கேபேஜ் வறவு/தோரன் - பேலியோ டயட் ரெசிபி

கேபேஜ் வறவு/தோரன்
Cabbage Varavu/Thoran

கேரளா ரெசிபியில் ஓணம் சதியாவில் வைக்கும் 36 வகை தாளி சாப்பாடு வகைகலில் தோரனும் ஒன்று அதை எல்லா வகையான காய்கறிகளிலும் செய்யலாம். இதை நான் முட்டை கோஸ் தோரனாக செய்து உள்ளேன்.
இது டயட்க்கு ஏற்ற ரெசிபி , நார்மல் டயட் + பேலியோ டயட்டுக்கு உகந்த சமையல்

தேவையான பொருட்கள்

 .   துருவிய (முட்டை கோஸ்) கேபேஜ் – 400 கிராம்

2.   இஞ்சி துருவல் – ஒரு தேக்கரண்டி
3.   பச்சமிளகாய் – 2 எண்ணிக்கை பொடியாக அரிந்தது
4.   சின்ன வெங்காயம் – 8
5.   துருவிய தேங்காய் – கால் கப்
6.   தண்ணீர் 4 மேசை கரண்டி
7.   மஞ்சள் பொடி – அரை தேக்கரண்டி
8.   உப்பு - தேவைக்கு

தாளிக்க

1.   தேங்காய் எண்ணை – 2 மேசைகரண்டி
2.   கடுகு – அரை தேக்கரண்டி
3.   கருவேப்பிலை – சிறிது
4.   சீரகம் – அரைதேக்கரண்டி

செய்முறை

ஒரு வாயகன்ற பாத்திரத்தில் ( முட்டைகோஸ், பச்சமிளகாய் , இஞ்சி , சின்ன வெங்காயம்,உப்பு, மஞ்சள் தூள் ) அனைத்தையும் கலக்கி வைக்கவும்.

தாளிக்கும் சட்டியை சூடு படுத்தி அதில் தேங்காய் என்னை யை ஊற்றி காயவைத்து அதில் கடுகு,கருவேப்பிலை, சீரகம் சேர்த்து தாளித்து கலந்து வைத்துள்ள முட்டை கோஸை சேர்த்து நன்கு பிரட்டி தண்ணீரை தெளித்து முடி போட்டு சிறு தீயில் 7 நிமிடங்கள் வேகவிடவும். வெந்ததும் கலக்கி மாற்றி பரிமாறவும்.

பேலியோ/Paleo Diet  டயட்டுக்கு உகந்த கேபேஜ் பொரியல் ரெடி.

இப்போது முன்னோர் உணவு என்று நார்மல் டயட்டில் இருந்து பேலியோ டயட் மூலம் பல கிலோ  உடல் எடை குறைகிறது, இதன் விளக்கங்கள் வார பத்திரிக்கையான தினமணியில் பார்த்து தெரிந்து கொள்ளுங்கள், வாரவாரம் ஞாயிற்று கிழமை பேலியோ டயட்டை பற்றி பகிர்ந்து வருகிறாரக்ள்.

Tag:Paleo Diet Recipes, Cabbage

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

வெண்டைக்காய் வறுவல்- Ladies Finger Stir Fry

வெண்டைக்காய் வறுவல்/பொரியல்/Ladies Finger Stir Fry

வெண்டைக்காய் மூளை வளர்சிக்கு ஏற்ற காய், வெரும் தயிர் சாதத்துடன் சாப்பிட அருமையாக இருக்கும் ரொம்ப சிம்பில் பேச்சிலர்களும் ஈசியாக செய்து விடலாம்.

தேவையான பொருட்கள்.

வெண்டைக்காய் – கால் கிலோ

சாம்பார் பொடி – ஒரு தேக்கரண்டி

உப்பு – அரை தேக்கரண்டி

தாளிக்க

எண்ணை –இரண்டு தேக்கரண்டி

கடுகு, உளுத்தம் பருப்பு, கடலை பருப்பு – ஒரு தேக்கரண்டி

கருவேப்பிலை சிறிது

வெங்காயம் பொடியாக அரிந்தது – ஒரு மேசைகரண்டி

காஞ்ச மிளகாய் – 3  எண்ணிக்கை

செய்முறை

வெண்டைக்காயை கழுவி கொண்டையை யும் வாலையும் அரிந்து விட்டு நீளவாக்கில் அரிந்து கொள்ளவும்.

