புதினா நெல்லிக்காய் ஜூஸ் - Mint Gooseberry Juice

வெயில் காலம் ஆரம்பிக்கிறது , டீ காபியை தவிர்த்து மோர் , நெல்லிக்காய், எலுமிச்சை ஜூஸ் என எடுத்து கொண்டால் , கோடை காலத்தில் ஏற்படும் வெயில் தாக்காத்தை சமாளிக்கலாம் நல்ல புத்துணர்வாகவும் கண்களுக்கு குளிர்ச்சியாகவும் இருக்கும்.

இந்த புதினா நெல்லிக்காய் ஜூஸ் செய்து தொடர்ந்து குடித்து வந்து கிட்னி கல் சரியாகி இருக்கு , உண்மை தாங்க  நம்ம சேனல் சப்ஸ் கிரைபர் ஒருத்தங்க மெசேஜ் செய்து இருந்தார்கள்
நீங்களும் முயற்சிக்கலாம் மற்றவர்களுக்கும் தெரிய படுத்தலாமே , சேனலை சப்ஸ்கிரைப் செய்து பயனடையுங்கள்

 புதினா நெல்லிக்காய் ஜூஸ்

புதினா - அரை கைப்பிடி

நெல்லிக்காய் - 3

லெமன் - ஒன்று

இஞ்சி - அரை இன்ச் சைஸ்

வெள்ளை மிளகு தூள் - கால் தேக்கரண்டி

உப்பு (அ) சர்க்கரை (அ) தேன் - தேவைக்கு

Please visit my YOU tube Channel Like, comment, subscribe and share with your Friends

Mango Coconut Milk Cocktail

செய்முறை 

புதினாவை மண்ணில்லாமல் கழுவி அத்துடன் மிக்சியில் நெல்லிக்காய் இஞ்சி சேர்த்து தண்ணீர் + ஐஸ் கட்டிகள் சேர்த்து நன்கு அரைக்கவும்.

அரைத்ததை வடிகட்டி அதில் லெமன் பிழிந்து மிளகு தூள் சேர்த்து உப்பு அல்லது சர்க்கரை அல்லது தேன் கலந்து குடிக்கவும்.

கவனிக்க டயட் செய்பவர்கள் சர்க்கரை வியாதிகாரர்கள் உப்பு மட்டும் சேர்த்து கொள்ளவும்.

டயட் ஜூஸ்
பேலியோ டயட் ஜூஸ்
மின்ட் ஜூஸ்

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

புற்றைக்கொள்ளும் செந்நிற பானம்

இதை முன்பு நேசம் மற்றும் உடான்ஸ் புற்று நோய் விழிப்புணர்வு போட்டிகள் வைத்து விழிப்புணர்வு செய்தார்கள், இன்னும் அதிக அளவில் கேன்சர் நோய் சிறியவர்கள் பெரியவர்கள் என்றில்லாமல் அனைவரையும் ஆட்டி படைத்து கொண்டு தான் இருக்கிறது.. இது போல் உண்ணும் உணவிலாவதுகவனம் செலுத்தி ஓரளவுக்கு நாம் தடுத்து கொள்ளலாம்.

இதற்கு முன் நான் போட்டுள்ள சில பதிவுகளின் லின்குகள் கீழே உள்ள சுட்டியை சொடுகி பார்க்கவும்.

கேன்சர் நோயாளிகளுக்கான உணவு வகைகள்

புற்றை வெல்வோம் வருமுன் காப்போம் பெண்களுக்காக

ஆயிஷாமாவின் தன்னம்பிக்கை - கதை

சிலருக்கு கேரட் ஆப்பிள், பீட்ரூட் சேர்த்து ஜூஸ் செய்து குடிக்க பிடிக்க வில்லை என்றால் சூப் போல செய்து குடிக்கலாம்.


