சப்ஜி பிரியாணி ( காய்கறி பிரியாணி)

சப்ஜி பிரியாணி ( காய்கறி பிரியாணி) -Vegetable Biriayni

              

தரமான பாசுமதி அரிசி – 600 கிராம்

வெங்காயம் – 300 கிராம்

தக்காளி – 300 கிராம்

எண்ணை – 150 மில்லி

பட்டை – ஒரு இன்ச் சைஸ்

இஞ்சி பூண்டு பேஸ்ட் – மூன்று மேசைகரண்டி

கொத்துமல்லி புதினா – அரைகப்

பச்சமிளகாய் – 4

தயிர்  - இரண்டு மேசை கரண்டி

எலுமிச்சை பழம் சிறியது – அரை + அரை

உப்பு தேவைக்கு

மிளகாய் தூள் – ஒரு தேக்கரண்டி

மஞ்சள் தூள் – அரை தேக்கரண்டி

காய் கறி வகைகள்

உருளை கிழங்கு  - 100 கிராம்

கேரட் – 50 கிராம்

பீட்ரூட் – 50 கிராம்

பட்டாணி – 50 கிராம்

கார்ன்  - 50 கிராம்

காலிப்ளவர்  - 25 கிராம்

பீன்ஸ் – 25 கிராம்

செய்முறை

காய்கறிகள் அனைத்தையும் கழுவி அரிந்து வைக்கவும்.

வெங்காயம் தக்காளியை நீளவாக்கில் அரிந்து வைக்கவும்.

கொத்துமல்லி புதினாவை மண்ணில்லாமல் ஆய்ந்து கழுவி வைக்கவும்.

அரிசியை 20 நிமிடம் ஊறவைக்கவும்.

வாயகன்ற நான்ஸ்டிக் பாத்திரத்தை அடுப்பில் ஏற்றி காயவைத்து எண்ணையை ஊற்றி

 சூடாக்கி பட்டை , லவங்கம், ஏலம் சேர்த்து தாளிக்கவும்.

பிறகு வெங்காயத்தை சேர்த்து நன்கு பொன்னிறமாக வதக்கவும்.

அடுத்து இஞ்சி பூண்டு விழுதை சேர்த்து வதக்கி தீயின் தனலை குறைவாக வைத்து

 பச்சை வாடை போனதும் உருளை, கேரட் சேர்த்து வதக்கவும்.பீட்ரூட் சேர்த்து வதக்கவும். கொத்துமல்லி புதினா சேர்த்து ஒரு நிமிடம் வதக்கி தககாளி மற்றும் பச்சமிளகாய் 

சேர்த்து சிறிது உப்பும் போட்டு சிம்மில் வைத்து 5 நிமிடம் வேக விடவும்.

தக்காளியை குழைவாகும் வரை கிண்டி மீதி உள்ள காலிப்ளவர், பீன்ஸ், பட்டாணி, கார்ன், தயிர் சேர்த்து நிமிடம் வேகவிட்டு வதக்கவும்.

அடுத்து மிளகாய் தூள், மஞ்சள் தூள், உப்பு தூள், ஆகியவை சேர்த்து நன்கு வதக்கி சிம்மில் 10 நிமிடம் விடவும்,

வாயகன்ற பாத்திரத்தில் தண்ணீரை கொதிக்க விட்டு அதில் ஊறவைத்த அரிசியை சேர்த்து உப்பு போட்டு முக்கால் வேக்காடாக வேகவிடவும், அரிசி ஒன்றோடு ஒன்றாக ஒட்டாமல் இருக்க ஒரு ஸ்பூன் எண்ணை மற்றும் லெமன் சாறு சேர்த்து வடிக்கவும்.

 வடித்த அரிசியை வைத்துள்ள காய்கறி அக்னியில் அரிசியை தட்டி மேலே கேசரி கலர் பொடி கரைத்து தெளித்து, புதினா கொத்துமல்லி தூவி சிறிது நெய் ஊற்றி 20 நிமிடம் தம் போட்டு இரக்கவும்.