ஒரு வாயகன்ற காடாயில் எண்ணை விட்டு தாளிக்க கொடுத்துள்ளவைகளை ஒன்றன் பின் ஒன்றாக சேர்த்து தாளிக்கவும்.

பிறகு வெண்டைக்காயை சேர்த்து நன்கு வதக்கி உப்பு தூள் மற்றும் சாம்பார் தூள் சேர்த்து நன்கு கிளறி சிறிது தண்ணீர் தெளித்து மூடி போட்டு வேகவிடவும். 

வேக வைக்கும் போது தீயின் தனலை மிகக்குறைவாக வைக்கவும். 5 லிருந்து 7 நிமிடங்களுக்குள் வெந்துவிடும்.

பேச்சிலர்களுக்கும் ஈசியாக செய்யக்கூடிய வெண்டைக்காய் வறுவல் ரெடி.

வெறும் மோர், ரசம் தயிர் சாதத்துடன் சாப்பிடலாம்.

கவனிக்க : வெண்டைக்காயை அரிந்து விட்டு கழுவக்கூடாது , கழுவிட்டு தான் அரியனும், இல்லை என்றால் கொழ கொழப்பாகிவிடும்.

சாம்பார் பொடிக்கு பதில் மிளகாய் தூளும் போட்டு செய்யலாம்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

பீட்ரூட் வறவு/பொரியல்/தோரன்

Beetroot Varavu/thoran/poriyal/Stir Fry

பீட்ரூட் வறவு என்றதும் என்ன இது வரவு என்று நினைக்கவேண்டாம்,

இது கேரளாவில் சிலர் பொரியலை , தோரன் என்றும் வறவு என்றும் சொல்வார்கள், இது ரொம்ப சிம்பிளான வறவு.


கேரளாவில் கண்ணூர், எர்னாகுளம், கொல்லம், திரிசூர் , தெல்லஷேரி,போன்ற இடங்களில் ஊருக்கு ஊர் உணவு வகைகளின் பெயர் வித்தியாம் உள்ளது. இது ரொம்ப சிம்பிளாகவும் ஈசியாகவும் தயாரிக்க கூடிய பொரியல்.

அன்றாட உணவில் வாரம் ஒரு முறையாவது பீட்ரூட்டை உணவில் சேர்த்து கொள்ளவேண்டும்.
பல நோய்களுக்கு அருமருந்து.கேன்சர் நோய் வராமல் தடுக்க இது போல் பீட்ரூட்டை அடிக்கடி பலவகைகளாக செய்து சாப்பிடலாம். இரத்தசோகை உள்ளவர்களுக்கும் , கர்பிணி பெண்களுக்கும் இதை செய்து கொடுக்கலாம்.
குழந்தைகளுக்கு கலர் ஃபுல்லாக காரமில்லாமல் இருப்பதால் விரும்பி சாப்பிடார்கள்.

தேவையான பொருட்கள்

பீட்ரூட் - 2

தாளிக்க

எண்ணை சன்ப்ளவர் ஆயில் (அ) தேங்காய் எண்ணை (அ) எல் கே நிர்மல் எண்ணை - ஒரு மேசைகரண்டி

கடுகு - அரை தேக்கரண்டி
கருவேப்பிலை - பொடியாக நறுக்கியது - ஒரு தேக்கரண்டி
பச்ச மிளகாய் - 2 பொடியாக நறுக்கியது
சீரகம் - அரை தேக்கரண்டி

செய்முறை

பீட்ரூட் தேலொடுத்து கழுவி மிகக்குறுகலாக பொடிப்பொடியாக அரிந்து கொள்ளவும்.