-- புற்றுநோயை கட்டுப்படுத்தும் செந்நிற பானம்

//இது முன்பு  எல்லாருக்கும் மெயிலில் வந்தது, இதை மறுபடி ஞாபகபடுத்துகிறேன்.//

முற்காலத்தில் வண்ண உணவுகள் மூலம் எளிதில் நோய்களை குணப்படுத்திக் கொண்டார்கள். காலையில் சிவப்பு நிறமுள்ள பழங்கள், காய்கறிகளை சாப்பிட்டார்கள். காரணம் வளர்சிதை மாற்றத்திற்கு சிவப்பு நிற உணவுகள் அதிகம் உதவுகின்றன. காரட், பீட்ரூட், ஆப்பிள் போன்ற சிவப்பு நிற காய்கள் உடம்பின் வளர்சிதை மாற்றத்திற்கு மட்டுமல்லாது புற்றுநோய் செல்களை அழித்து நோய் எதிர்ப்பு சக்தியை அதிகரிப்பது கண்டறியப்பட்டுள்ளது.
அதிசய சிவப்பு
தினமும் இரண்டு முறை சிவப்பு நிற பழங்களின் கொண்ட ஜூஸ் பருகுவதால் அதிசயிக்கத்த மாற்றங்கள் ஏற்படுவது தெரியவந்துள்ளது.

1) உடம்பில் உள்ள புற்று நோய் செல்களை கட்டுப்படுத்தி புற்றுநோய்க்கான எதிர்ப்பு செல்களை அதிகரிக்கிறது.

2) கல்லீரல், கணையம், சிறுநீரகம் ஆகியவற்றை நோய் தாக்குதலில் இருந்து பாதுகாப்பதோடு, அல்சர் நோயை குணப்படுத்துகிறது.

3) நுரையீரலை பாதுகாப்பதோடு, உயர் ரத்த அழுத்தம், ஹார்ட் அட்டாக் போன்ற நோய்கள் வராமல் தடுக்கிறது.

4) மனித உடம்பில் நோய் எதிர்ப்பு சக்தியை அதிகரிக்கிறது.

5) கண் தொடர்பான நோய்களை குணமாக்குகிறது.

6) தசை தொடர்பான நோய்களில் இருந்து பாதுகாக்கிறது

7) முகப்பொலிவை அதிகரித்து இளமையை நீடிக்கிறது. தோலை பளபளப்பாக வைப்பதில் அக்கறை கொள்கிறது.

8) சீரணமண்டலம், தொண்டை தொடர்பான நோய்கள் ஏற்படாமல் தடுக்கிறது.

9) பெண்களுக்கு மாதவிடாய் காலங்களில் ஏற்படும் வலிகளை கட்டுப்படுத்துகிறது.

10) காய்ச்சலினால் ஏற்படும் பாதிப்புகளில் இருந்து பாதுகாப்பு அளிக்கிறது.


எப்படி தயாரிப்பது :

இந்த பானத்தை தயாரிப்பது எளிது


காரட்- 1, பீட்ரூட்– 1, ஆப்பிள்– 1



மூன்றையும் சம அளவில் எடுத்துக்கொண்டு நன்றாக கழுவி சுத்தம் செய்து நறுக்கவும். மிக்சியில் போட்டு நன்றாக அரைத்து ஜூஸாக்கவும். சுவைக்கு எலுமிச்சை சேர்த்துக்கொள்ளலாம்.



காலையில் வெறும் வயிற்றில் இந்த பானத்தை பருகவேண்டும். ஒரு மணி நேரத்திற்குப்பின்னர் காலை உணவு சாப்பிடலாம். மாலையில் 5 மணிக்கு முன்னர் இதனை பருகலாம். உடனுக்குடன் செய்து 

பருகுவது முக்கியம்.

தினமும் இருவேளை பருகுவதால் எந்த வித பக்கவிளைவுகளும் ஏற்படாது. சிறப்பு மிக்க இந்த பானத்தை உணவியல்துறை நிபுணர்களும் பரிந்துறைக்கின்றனர். இந்த பானம் எடைக்குறைப்பில் முக்கிய பங்கு வகிக்கிறது.


இந்த அதிசய பானத்தை தொடர்ந்து மூன்று மாதங்களுக்கு பருகியதன் மூலம் கல்லீரல் புற்றுநோயால் பாதிக்கப்பட்டவர் குணமாகியுள்ளது தெரியவந்துள்ளது. எனவே அனைவரும் ஆரோக்கியமான வாழ்க்கைக்கு இன்றுமுதல் இந்த பானத்தை பருகலாம்.