கவனிக்க : பீட்ரூட் சேர்த்தால் கலர் மாறும், பீட்ரூட்டை ஒரு நாள் முன்பே அரிந்து பிரிட்ஜில் வைத்தால் அப்படி அதிகமாக கலர்மாறாமல் இருக்கும்.

Tag:Vegetable Biriyani,காய்கறி பிரியாணி, பார்டி உணவு,Party Special,

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

கத்திரிக்காய் முள்ளங்கி சூப்

#Paleo #diet#soup
#veg##clear #soup #for #perfectdiet
#சைவம்
#பேலியோடயட்சூப்
\சூப்
#Brinjal #Radish
#பேலியோ 
டயட் சூப்/எடை குறைக்க/வெயிட் லாஸ்
எந்த டயட் ஆக இருந்தாலும்  ஒரு நல்ல ஆரோக்கியமான உணவு எதுன்னு கேட்டால் நான் அனைவருக்கும் பரிந்துரைப்பது சூப் தான்.

கீரை சாறு, காய்கறி தண்ணீ சாறு, இல்லை காய்கறி கீரை வகைகளை வேகவைத்து லேசாக ப்ளன்ட் செய்து அப்படியே குடிப்பது, சிக்கன் போன் சூப், மட்டன் நல்லி எலும்பு சூப், ஆட்டு கால் சூப், இறால் மற்றும் இறால் தலை சூப், மீன் தலை சூப் , நண்டு சூப் இப்படி பல வகை சூப் வகைகளை தயாரித்து குடித்தால் ஆரோக்கியமாக  வாழலாம்,
(அறுவை சிகிச்சை நடந்து சிலருக்கு சாலிட் டயட் சாப்பிட கூடாது அப்படி உள்ளவர்களுக்கு இப்படி சத்தாக தயாரித்து அதை சாற்றை மட்டும் வடித்து கொடுக்கலாம்)
டயட்டில் தண்ணீர் தான் 8 டம்ளர் குடிக்கனும் என்றில்லை சூப் ஜுஸ் பால் தயிர் எதுவாக இருப்பினும் சாப்பிடலாம்.

நோயாளிகளோ அல்லது இதய நோயாளிகளோ , ஜுரம், சளி, ஆர்தடைஸ் பிராப்ளம் உள்ளவர்கள் , தொண்டைபுண் வந்து ஒன்றும் சாப்பிட முடியவில்லை என்றால், குழந்தைகளுக்கு, கர்பிணி பெண்களுக்கு எல்லாருக்குமே ஒரு தெம்பான ஊட்ட சத்து அளிக்கும் ஒரு அருமையான சாப்பாடு வகை சூப் தான் , தொடர்ந்து குடித்து வந்தால் உடல் எடை குறைய வாய்ப்பு இருக்கு.
எந்த சூப்பாக இருந்தாலும் இஞ்சி அல்லது பூண்டு சேர்த்து செய்யுங்கள்


எல்லா வகையான காய்கறிகளிலும் , கீரை வகைகளிலும் இந்த சூப்பை செய்து சாப்பிடலாம்.
சுலபமான சூப் எப்படி செய்வது என பார்ப்போம்

தேவையான பொருட்கள்
கத்திரிக்காய் – முன்று
முள்ளங்கி – ஒரு துண்டு – 100 கிராம்
இஞ்சி துருவியது – ஒரு தேக்கரண்டி
சீரகம் – ஒரு தேக்கரண்டி
மஞ்சள் தூள் – கால் தேக்கரண்டி
உப்பு – தேவைக்கு
மிளகு தூள் – கால் தேக்கரண்டி
தண்ணீர் – 4 டம்ளர்
செய்முறை