வானலியை காயவைத்து  எண்ணை ஊற்றி கடுகு, சீரகம், கருவேப்பிலை , பச்சமிளகாய் போட்டு தாளித்து பீட்ரூட்டையும் சேர்த்து உப்பு போட்டு நன்கு பிரட்டவும்.
தீயின் தனலை மிகக்குறைவாக வைத்து நன்கு வேகவிட்டு இரக்கவும்.

அப்படியே சாதத்தில் போட்டு பிரட்டி சாப்பிட அருமையாக இருக்கும்.
Kerala Recipe - Beetroot Varavu/Thoran/Poriyal/Stir Fry
Linking to Walk through memory lane hosted by Amrita
https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

வேர்கடலை வெண்டைக்காய் பொரியல் - Ladies Finger Peanut Stir Fry

 வேர்கடலை என்றதும் எங்க டாடி ஞாபகம் தான் வருகிறது.ஞாயிற்று கிழமைகளில் மாலை கண்டிப்பாக எங்க அம்மா சுண்டல் அல்லது வேர்கடலை செய்வார்கள். அப்ப டாடி சொல்வாங்க எம்மா மல்லாட்டை வெவிக்க போடுமா என்று , ம்ம் ஊரிலிருந்து மூட்டை மூட்டையாக அப்ப எங்க வீட்டுக்கு வரும். சொந்தங்களுக்கு கொடுத்த்து போக மீதி வீட்டில் விடுமுறை நாட்களில் வேகவைத்து நாங்க எல்லோரும் டாடியோடு ஒன்றாக உட்கார்ந்து  சாப்பிடுவோம். பெரிய பானையில் உப்பு சேர்த்து வேக வைத்து தண்ணீரை வடித்து அதன் தோலை உரிப்பதற்குள் போதும் போதும் என்றாகிடும்.

இப்போதெல்ல்லாம் தோல் எடுத்த வேர்கட்லையே இங்கு பாக்கெட்டுகளில் கிடைக்கிறது. என் கணவருக்கும் ரொம்ப பிடிக்கும் காலை டிபனுக்கு வேர்கடலை சாலட், வேர்கடலை அல்லது சுண்டல் வகைகள் மாதம் இருமுறை செய்வேன். புளி சாதம் , பிஸிபேளாபாத் செய்யும் போது கண்டிப்பாக வேக வைத்த வேர்கடலை யுடன் தான் செய்வது, சில நேரம் புளி சாதத்தில் வேக வைத்த கருப்பு கொண்டை கடலை சேர்த்தும் செய்வேன்.

வேர்கடலை வெண்டைக்காய் பொரியல்/Ladies Finger Peanut Stir Fry/Peanut & Okra & Boiled Peanut Stir Fry

தேவையானவை
வெண்டைக்காய் – கால் கிலோ
வேக வைத்த வேர்கடலை – முன்று மேசைகரண்டி
தாளிக்க
எண்ணை – இரண்டு தேக்கரண்டி
கடுகு உளுத்தம் பருப்பு கடலை பருப்பு – 1 மேசைகரண்டி
பொடியாக அரிந்த வெங்காய்ம் – 1
பொடியாக அரிந்த தக்காளி – அரை பழம்
மிளகாய் தூள் – அரை தேக்கரண்டி
உப்பு தூள் – அரை தேக்கரண்டி

செய்முறை :

வெண்டைக்காயை கழுவி அரிந்து கொள்ளவும்.ஒரு வாயகன்ற வானலியை சூடு படுத்தி தாளிக்க கொடுத்துள்ள பொருட்களை சேர்த்து தாளித்து வெண்டைக்காய், மற்றும் வேக வைத்த வேர்கடலை சேர்த்து நன்கு கிளறி மிளகாய் தூள், உப்பு தூள் சேர்த்து கிளறி இரண்டு தேக்கரண்டி தண்ணீர் தெளித்து முடி போட்டு (வெண்டைகாய் சீக்கிறம் வெந்து விடும்) 5 நிமிடம் வேகவைக்க்கவும்.சுவையான சத்தான வெண்டைக்காய் வேர்கடலை பொரியல்ரெடி.. பீட்ரூட் ,கேரட் போன்ற பொரியல்கள் செய்யும் போதும் சேர்த்து கொள்ளலாம். 

