கத்திரிக்காய் சாம்பார் - Eggplant sambar

கத்திரிக்காய் சாம்பார்

தேவையானவை

வேக வைக்க

துவரம் பருப்பு – 50 கிராம்

மஞ்சள் தூள் – அரை தேக்கரண்டி

சின்ன வெங்காயம் - 8

தாளிக்க

எண்ணை + நெய் – முன்று தேக்கரண்டி

கடுகு – அரை தேக்கரண்டி

பூண்டு – இரண்டு பல்

கருவேப்பிலை – சிறிது

சின்ன வெங்காயம் – 6

தக்காளி ஒன்று – பெரியது

பெரிய கத்திரிக்காய் – ஒன்று (கால் கிலோ)

உப்பு தேவைக்கு

சாம்பார் பொடி – ஒன்னறை தேக்க்ரண்டி

புளி – கொட்டை பாக்கு அளவு

கொத்து மல்லி தழை - சிறிது

செய்முறை

1 . பருப்பை வேகவைத்து மசிக்கவும்.

2. தாளிக்க கொடுத்துள்ளவைகளை ஒன்றன் பின் ஒன்றாக சேர்த்து தாளித்து தக்காளியை நான்கு துண்டுகளாக அரிந்து சேர்த்து, மஞ்சள் பொடி, உப்பு சேர்த்து வேகவிடவும்.தக்காளி வெந்த்தும் கத்திரிக்காயை எட்டாக அரிந்து சேர்த்து வேகவைக்கவும்

3. ஐந்து நிமிடம் கழித்து சாம்பார் பொடி சேர்த்து, புளியையும் கரைத்து சேர்த்து கொதிக்கவிடவும்.

4. காய் வெந்து மசாலா வாடை அடங்கியதும் வேகவைத்த பருப்ப மசித்து சேர்த்து தேவையான அளவு தண்ணீர் சேர்த்து கொதிக்கவிட்டு கொத்துமல்லி தழை தூவி இரக்கவும்.சுவையான கத்திர்க்காய் சாம்பார் ரெடி.சுவையோ சுவை சுவையோ அலாதி. சாம்பார் என் சின்ன பையனுக்கு ரொம்ப பிடிக்கும். என் சின்ன பையனுக்கு நான் வைக்கும் சாம்பார் மட்டும் தான் பிடிக்கும்.

டிஸ்கி: இங்கு முன்பெல்லாம் கத்திரிக்க்காய் என்றால் குட்டி கத்திரிக்காய் கிடைப்பது அரிது நல்ல இரண்டு கை சைஸுக்கு ஒன்று கிடக்கும். இப்ப எல்லா வகையான கத்திரிக்காய் களும் கிடைக்கின்றன.

என் சில குறிப்புகளை இங்கும் காணலாம்...  வாங்க வாங்க 

		Tweet