கத்திரிக்காய் முள்ளங்கி துருவி கொள்ளவும்.
ஒரு பெரிய வயகன்ற சட்டியில் 4 டம்ளர் தண்ணீர் ஊற்றி கொதிக்க விட்டு அதில் உப்பு,சீரகம், மஞ்சள் தூள், துருவிய கத்திரிக்காய், முள்ளங்கி மற்றும் இஞ்சியை சேர்த்து மிதமான தீயில் நன்கு வேகவிடவும்.
ஒரு டம்ளர் வற்றும் வரை தீயின் தனலை மிதமாக வச்சி வேக விடவும் ( ஸ்லோ குக்கர்).
பிறகு வடிகட்டி தேவைக்கு குடிக்கவும்.


கவனிக்க: இதை பிலன்டரில் லேசா பிளன்ட் செய்து வடிகட்டாமலும் குடிக்கலாம்.
சூப் உடன் கிரில்ட் சிக்கன் மட்டன் அல்லது கிரில் பனீர் வைத்து சாலட் உடன் சாப்பிடலாம்.அல்லது கறிவடை மட்டன் வடை, காய்கறி வடை இதுபோல பக்க உணவு செய்து சாப்பிடலாம்.
சூப் இரண்டு வகை ஒன்று சூப் கு தேவையான காய்களை வேகவைத்ட்து விட்டு அதை பிளன்ட் செய்து அப்படியே மறுபடி கொதிக்க வைத்து குடிப்பது.
மற்றொன்று வேகவைத்து அந்த சூப் சத்துக்களை வடிக்கடி குடிப்பது.
அதில் இது தண்ணீ சாறு சூப் , லிக்விட் டயட் எடுப்பவர்களுக்கு இது உதவும்.
இது போல நான் எல்லா காய்கறிகளிலும் அதாவது டேஸ்ட் இல்லாத காய்களில் செய்து சூப்பாக குடிக்கலாம். பாகற்காயில் கூட இப்படி செய்யலாம் ஆனால் கசப்பு தெரியாமல் இருக்க இதில் பொன்னாகன்னி கீரை மற்றும் கேரட் சேர்த்துகொள்ளலாம்.
( கேன்சர் உள்ளவர்களுக்கு நான் இது போல எல்லாகாய்கறிகளிலும் செய்து கொடுத்து இருக்கேன்) 8 வ்ருடம் முன் 15 நாளில் அவரின் #சோர்வை சரி செய்து இருக்கேன்.
ஆக்கம்
Samaiyalattakaasam Jaleela Kamal


https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

அதிசய நிலா

நேற்று  14.11.16

அதிசிய நிலா
70 ஆண்டுக்கு ஒர் முறை
வானில் பூக்கும் முழு நிலா என்று எங்கு பார்த்தாலும் மெசேஜ்  நான் பார்க்க முடியுமா? ஆபிஸ் லிருந்து நேராக ஏதாவது பார்க்கில் போய் உட்கார்ந்து பார்க்கலாமா> இப்படி எல்லாம் நினைத்து கொண்டு கிளம்பும் போது   என்னால் எங்கும் போக முடியவில்லை.  
வீட்டுக்கே சென்று விட்டு சில வேலைகளை முடித்து விட்டு 

"பால்கனிய திறந்தால் கண் எதிரில் நிலா" ஒரு கனம் ஒன்றுமே புரியவில்லை இவ்ளோ கிட்ட பார்த்ததில்லை சுபுஹானல்லாஹ். 
மிக்க மகிழ்சி , உடனே இரண்டு கிளிக் கிளிக்கியாச்சு, சரி கொஞ்சம் நேரம் கழித்து இன்னும் சரியாக எடுக்கலாம் என்று போட்டோ எடுக்க போனால் அது அங்கிரு மறைந்து விட்டது . பிறகு தான் நினைத்துகொண்டேன் அது எனக்காகவே என் கண் முன் வந்து பிறகு மறைந்தது, அல்லாஹ் மிகக்கிருபையாளன். அல்லஹம்து லில்லாஹ்