பொரியல் வகைகளில் சீக்கிறமாக செய்யக்கூடிய பொரியல் வெண்டைக்காய் தான். வெண்டைக்காயை அரிந்து விட்டு கழுவக்கூடாது கொழ கொழன்னு ஆகிவிடும். முதலில் கழுவி விட்டு கொண்டையை வாலையும் அரிந்து விட்டு பிறகு அரியனும்.

வெண்டைக்காய் வதக்கும் போது சிறிது தயிர் சேர்த்து வதக்கினால் கொழ கொழப்பாகாது.
சோம்பு தயிர் வெண்டைக்காய் பொரியல்

வெண்டைக்காய் குர் குரே

வெண்டைக்காய் தால் பொரியல்

Linking to Tamizar samaiyal Tuesday Event FB Group & Gayatri's walk through memory lane hosted by Priya Anadhakumar
தமிழர் சமையல் நளினி சுரேஷின் ஈவண்ட் ,ஓவ்வொரு மாதமும் மாதத்தில் இரண்டாவது நான்காவது மாதம் போஸ்ட் செய்யனும் என்பது விதிமுறை. இங்கு நான் பகிர்வது ஏராளமாக நம்மூர் சமையல் தான் , போஸ்ட் போட்டு அதை லிங்க் பண்ணுவது பெரும் பாடாக இருக்கிறது . எப்ப்போது முடிகிறதோ அப்போது மட்டும் பகிர்ந்து கொள்ளலாம் என்று இந்த வேர்கடலை வெண்டைக்காய் பொரியலை தமிழர் சமையலில் பகிர்கின்றேன்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam

		Tweet

கேரட் முர்தபா - Carrot Muthapa

 முர்தபா முட்டை அல்லது கறி கீமா, சிக்கன் கீமா , மீன் கீமாவில் செய்வது ஸ்டப்டு பரோட்டா. இதை ஆபிஸ் , குழந்தைகளுக்கு லன்ச் பாக்ஸ்க்கு இப்படி வெஜ் முர்தபா செய்து கொண்டு செல்லலாம்.

கேரட் முர்தபா  : பரிமாறும் அளவு - 3 நபர்களுக்கு அல்லது  இரண்டு நபர்களுக்கு 
மிகவும் சத்தானது + பவர் பேக் காலை உணவு.




இப்போது கடையில் ரெடிமேட் சப்பாத்தி, ரொட்டிகள், பரோட்டாக்கள் அதிகம் கிடைக்கின்றன. பொரியல் நிறைய செய்து கொண்டு அதை வாங்கி நடுவில் வைத்து இப்படி மடித்தும் செய்யலாம் இன்னும் வேலை சுலபமாக முடிந்து விடும்.

பரோட்டா தயாரிக்க: 

மைதா அல்லது கோதுமை -  1 டம்ளர்

உப்பு - தேவைக்கு

தண்ணீர்

நெய் (அ) பட்டர் - 1 மேசைகரண்டி

சர்க்கரை - ஒரு தேகக்ரண்டி

கேரட் பொரியல் : 3 குழிகரண்டி

அலங்கரிக்க :  வட்டமாக அரிந்த கேரட்

செய்முறை

ஒரு வாயகன்ற பவுளில் மைதா, சர்க்கரை, உப்பு , பட்டர் சேர்த்து தேவைக்கு தண்ணீர் சேர்த்து பரோட்டாவிற்கு மாவு குழைக்கவும்.

குழைத்ததை 10 நிமிடம் ஊறவைக்கவும்

மாவை உருண்டைகளாக போடவும்/

ஒரு உருண்டையை வட்டவடிவமாக திரட்டி நடுவில் ஒரு குழிகரண்டி அளவு கேரட் பொரியலை வைத்து நாலாபக்கமும் மடித்து தவ்வாவில் பட்டர் அல்லது நெய் விட்டு சுட்டு எடுக்க்கவும்.