இது 2 வருடம் முன்பு செய்த ஜூஸ், படங்கள் சரியாக இல்லாததால் போஸ்ட் பண்ணவில்லை. படம் சரியாக இல்லை என்றாலும் இந்த பதிவையாவது சிலர் படித்து விழிப்புணர்வு பெறவேண்டும் என்று தான் இந்த பகிர்வு.

என்னுடைய டிப்ஸ் 

இதில் பீட்ரூட்டில் பச்சை வாடை அடித்தால் சிறிது வேக வைத்து கொள்ளலாம். இல்லை இதையே பீட்ரூட், கேரட், ஆப்பிள் சேர்த்து சூப்பாக வைத்து குடிக்கலாம்.

கேக் வகைகள் செய்யும் போது கூட கலர் பொடிக்கு பதில்  பீட்ரூட்டை சாறெடுத்து ஊற்றி செய்யலாம்.

காய் கறி குருமா, பிரியாணி, சாம்பார் செய்யும் போது நான் எப்போதும் பீட்ரூட்டையும் சேர்த்து கொள்வேன். கலந்த சாதம் செய்வதற்கு பதிலாக பீட்ரூட் சாதமும் செய்து சாப்பிடலாம்.


https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

ஃபலூடா-Falooda

பாலுதா அனைவருக்கும் பிடிக்கும் ஒரு டெசர்ட் , இங்குள்ள பாக்கிஸ்தானி , இந்தியன்  ரெஸ்டாரண்ட்களில் உணவு பட்டியலுல் முதன்மையான லிஸ்டில் இருப்பது பாலூதா..


நான் வெயில் காலங்களிலும், நோன்புகாலங்களிலும் அடிக்கடி செய்வதுண்டு. இதை அவரவர் விருப்பத்திற்கு ஏற்ப பல விதங்களில் தயாரிக்கலாம்.நல்லதொரு பில்லிங், காலை டிபனை தவிர்த்து கூட இது போல ஒரு டம்ளர் தயாரித்து சாப்பிடலாம்.
 ரொம்ப ஈசியாக தயாரிக்கலாம் பிள்ளைகள் அனைவரும் விரும்பி சாப்பிடும் அருமையான டெசர்ட்.என் சுலபமான பாலுதா குறிப்பை இங்கு சென்று பார்க்கவும்.


இது அறுசுவை தோழி மாலதி அக்காவின் குறிப்பு




How to make Falooda?
பாலூடா செய்வது எப்படி??


கிழே உள்ளது அறுசுவை தோழி மாலதி அக்காவின் ஃப்லூடா
ஐஸ்க்ரீம் செய்ய தேவையான பொருட்கள்:
(அல்லது கடையில் விற்கும் ஐஸ்க்ரீம் 2 கப் வாங்கி வைத்துக்கொள்ளுங்கள்)
பால் - அரை லிட்டர்
ஓரம் நீக்கப்பட்ட ப்ரெட் ஸ்லைஸ் - 2
சர்க்கரை - அரை கப்
எசன்ஸ் - அரை தேக்கரண்டி



ஃபலூடாவிற்கு தேவையான பொருட்கள்:



ஊற வைத்த சேமியா - ஒரு கப்
ஜெல்லி - ஒரு கப் (ஜெல்லி செய்முறை அதன் டப்பாவிலேயே எழுதி இருக்கும்)
நறுக்கிய மாம்பழம், அன்னாசி, பப்பாளி, வாழை, திராட்சை - 2 கப்
ட்ரை ஃப்ரூட்ஸ் - கால் கப்
செர்ரி பழம் - 5

ஐஸ்கிரீம் செய்முறை:
பாலை சுண்ட காய்ச்சவும். சூடான பாலில் ப்ரெட் ஸ்லைஸை போட்டு அப்படியே மூடி ஆற விடவும்.
பால் ஆறியதும் சர்க்கரை சேர்த்து மிக்ஸியில் போட்டு அரைக்கவும்.
இந்த கலவைவையை ஒரு கிண்ணத்தில் ஊற்றி மூடி ஃப்ரீஸரில் 5 மணி நேரம் வைக்கவும்.
இப்போது ஐஸ்க்ரீமை எடுத்து எசன்ஸை கலந்து மறுபடியும் மிக்ஸியில் போட்டு அரைக்கவும்.