இது என் டைரி போல தானே ஒரு நினைவு போல் என் சந்தோஷத்தை இங்கு  பதிந்து கொண்டேன்

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

காலிப்ளவர் தக்காளி சாதம்

தேவையான பொருட்கள்:
காலிப்ளவர் பூ - 200 கிராம்
தேங்காய் எண்ணை - இரண்டு தேக்கரண்டி
கடுகு
கருவேப்பிலை
பூண்டு
முந்திரி - 3 ( தேவைபட்டால்)
பழுத்த தக்காளி 2
சாம்பார் பொடி - ஒருதேக்கரண்டி
உப்பு தேவைக்கு

செய்முறை:
* காலிப்ளவர் பூவை வெண்ணீரை கொதிக்க விட்டு அதில் போட்டு இரண்டு நிமிடம் கழித்து வடிகட்டவும்/
* தாளிக்க கொடுத்துள்ளவைகளை தாளித்து தக்காளியை பொடியாக அரிந்து சேர்த்து சாம்பார் பொடி மற்றும் உப்பு சேர்த்து வதக்கி கூட்டு பதம் ஆகும் வரை வேக விடவும்.
* கடைசியாக வடித்து வைத்த காலிப்ளவரை சேர்த்து நன்கு கிளறி 2 நிமிடம் சிம்மில் வேக விட்டு இரக்கவும்.




https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

மொரு மொருன்னு முருங்கக்கீரை அடை

moringa leaves adai/ Moringa pancake
தேவையானவை
கடலை பருப்பு – 50 கிராம்
உளுந்து – 25 கிராம்
நவதாணியம் - 100 கிராம்
உப்பு
பெருங்காயம் – கால் தேக்கரண்டி
கருவேப்பிலை – சிறிது
பச்ச மிளகாய்  – 3
இஞ்சி – ஒரு இன்ச் அளவு

முருங்கக்கீரை - ஒரு கப்

எண்ணை - ஆலிவ் ஆயில் அல்லது நல்லெண்ணை

செய்முறை
நவதானியவகைகளை தனியாக 1 மணி நேரம் ஊறவைக்கவும்.
பருப்பு வகைகளை தனியாக 1 மணி நேரம் ஊறவைக்கவும்.
மிக்சியில் மிளகாய், இஞ்சி கருவேப்பிலை சேர்த்து அரைத்து அரிசி சேர்த்து அரைக்கவும்.   பருப்பு வகைகளையும் சேர்த்து கொர கொரப்பாக முக்கால்பதத்துக்கு அரைத்து எடுக்கவும்.அரைத்த மாவில் தேவைக்கு உப்பு சேர்த்து முருகக்கீரையை சேர்த்து நன்கு கலக்கி வைக்கவும்
.தோசை தவ்வாவில் தடிமனான தோசைகளாக சுற்றிலும் எண்ணை விட்டு இருபுறமும் மொருகலாக  சுட்டு எடுக்கவும்.
,இதற்கு புதினா சட்னியும் வெல்லமும் சூப்பர் காம்புனேஷன்.

.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

காலிப்ளவர் தேங்காய் சாதம்

#சைவபேலியோ
பெயர் : ஜலீலாகமால்
உணவுவகை : சாதம் வகைகள்
உணவுமுறை :பேலியோ
உணவின் பெயர் : காலிப்ளவ்ர் தேங்காய் சாதம்

காலிப்ளவர் தேங்காய் சாதம்

தேவையான பொருட்கள்:

துருவிய காலிஃப்ளவர் – கால் கிலோ
துருவிய தேங்காய் – அரை கப் (100 கிராம்)

தாளிக்க:

நெய் – 1 மேசைகரண்டி
கடுகு – அரை தேக்கரண்டி
கருவேப்பிலை சிறிது
பூண்டு – இரண்டு பல்
பச்சமிளகாய் – ஒன்று
காஞ்சமிளகாய் – ஒன்று