காலை டிபனுக்கு இது ஒன்று சாப்பிட்டாலே போதுமானது, நல்ல பில்லிங்காக இருக்கும்.

டிஸ்கி: சின்ன வயதில் எங்க லஞ்ச் பாக்ஸ் அம்மா ரொட்டி , பீட்ரூட் கடலை பருப்பு பொரியல் போல செய்து கொடுப்பாங்க வாரம் ஒரு நாள் அது தான்.

என் பிள்ளைகளுக்கு கேரட் தான் ரொம்ப பிடிக்கும் ஆகையால் நான் அவர்களுக்கு இது போல் செய்வது.

மிகவும் சத்தானது + பவர் பேக் காலை உணவுன்னு சொல்லலாம்.

.

Linking to  my own Event - Bachelor's Feast.

		Tweet

மஞ்சள் பூசணி பொரியல் - Yellow Pumpkin Poriyal

டயட்டில் இருப்பவர்களுக்கு அருமையான பொரியல் , சப்பாத்தியுடன் சாப்பிடலாம்.சீக்கிரமாக வெந்துவிடும். பேச்சுலர்கள் சுலபமாக தயாரித்து விடலாம்.

மஞ்சள் பூசணி பொரியல்

தேவையானவை

மஞ்சள் பூசணி – 250 கிராம்

மிளகாய் தூள் – ½ தேக்கரண்டி

உப்பு –தேவைக்கு

மஞ்சள் தூள் – ¼ தேக்கரண்டி

துருவிய தேங்காய் ஐஸ் கியுப் – 2

தண்ணீர் – 1 மேசை கரண்டி

தாளிக்க

எண்ணை  - 2 தேக்கரண்டி

கடுகு, உளுத்தம் பருப்பு, கடலை பருப்பு – தலா ஒரு தேக்கரண்டி

காஞ்ச மிளகாய்  - 2

பூண்டு  - 2 பல்

பொடியாக அரிந்த பச்சமிளகாய் – 1

பொடியாக அரிந்த தக்காளி – 1 மேசைகரண்டி

கருவேப்பிலை சிறிது

செய்முறை

பூசணிக்காயை பொடியாக சதுரவடிவமாக அரிந்து வைக்கவும்.

தாளிக்க கொடுத்துள்ளவைகளை ஒன்றன் பின் ஒன்றாக  சேர்த்து கருகாமல் தாளிக்கவும்.

அரிந்த பூசணிக்காயை சேர்த்து மிளகாய்தூள், மஞ்சள் தூள், உப்பு சேர்த்து வதக்கி தண்ணீர் தெளித்து மூடி போட்டு தீயின் தனலை குறைவாக வைத்து வேகவிடவும், 5 நிமிட்த்தில் வெந்து விடும்.

வெந்த்தும் துருவிய தேங்காய் சேர்த்து இரண்டு நிமிடம் வதக்கி இரக்கவும்.

சுவையான மஞ்சள் பூசணி பொரியல் ரெடி.

வொயிட் ரைஸ் மற்றும் சப்பாத்தி, ரசம் சாத்துக்கு பொருத்தமாக இருக்கும்.

பரிமாறும் அளவு : 3 நபர்களுக்கு
ஆயத்த நேரம் : 7 min
சமைக்கும் : 10 min

		Tweet

சோம்பு முட்டைகோஸ் பொரியல் - Fennel Seed Cabbage Poriyal

முட்டை கோஸ் - 100 கிராம்

தாளிக்க

எண்ணை - 1 தேக்கரண்டி
சோம்பு + கடுகு - 1/2 தேக்கரண்டி
சின்ன வெங்காயம் - 2 பொடியாக அரிந்தது
பெருங்காயப்பொடி - அரை சிட்டிக்கை
காஞ்ச மிளகாய் - 1
கருவேப்பிலை - 5 இலை


துருவிய தேங்காய் - 2 தேக்கரண்டி
தண்ணீர் - 2 தேக்கரண்டி

செய்முறை

முட்டை கோஸை நீளவாக்கில் அரிந்து கொள்ளவும்.