நன்றாக கலந்து மிருதுவானதும் கிண்ணத்தில் ஊற்றி மீண்டும் ஃப்ரீஸரில் வைத்து விடவும்.
5 மணி நேரம் அப்படியே விட்டு விடவும். இப்போது ஐஸ்க்ரீம் ரெடியாகி விட்டது.
ஒரு நீளமான கண்ணாடி டம்ளரை எடுத்துக் கொள்ளுங்கள்.
அதில் முதலில் ஒரு கரண்டி ஊற வைத்த சேமியாவை போடவும்.
அடுத்து கருப்பு திராட்சை, அதன்மேல் மாம்பழம், அடுத்து சிகப்பு கலர் ஜெல்லி, இப்ப கொஞ்சம் ஐஸ்க்ரிம், அதன் மேல் மற்ற பழ வகைகள் போடவும்.
கடைசியாக சிறிது ஐஸ்க்ரீமை வைத்து அதன் மேல் ட்ரை ஃப்ரூட்ஸை தூவி மேலே ஒரு செர்ரி பழத்தை வைத்து அலங்கரித்து கொடுங்கள்.

 இது என் குறிப்பு சுட்டியை கிளிக்கி பார்க்கவும்  - ரிச் ஃப்ரூட் பாலூதா  - Rich Fruit Falooda சமையல் அட்டகாசங்கள்

பாலுதா /ஃபலூடா/Falooda - cookbookjaleela

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam

		Tweet

அவகோடா மாம்பழ ஜூஸ் - Mango Avacoda Smoothie

அவகோடா மேங்கோ ஜீஸ் வித் ஹனி டேட்ஸ் சிரப்

தேவையானவை

பழுத்த அவகோடா பழம் – 1

பழுத்த மாம்பழம் – 1

ஹனி டேட்ஸ் சிரப் – 1 மேசை கரண்டி

பால் – அரை டம்ளர்.

அலங்க்ரிக்க

பிஸ்தா பிளேக்ஸ்

செய்முறை

அவகோட மற்றும் மாம்பழத்தின் கொட்டை மற்றும் தோலை நீக்கி பழங்களை அரிந்து கொள்ளவும்.

மிக்சியில் அரிந்த பழங்களுடன் டேட்ஸ் ஹனி சிரப் மற்றும் பால் சிறிது ஐஸ் கட்டிகள் சேர்த்து நன்கு அடிக்கவும்

. பிஸ்தா பிளேக்ஸ் தூவி பரிமாறவும்.

சுவையான ஹெல்தியான பானம் தயார்..சுவைத்து மகிழுங்கள்

		Tweet

முக்கனி ஜூஸ் (மா பலா வாழை)

முக்கனி ஜூஸ் ( மா பலா வாழை ) முன்றும் முக்கனி இது என் கிரான்பாவிற்கு  ரொம்ப பிடித்தமான ஜூஸ் என்று என் கிரான் மா அடிக்கடிசொல்வார்கள்.
கிரான்பாவை (அம்மாவுடைய அப்பா) பார்த்தது கிடையாது. அவர்கள் ரங்கூனில் இருந்து அங்கேயே காலமாகிவிட்டார்கள்.



தேவையானவை


மாம்ப‌ழ‌ம் = ஒன்று
ப‌லா ப‌ழ‌ம் = ஐந்து
வாழைப‌ழ‌ம் = ஒன்று
பால் = முன்று ட‌ம்ள‌ர்
த‌ண்ணீர் = ஒரு ட‌ம்ள‌ர்
ஐஸ் க‌ட்டிக‌ள் = ப‌த்து
சர்க்கரை (தேவை பட்டால் சேர்த்து கொள்ளலாம்)

செய்முறை

மாம்ப‌ழ‌ம் ம‌ற்றும் ப‌லாப‌ழ‌த்தை கொட்டை இல்லாம‌ல் பொடியாக‌ அரிந்து எடுத்து கொள்ள‌வும்.வழை பழத்தையும் பொடியாக அரிந்து கொள்ளவும்.
பாலை காய்ச்சி ஆற‌வைக்க‌வும்.
மிக்சியில் ப‌ழ‌ங்க‌ள், பால், த‌ண்ணீர்,ஐஸ் க‌ட்டிக‌ள் அனைத்தையும் சேர்த்து ந‌ன்கு நுரை பொங்க‌ அடித்து ஜூஸ் ட‌ம்ள‌ரில் ஊற்றி குடிக்க‌வும்.