அலங்கரிக்க

கொத்துமல்லி தழை – சிறிது
துருவிய தேங்காய் - சிறிது

செய்முறை:
காலிப்ளவரை துருவி வெண்ணீரில் உப்பு போட்டு இரண்டு கொதி கொதிக்க விட்டு தண்ணீரை வடிக்கவும்.
ஒரு வாயகன்ற வானலியில் தாளிக்க கொடுத்துள்ள அனைத்து பொருட்களையும் ஒன்றன் பின் ஒன்றாக சேர்த்து வதக்கி காலிஃப்ளவர் மற்றும் தேங்காய் சேர்த்து ஒரு கை தண்ணீ தெளித்து வதக்கி முடிபோட்டு 3 நிமிடம் வேகவிட்டு இரக்கவும்.
கடைசியாக சிறிது கொத்துமல்லி தழை மற்றும் ப்ரஷ் தேங்காய் துருவல் சேர்த்து சாப்பிடவும்.

கவனிக்க: இதே போல காலிப்ளவ்ரில் தயிர் சாதம், தக்காளி சாதம், புளிசாதம், தேங்காய் சாதம், ஃப்ரைட் ரைஸ் என விரும்பியதை செய்து சாப்பிடலாம்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

இறால் பார்பிகியு/ கிரில் Prawn BBQ with Electric Grill

#Prawn BBQ/Grill
இறால் பார்பிகியு

பெரிய இறால் - அரைகிலோ
மிளகாய் தூள் - தேக்கரண்டி
உப்பு - முக்கால் தேக்கரண்டி
இஞ்சி பூண்டு பேஸ்ட் - ஒன்னறை தேக்கரண்டி
லெமன் -ஜுஸ் ஒரு பழம்
ஆச்சி கபாப் மசாலா - ஒரு தேக்கரண்டி
நல்லெண்ணை - இரண்டு மேசைகரண்டி
பார்பிகியு ஸ்டிக் - தேவையான அளவு

செய்முறை

பார்பிகியு ஸ்டிக்கை தண்ணீரில் ஊறவைக்கவும்.
இறாலை நன்கு சுத்தம் செய்து முதுகில் வயிற்றில் உள்ள அழுக்குகளை எடுத்து விட்டு நன்கு கழுவி தண்ணீரை வடிக்கவும்.
மேலே கொடுக்கப்பட்டுள்ள மசாலாக்களை இறாலில் தடவி அரை மணி நேரம் மேரினேட் பண்ணவும்.
ஊற வைத்த பார்பிகியு ஸ்டிக்கில் மேரினேட் செய்த இறாலை இடைவெளி விட்டு சொருகி இரண்டு புறமும் 10, 10 நிமிடம் வேக வைத்து எடுக்கவும்.
இது எலக்ரிக் பார்பிகியு அடுப்பில் செய்தது
20 நிமிடத்தில் தயாராகிடும்
இந்த அடுப்பை பயன் படுத்தும் விதம்
இதன் அடியில் மார்க் செய்துள்ள கோடு வரை தண்ணீரை நிறப்பவும்.மேலே உள்ள கம்ம்பியில் பட்டர் தடவி சொருகி வைத்துள்ள கம்பியை வைத்து இருபுறமு பார்பிகியு செய்யவும்.
சூட்டின் அளவை கூட்டலாம் குறைக்கலாம்.
சுவையான இறால் பார்பிகியு 65 ரெடி.
இதற்கு சைட் டிஷ் அவகோடா பாதாம் ஹமூஸ் அண்ட் சாலட்
ஆக்கம்
#ஜலீலாகமால்
பேலியோ டயட் ரெசிபி கிரில் ரெசிபி

#diet
#weightlossrecipe
#samaiyal attakaasam

#paleospecial recipe

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

மிராக்கல் புட்டிங் (ABC Agar Agar)