தாளிக்க கொடுத்துள்ளவைகளை குக்கரில் தாளித்து முட்டை கோஸ் சேர்த்து வதக்கி மஞ்சள் பொடி உப்பு ,தேங்காய் துருவல், இரண்டு தேக்கரண்டி தண்ணீர் தெளித்து இரண்டு விசில் விட்டு இரக்கவும்.

பிளெயின் சாதத்துடன்  அல்லது ரொட்டி சப்பாத்தி, குபூஸுடன் ரோல் சாண்ட் விச் சாப்பிடலாம்.

பரிமாறும் அளவு : 1 நபருக்கு 

ஆயத்த நேரம் : 5 நிமிடம்

சமைக்கும் நேரம் - 5 நிமிடம்

இதை இங்கு நான் நடத்தும் என் பேச்சுலர் சமையல் ஈவண்டுக்கு இனைக்கிறேன்.

		Tweet

கிரிஸ்பி ஆலு ஜீரா ஃப்ரை - Crispy Aloo Jeera Fry

கிரிஸ்பி ஆலு ஜீரா ஃப்ரை

தேவையான பொருட்கள்

உருளை கிழங்கு – 1  ( தோலெடுத்து பொடியாக அரிந்த்து)

தாளிக்க

எண்ணை – 1 தேக்கரண்டி

கருவேப்பிலை சிறிது

சீரகம் – 1 தேக்கரண்டி

பெருங்காயப்பொடி  - ஒரு சிட்டிக்கை

உப்பு தேவைக்கு

காஷ்மிரி ரெட் சில்லி பவுடர் – ¾ தேக்கரண்டி

செய்முறை

ஒரு வாயகன்ற நான் ஸ்டிக் பேனில் எண்ணைய சூடாக்கி சீரகம், பெருங்காயம், கருவேப்பிலை சேர்த்து தாளிக்கவும்.

பொடியாக அரிந்த உருளை கிழங்கை சேர்த்து 2 நிமிடம் வதக்கவும்.

மிளகாய் தூள், உப்பு சேர்த்து தீயின் தனலை குறைவாக வைத்து 3 மூடி போட்டு 3 நிமிடம் வேக விடவும்.

பிறகு மூடியை திறந்து விட்டு மேலும் முன்று நிமிடம் வதக்கி நல்ல ரோஸ்ட் ஆனதும்  இரக்கவும்.

தயிர் சாத்த்துக்கு பெஸ்ட் காம்பினேஷன் ஊறுகாயிக்கு அடுத்து உருளை வருவல் தான் பல மசலாக்கல் சேர்த்து செய்யலாம், இது இரு சிம்பிளான ஆலு ஜீரா.

சாப்பிட சாப்பிட மீண்டும் மீண்டும் சாப்பினும் போல் இருக்கும்.

 பரிமாறும் அளவு: 1 நபருக்கு

ஆயத்த நேரம்: 4 நிமிடம்

சமைக்கும் நேரம் : 8 நிமிடம்

இங்கு நான் நடத்தும் பேச்சுலர் ஈவண்டுக்கு இதை இனைக்கிறேன்.

		Tweet

கொத்தவரங்காய் பொரியல் - Cluster beans stir fry

பச்சை காய் கறிகள் உணவில் அதிகம் சேர்த்து கொள்வது மிகவும் நல்ல , சர்க்கரை வியாதி, பீபி உள்ளவர்கள் இது போல் பொரியல் செய்து ரசத்துடன் சாப்பிட அருமையாக இருக்கும்..