வித்தியாச‌மான‌ காம்பினேஷ‌னில் சூப்ப‌ர் பான‌ம்.

படம் சரியாக வரவில்லை, இது நான் நான்கு வருடம்  முன்பு எடுத்தது. பழைய போஸ்ட் தான் ரீபோஸ்ட் செய்துள்ளேன்.

இங்கு துபாயில் பலாபழம் கிடைக்க  வில்லை, .டின் ஃபுட்டில் ரெடி மேட் பலா தான் கிடைக்கிறது. அப்படியே கிடைத்தாலும் சுவை இருககாது. ஒரு முறை ஆசை பட்டு வாங்கிட்டு வீணாகி விட்டது.

ஊருக்கு போனால் முதல் வேலை இங்கு கிடைக்காத பழம், காய், கீரைகளை தேடி வாங்கி செய்து சாப்பிடுவோம்.

அதில் பலாபழம் தான் முதலில் வாங்கி சாப்பிடுவது.  முன்பெல்லாம் யாரிடமாவது சொல்லி விட்டு வாங்கி சாப்பிடுவேன்.
இப்ப கடை ஆரம்பித்ததில் இருந்து க்டை வாசலிலேயே பழகடைகள் கிடைக்கின்றன . தினம் சென்னை ப்ளாசா கடைக்கு போகும் போது வாங்கி கொண்டு செல்வேன்.எல்லாரும் ஒன்றாக சாப்பிடுவோம்.

virunthu unna vaangka viji's show your style to world

		Tweet

அத்திபழ மில்க் ஷேக் - Fig Milk Shake

கோடை ஆரம்பித்து விட்டது சாப்பாடை விட ஒரு டம்ளர் ஜுஸ் அல்லது மோர் குடித்தால் சோர்வில்லாமல் இருக்கும்.

  அத்தி பழம் உயர் இரத்த அழுத்த்தை கட்டு படுத்தும். ஹிமோகுளோபின் அளவையும் அதிரிக்கவைக்கும்

அத்திபழ மில்க் ஷேக்

தேவையான பொருட்கள்

பழுத்த அத்திபழம் – 9

காய்ச்சி ஆறிய பால் – அரை லிட்டர்

சர்க்கரை – தேவைக்கு

ஐஸ் கட்டிகள் – 10

செய்முறை

1.       அத்தி பழம் உயர் இரத்த அழுத்த்தை கட்டு படுத்தும். ஹிமோகுளோபின் அளவையும் அதிரிக்கவைக்கும்.

2.       அத்தி பழத்தை சுத்தமாக கழுவி இரண்டாக வெட்டி கொள்ளவும்

3.       வெட்டிய பழத்தை தோல் தனியாக வரும் படி உள்ளிருக்கும் பழத்தைமட்டும் ஒரு ஸ்பூனினால் வழித்தெடுக்கவும்.

4.       தேவையான பொருட்கள் அனைத்தையும் தயராக வைக்கவும்.

5.       பாலை காய்ச்சி ஆறவைத்து பிரிட்ஜில் வைக்கவும்.

6.       மிக்சியில் ஐஸ் கட்டிகள், பால் சர்க்கரை,தோல் நீக்கிய அத்தி பழங்கள்

அனைத்தையும் சேர்த்து மிக்சியில் 5 நிமிடம் ஓடவிடவும்

7.       நல்ல நுரைபொங்க மிக்சியில் அடிக்கவும்.

வித்தியாசமான  சுவையில் ரொம்ப சத்தான ஜூஸ் ரெடி.

பரிமாறும் அளவு : 3 நபர்களுக்கு

சமைக்கும் நேரம் : 7 நிமிடம்

போன வருடம் சிகரம் மாத இதழிலும், வல்லமையிலும் வெளியானவை.

