அரைத்து விட்ட வாழைதண்டு கூட்டு

///வெங்காயம் தக்காளி விக்கிர விலையில் வெங்காயம் இல்லாம என்ன குறிப்பு போடலாமுன்னு யோசித்தேன், வாழதண்டு சாப்பிட்டு ரொம்ப நாளாச்சு, மனோ அக்கா வாழ தண்டு ரசம் என்றதும் எனக்கு கூட்டு சாப்பிட ஆசை உடனே செய்தாச்சு சுவைத்து மகிழுங்கள்./

அரைத்து விட்ட வாழைதண்டு துவரம் பருப்பு கூட்டு

தேவையானவை

வாழை தண்டு – ஒரு ஜான் அளவு
துவரம் பருப்பு – அரை ஆழாக்கு (100 கிராம்)

எண்ணையில் வறுத்து பொடிக்க

எண்ணை - ஒரு மேசை கரண்டி
காஞ்சமிளகாய் நீட்டு மிளகாய் – 3
கடலை பருப்பு – ஒரு மேசைகரண்டி
உளுத்தம் பருப்பு – ஒரு மேசைகரண்டி
முழுதனியா – ஒரு மேசை கரண்டி
கருவேப்பிலை – 10 இதழ்
சீரகம் – ஒரு தேக்கரண்டி
தேங்காய் துருவல் – இரண்டு மேசை கரண்டி



செய்முறை

1.வறுக்க கொடுக்க பட்டுள்ளவைகளை வறுத்து பொடிக்கவும்.
2. வாழை தண்டை வட்ட வட்ட வடிவமாக நறுக்கி இடை இடையே வரும் நாரை பிரித்து எடுத்து பொடியாக அரிந்து கொள்ளவும்.
3. பொடியாக அரிந்த வாழை தண்டில் மஞ்சள் பொடி உப்பு சேர்த்து சிறிதளவு தண்ணீர் சேர்த்து பாதி வேக்காடு வேக விடவும்.
4. துவரம் பருப்பில் ஒன்னறை டம்ளர் தண்ணீர் விட்டு மஞ்சள் பொடி சேர்த்து குக்கரில் வேகவிடவும்.
5. பருப்பு கொதித்து கொண்டு இருக்கும் போது பாதி வெந்த வாழைதண்டை சேர்ந்து , இரண்டு நிமிடம் கொதிக்க விட்டு பொடித்த பொடியையும் சேர்த்து முன்று விசில் விட்டு இரக்கவும்.

சுவையான வாழைதண்டு கூட்டு ரெடி , தாளிக்க தேவையில்லை, ( வேண்டும் என்பவர்கள் அரை தேக்கரண்டி எண்ணையை காயவைத்து சீரகம் சிறிது, கருவேப்பிலை போட்டு தாளித்து கலக்கவும்.

நான் இதில் தாளிக்கவில்லை வறுத்த எண்ணையே போதுமானது, சாப்பாத்தி பிளைன் ரைஸுடன் சாப்பிட அருமையாக இருக்கும்.

குறிப்பு:

கிட்னி பிராப்ளம் உள்ளவர்களுக்கு, கிட்னியில் கல் உள்ளவர்கள் இதை ஜூஸாக செய்து குடிக்கலாம். மாதம் ஒரு முறை சேர்க்கொள்வது எல்லோருக்குமே நல்லது
டயட் செய்பவர்களுக்கு அருமையான கூட்டு.
காரம் விரும்புவர்கள் இன்னும் ஒரு மிளகாய் அதிகம் சேர்த்து கொள்ளலாம்.
ஆக்கம்
ஜலீலா

பதிவின் பெயர் : சமையல் அட்டகாசங்கள்Jaleela Kamal இடம் : 73

தமிழ் மணத்தில் எல்லாம் நான இத்தானையாவது இடம் அத்தனையாவது இடமுன்னு பதிவர்கள் பதிவில் பார்த்தேன், ஒன்னுமே புரியல பிறகு ஸ்டார்ஜன் பதிவில் இந்த பார்த்தபோது தான் லிங்க் கிளிக் செய்தால் நானும் இருக்கேன்னு தெரிந்தது.

தமிழ் மணத்துக்கு நன்றி,

Rank 73" />

		Tweet