தேவையானவை

கொத்தவரங்காய்  - கால் கிலோ

உப்பு - அரை தேக்கரண்டி

 மஞ்சள் பொடி  - கால் தேக்கரண்டி

மிளகாய் தூள் - அரை தேக்கரண்டி

தேங்காய் - கால் முறி ( 4 பத்தை)

தாளிக்க

எண்ணை - இரண்டு தேக்கரண்டி

கடுகு - அரை தேக்கரண்டி

உளுத்தம் பருப்பு, கடலை பருப்பு -  ஒரு தேக்கரண்டி

காஞ்சமிளகாய் (வர மிளகாய் )  - இரண்டு

பூண்டு - இரண்டு பல் ( அல்லது) பெருங்காயம் கால் தேக்கரண்டி

கருவேப்பிலை - சிறிது 

செய்முறை

கொத்தவரங்காயை நன்கு கழுவி  இரண்டுஓரங்களையும் அரிந்து விட்டு

பொடியாக அரிந்து 5 நிமிடம் தண்ணீரில் கொதிக்கவைத்து வடிக்கவும்.

தாளிக்க கொடுத்துள்ளவைகளை போட்டு தாளித்து கொத்தவரங்காயை சேர்த்து வதக்கி உப்பு, மிளகாய் தூள், மஞ்சள் பொடி சேர்த்து நன்கு வதக்கி 5 நிமிடம் சிம்மில் வேக விடவும்.

கடைசியாக தேங்காய் பூ சேர்த்து கிளறி வதக்கி இரக்கவும்.

சுவையான கொத்தவரங்காய் பொரியல் ரெடி.

இதை தக்காளி சேர்த்தும் செய்யலாம் , கூட்டு போலவும் செய்யலாம்.

டிப்ஸ்: சைவ குறிப்புகள் அதிலும் பொரியல் வகைகள் செய்வது ரொம்ப சுலபம். எனக்கு ரசம், பொரியல் , அப்பளம், இருந்தால் போதும்.

வாரத்தில் இரண்டு முறை இது போல் செய்து சாப்பிடுவோம்.

அதிலும் கொத்தவரங்காய் நலல் டயட் க்குக்கான பொரியல் தேங்காய் அதிகம் வேண்டாம் என்பவர்கள். இதில் நிறைய வெங்காயம் தக்க்காளி சேர்த்து வதக்கி செய்தால் ரொம்ப சூப்பராக இருக்கும். இதில் பருப்புசிலி செய்தாலும் பிரமாதமாக இருக்கும். மட்டனுடன் சேர்த்தும் சமைக்கலாம்.

கொத்தவரங்காய் பித்த்ம் என்று சொல்வார்கள் அதுக்கு தான் தண்ணீரில் கொத்திக்க வைத்து வடிப்பது.

		Tweet

ஸ்வீட் & சோர் பாகற்காய் -

//பாகற்காய் என்றாலே கசப்பு தான் அந்த கசப்பு தன்மை இல்லாமல் சமைக்க இந்த முறையில் செய்யலாம். இது குழந்தைகளுக்கு வயிற்றில்
உள்ள பூச்சியை அழிக்கும். சர்க்கரை வியாதிகாரர்களுக்கும் நல்ல டிஷ். மிளகாய் தூளுக்கு பதிலாக ரெட் சில்லி சாஸ் சேர்த்தும் செய்யலாம்.//

தேவையானவை


பாகற்காய் - 200 கிராம்
வெங்காயம் - 50 கிராம்எண்ணெய் - மூன்று மேசைக்கரண்டி
மிளகாய் தூள் - முக்கால் தேக்கரண்டி
வினிகர் - ஒரு தேக்கரண்டி
டொமேட்டோ கெட்சப் - இரண்டு மேசைக்கரண்டி
சர்க்கரை - அரை தேக்கரண்டி
உப்பு - ஒன்றரை தேக்கரண்டி



செய்முறை
பாகற்காயை வில்லைகளாக நறுக்கி வைத்துக் கொள்ளவும். வெங்காயத்தை பொடியாக நறுக்கிக் கொள்ளவும்.


ஒரு பாத்திரத்தில் நறுக்கின பாகற்காய் துண்டுகளை போட்டு ஒரு தேக்கரண்டி உப்பு, சிறிது தண்ணீர் தெளித்து இரண்டு மணி நேரம் ஊற
வைக்கவும்வாணலியில் எண்ணெய் ஊற்றி காய்ந்ததும் ஊற வைத்திருக்கும்.


