ப்ரெட் பஜ்ஜி - bread bhajji

இன்று என் செல்ல மகன் ஹனீபுக்கு பிறந்த நாள், பிறந்த நாள் எல்லாம் நாங்கள் கொண்டாடுவதில்லை, (யாரும் சிரிக்காதீங்க) ஹனீஃப் பிறக்கும் முன் வரை காதலர் தினம் என்றைக்கு என்று கூட தெரியாது. பிப்ரவரி 7 திருமண நாள் அன்று தான் டெலிவரி டேட் ஆனால் ஒரு வாரம் தள்ளி பிப்ரவரி 14 அன்று தான் பிறந்தான்.

 அப்ப தான் நர்ஸ் எல்லாம் வாழ்த்து சொன்ன போது ஹே ஹே டுடே வேலண்ட்டைன்ஸ் டே ,வாவ் என்று ஓவ்வொரு நர்ஸ், டாக்டர் எல்லாம் வாழ்த்து தெரிவித்தாங்க அப்ப இருந்த வலியில் எதுவும் காதுல விழல , அப்பரம் தான் ஓவ்வொரு வருடமும் பிப்ரவரி 14 காதலர்கள் தினம் என்று தெரியவந்தது.

பிள்ளைகளுக்கு பிறந்த நாள் என்றால் முதலில் ஸ்கூலுக்கு கலர் டிரெஸ் போடனும், எல்லோருக்கும் சாக்லேட் கொடுக்கனும் என்று தான் ஆசை படுவார்கள், அது போல் வாங்கி கொடுத்தாச்சு, மற்ற பிள்ளைகள்ம் கொடுக்கிறார்களே, ஃபிரென்ஸ்களுக்கு சாக்லேட் கொடுப்பதும், எல்லா ஆசிரியர்களுக்கு கொண்டு போய் சாக்லேட் கொடுப்பதும் அவனுக்கு பெரிய சந்தோஷம்.

அவர் (இனி அவன் கிடையாதாம்) மம்மி 13 இயர்ஸ் ஆகிவிட்டது இனி நான் கிட் கிடையாது, டீனேஜ் என்கிறார்.சரி சரி தவறாமல் தொழுகை ஓதல சரியா கடை பிடி பிறகு தான் எல்லாம் என்றேன்.

பெரிய கொண்டாட்டம் எல்லாம் கிடையாது, பிள்ளைகளின் ஆசைக்கு சின்ன பிள்ளைகளாக இருந்த போது கேக் வெட்ட எல்லாம் ஆசை,இப்ப வேண்டாம் என்று சொல்லிவிட்டான். முதலில் நஃபீல் தொழுகை, அடுத்து ஊரில் மிஸ்கீன் க|ளுக்கு சாப்பாடு அம்மாவிடம் சொல்லி கொடுக்க சொல்லிடுவேன், அடுத்து அவனுக்கு பிடித்தது சமைத்து கொடுப்பேன்,  நான் வைக்கும் சாம்பார் தான் அவனுக்கு ரொம்ப பிடிக்கும் ஆகையால் மதியம் சாம்பார் வடை, இட்லி.

எல்லோரும் துஆ செய்யுங்கள், உங்கள் அனைவரின் அன்பான துஆக்கள் வேண்டும்.

பதிவில் கடைசியாக ஒரு மெசேஜ் போடலாம் என்று நினைத்தால் நேற்றே பதிவுலக தோழி ஏஞ்சலின் வாழ்த்து அட்டை அனுப்பி வாழ்த்தினாங்க,

அடுத்து இன்று பிலாக்கை ஒப்பன் செய்தா இன்ப அதிர்ச்சி, வேலன் சார் வாழ்த்தலாம் வாங்க என்ற ஒரு இழை ஆரம்பித்து தவறாமல் மற்றவர்களில் பிறந்த நாள் மற்றும் திருமணநாளை போட்டு எல்லோரையும் மணமார வாழ்த்தி கொண்டு இருக்கிறார்.

வேலன் சாருக்கு க்கு மிக்க நன்றி + சந்தோஷம்.

வாங்க ஹனீஃபின் பேவரிட் ப்ரெட் பஜ்ஜியை சுவைக்கலாம் வாருங்கள்



காலை உணவுக்கு தினம் ஒரு வகை, பாம்பே டோஸ்ட், பர்கர் சாண்ட்விச், ஹாட் டாக்,பூரி பாஜி, நூடுல்ஸ், சுண்டல் , என இப்ப ஆறுமாதமா 10 நாளைக்கு ஒரு முறை பிரட் பஜ்ஜியும் என் பையனுக்கு ரொம்ப பிடித்து விட்டது.

கொண்டு போனாலே ஸ்கூலில் ஒரு கூட்டம் சேர்ந்துடுதாம். இப்ப கொஞ்சம் கூடுதலாகவே வைத்து அனுப்புவது.

தேவையானவை

பிரெட் சிலைஸ் - 6 

கடலை மாவு - ஒரு டம்ளர்

அரிசிமாவு - கால் டம்ளர்

கார்ன் பிளார் மாவு - சிறிது

மிளகாய் தூள் - ஒரு தேக்கரண்டி

ரெட் கலர் தேவை பட்டால்

உப்பு தேவைக்கு

பெருங்காயம்  கால் தேக்கரண்டி(அ) இஞ்சி பூண்டு பேஸ்ட் அரை தேக்கரண்டி

எண்ணை சுட தேவையான அளவு

செய்முறை

ப்ரெட்டை குறுக்கால ஓவ்வொன்றையும் முன்று பாகமாக வெட்டி கொள்ளவும்.இல்லை வேண்டிய வடிவில் வெட்டி கொள்ளவும்.

மேலே குறிப்பிட்ட அனைத்து பொருட்களையும் தயிர் பதத்துக்கு கலந்து கொள்ளவும்.

எண்ணையை காய்வைத்து ஒவ்வொன்றாக போட்டு எடுக்க்கவும்

குழந்தைகளுக்கு ரொம்ப பிடிக்கும்..

		Tweet