கேன்சர் விழிப்புணர்வு பிங்க் மாதம்

மிராக்கல் புட்டிங்  (ABC Agar Agar)

தேவையான பொருட்கள் 

ஒரு டம்ளர் மிக்ஸ்ட் (பீட்ரூட் கேரட் ஆப்பில்) ஜூஸ்

5 கிராம் அகர் அகர்  பொடித்து கொள்ளவும்

சர்க்கரை (அ) வெல்லம் தேவைக்கு

தண்ணீர் – அரை கப்

செய்முறை

அகர் அகரை பொடித்து தண்ணீரில் ஊறவைத்து ஜூஸ் மற்றும் சர்க்கரை சேர்த்து காய்ச்சவும்.அகர் அகர் கரைந்து அரைகப் வற்றியதும் சிறிது ரூ ஆப் ஷா எசன்ஸ் ஊற்றி ஒரு வாயகன்ற தாம்பாளதட்டில் ஊற்றீ ஆர வைத்து குளிரூட்டியில் குளிரவைத்து செட்டானதும் வேண்டிய வடிவில் துண்டுகள் போட்டு பரிமாறவும்.

கேன்சர் நோய் வராமல் தடுக்க பீட்ரூட் ஆப்பில் கேரட் சேர்ந்த ஜூஸ் (அ) சூப் (அ) மேலே சொன்னது போல கடல் பாசி செய்து சாப்பிடலாம்

Breast Cancer awareness Month

உலகில் உள்ள அனைத்துபெண்களும் வருடம் ஒரு முறை கேன்சர் டெஸ்ட் எடுத்துகொள்வது நல்லது.

இந்த மாதம் பின்க் மாதம் கேன்சர் விழிப்புணர்வு


சத்தான ஆகரங்களில்சமையல் செய்து உண்டு நீங்க ஆரோக்கியமாக இருந்தால் தான் உங்கள் குடும்பம் முழுவதும் ஆரோக்கியம் பெறும்.

Strawberry Cheese Cake

Beetroot Peanut Raitha

Beetroot Fish Cutlet

Pome Cooler

கேன்சர் நோய் வராமல் தடுக்க கூடிய உண்வுவகைகளை சமைத்து சாப்பிடுவதன் மூலம் நாம் உடல் நலத்தை நல்ல முறையில் பார்த்து கொள்ளலாம்.

எலுமிச்சை சாறு சூடான வெண்ணீரிலோ அல்லது பிளாக் டீயிலோ அல்லது சாலடிலோ அதிக அளவில் சேர்த்து கொள்ள வேண்டும்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

பாயில்ட் எக் சாண்ட்விச் - Boiled Egg Sandwich

பாயில்ட் எக் சாண்ட்விச்

எல்லாசத்துக்களும் ஒன்றாக அடங்கிய பவர் பேக் சாண்ட்விச்

தேவையானவை
லாங் பண் அல்லது ப்ரவுன் ப்ரெட் அ நார்மல் ப்ரட்
அவித்த முட்டை ஸ்லைஸாக கட் பண்ணியது
மயாணஸ்
மிக்ஸ்ட் சாலட்
புதினா சட்னி
டொமேட்டோ கெட்சப்

காலை உணவுக்கு  லன்ச் பாக்ஸ் க்கு , அல்லது  இரவு உணவுக்கு குழந்தைகளுக்கு கொடுக்க ஈசியான ஹெல்தியான சாண்ட் விச்

ப்ரட் அல்லது பண்ணை டோஸ்ட் செய்து மேலே கொடுக்கப்பட்டுள்ளவைகளை அரேஞ் செய்து உங்கள் செல்ல குழந்தைகளுக்கு கொடுக்கவும்.


வெஜிடேபுள்ஸ்
கிரீன் சட்னி
முட்டை
முன்றும் சேருகிறது.

லன்ச் பாக்ஸ் ரெசிபி, ஈசியான காலை மற்றும் இரவு உணவு

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet