள்வ‌தால் த‌லை முடிந‌ல்ல‌ வ‌ள‌ரும்.
இப்போது வெளிநாடுகளில் அமெரிக்கா லன்டன் போன்ற இடங்களில் மட்டன் சிக்கன் வகைகள் ஹலால் உணவு தேடி போய் வாங்கனும் ஆனால் கடல் உணவு, பிரச்சனை இல்லாமல் பயமில்லாமல் சாப்பிடலாம்

க‌ண் பார்வை தெளிவாக‌ இருக்கும்.

ஏற்க‌ன‌வே மீன் டிப்ஸ் நிறைய‌ கொடுதது இருக்கிறேன். இது மீதி கொசுறு டிப்ஸ்.

மீன் டிப்ஸ் முன்பு கொடுத்த மீன் டிப்ஸை இங்கு சென்று படித்து கொள்ளலாம்.


Jaleela Banu, Dubai

		Tweet