பாகற்காய் வில்லைகளை தண்ணீர் இல்லாமல் வடித்து இரண்டாக பிரித்து
வைத்துக் கொண்டு ஒவ்வொரு பகுதியாக போட்டு பொரிக்கவும்பொரித்த பாகற்காயை எண்ணெயை சுத்தமாக வடித்து எடுத்து ஒரு தட்டில் வைத்துக் கொள்ளவும்.



அதே வாணலியில் மீதமுள்ள எண்ணெயை ஊற்றி நறுக்கின வெங்காயத்தை போட்டு வதக்கவும்.வெங்காயம் வதங்கியதும் பொரித்து வைத்திருக்கும்.
பாகற்காய், அரை தேக்கரண்டி உப்பு, மிளகாய் தூள் சேர்த்து நன்கு கிளறி விடவும்.

பாகற்காயுடன் மசாலா சேர்ந்தவுடன் வினிகரை சேர்த்து ஒரு நிமிடம் நன்கு பிரட்டி விடவும்.
கடைசியில் டொமெட்டோ கெட்சப் மற்றும் சர்க்கரை சேர்த்து நன்கு கிளறி விட்டு ஒரு நிமிடம் கழித்து இறக்கி வைக்கவும்



ஏழுகறி சாம்பார்


I am sending these recipes to nithubala's vegetable marthon- bitter gourd event

		Tweet

சிம்பிள் பீட்ரூட் பொரியல் - simple beetroot poriyal

தேவையான பொருட்கள்

பீட்ரூட் – 150 கிராம்
தேங்காய் துருவல் – ஒரு மேசை கரண்டி
உப்பு – தேவைக்கு (அரை தேக்கரண்டி)
தாளிக்க
எண்ணை – ஒரு தேக்கரண்டி
கடுகு – அரை தேக்கரண்டி
உளுத்தம் பருப்பு – அரை தேக்கரண்டி
வெங்காயம் – 1
பூண்டு – 2 பல்
கருவேப்பிலை – இரண்டு ஆர்க்
பச்சமிளகாய் – 1

செய்முறை

1. பீட்ரூடை தோலை நீக்கி பொடியாக அரிந்து கொள்ளவும்.

2. ஒரு வாயகன்ற பாத்திரத்தில் எண்ணை, கடுகு ,உளுத்தம் பருப்பு,கருவேப்பிலை சேர்த்துதாளித்து, வெஙகாயம் ,பூண்டு,பச்சமிளாய் சேர்த்து இரண்டு நிமிடம் வதக்கி பீட்ருட்டை சேர்த்து தேவைக்கு உப்பும் போட்டு ஒரு கை அளவு தண்ணீர் தெளித்து முடிபோட்டு ஐந்து நிமிடம் வேகவிடவும்.

3. வெந்த்தும் தேங்காய் துருவல் சேர்த்து சிறிது நேரம் வதக்கி இரக்கவும்.

4. பிளெயின் சாதம், வெண்டைக்காய் மோர் குழம்பு,சிக்கன் லாலிபாப் பிரையுடன் சாப்பிட அருமையாக இருக்கும். குழந்தைகளுக்கு பார்க்க கலர் புல்லாகவும் இருக்கும். நல்ல சத்தான ஒரு மதிய உணவு.

லெமன் லாலி பாப் சிக்கன் ஃப்ரை

பீட்ருட் பொரியல்

மிக்ஸ்ட் தந்தூரி ஃபிஷ் டீப் ஃப்ரை

லெமன் லாலி பாப் சிகக்ன் ஃப்ரை

பீட்ரூட் பொரியல்

This recipe goes to sanyukta's A Visuval Treat Event , priya's healing foods-beetroot and ummu mymoon's Any One Can Cook.

Lemon Loli Pop Chicken Fry

பீட்ரூட் முளைபயிறு இட்லி
பீட்ரூட் ஹல்வா
பீட்ரூட் பொரியல்

		Tweet