Linking to Gayathiri's walk through memory lane, 

Esay 2 prepare 15 minutes @ Aathithiyam, 

vimitha's Hearty N Healthy 

		Tweet

நன்னாரி லெமன் சர்பத் - Nannari Lemon Surbath

கோடைகாலம் ஆரம்பித்து விட்டது, கோடைக்கேற்ற குளு குளு பானம்.
சுவைத்து மகிழுங்கள், உங்கள் பொன்னான கருத்துகக்ளை தெரிவியுங்கள்.
நன்னாரி லெமன் சர்பத்

தேவையானவை

தண்ணீர் – 4 டம்ளர் ( 800 மில்லி)

நன்னாரி எசன்ஸ் – 2 குழிகரண்டி

சர்க்கரை – 6 தேக்கரண்டி

லெமன்  - இரண்டு பழம்

உப்பு – 1 சிட்டிக்கை

அலங்கரிக்க + ஊறவைக்க

புதினா

செய்முறை

லெமனை பிழிந்து சாறெடுத்து தண்ணீருடன் சேர்க்கவும்.

சர்க்கரை,உப்பு  சேர்த்து நன்கு கரைத்து வடிக்கட்டவும்.

அதில் நன்னாரி எசன்ஸை சேர்த்து ப்ரஷ் புதினா இலையைசேர்த்து

குளீரூட்டியில் 3 மணிநேரம் வைக்கவும்.

புதினா மணம் நன்னாரி சர்பத்தில் இரங்கி குடிக்க இதமாக இருக்கும்.

வெயிலில் சென்று வந்த களைப்பும் தீரும்.

நன்னாரி என்றதும் என் அப்பா நினைவுதான் வருது. வெயில் காலம் வந்து விட்டால் நன்னாரி வேர் வாங்கி வந்து மண்பானையில் போட்டு தண்ணீர் ஊற்றி வைப்பார்.

நாங்க பள்ளி சென்று வீட்டுக்கு வரும்போது அந்த மண் வாசனையுடன் தண்ணீர் குடிக்க சூப்பராக இருக்கும்.

//உடனே குடிப்பதாக இருந்தால் 10 ஐஸ் கட்டிகளை சேர்த்து தண்ணீருடன் மிக்சியில் லெமன் சர்க்கரை உப்பு. இரண்டு புதினாஇதழ் சேர்த்து ஓடவிட்டு வடிகட்டி நன்னாரி எசன்ஸ் கலந்து பருகவும்.  கோடைக்கேற்ற குளு குளு பானம்.//


அசதி , சோர்வை நீக்கும் அருமையான் பானம்..கர்பிணி பெண்களுக்கு, மசக்கை பெண்களுக்கு, விளையாட்டு பிள்ளைகளுக்கு அனைவருக்கும் ஏற்ற அருமையான பானம்.

சுவைத்து மகிழுங்கள், உங்கள் பொன்னான கருத்துகக்ளை தெரிவித்தால் நானும் குளு குளுன்னு ஆகிடுவேன். அடுத்த குறிப்பு எழுத ஒரு உற்சாகம் வரும் ஹிஹி  எப்பா அதுக்குன்னு ஒரு கிலோ ஐஸ அள்ளி பிலாக்குல தெளித்து விடாதீங்கோ எனக்கு ஜல்பு பிடிச்சிக்குமாக்க்கும்..

டிஸ்கி: என் பக்கம் தொடர்ந்து வருகை தரும் திண்டுக்கல் தனபாலன் அவர்கள் போன பதிவில் வெயிலுக்கு ஏற்றாற் போல கூலாக ஏதாவது போடுங்கள். என்றால் அவருக்காக இந்த நன்னாரி ஜூஸ்.. நீங்களும் சுவைத்து மகிழுங்கள்

		Tweet

ஜவ்வரிசி ரூ ஆப்ஷா ஜிகர்தண்டா - Sogo Roo Apsha Jigarthanda

ஜவ்வரிசி வயிற்று புண்ணிற்கு அருமருந்தாகும். அல்சர் வ்யிறு எரிச்சல் உள்ளவர்கள் ஜவ்வரிசி பால் அல்லது ஜிகர்தண்டா செய்து அடிக்கடி குடித்தால்


வயிறு குளுமை அடைவதோடு புண்ணையும் அடியோடு அகற்றும், வயில் வரும் கொப்புளங்கள் வாய் புண்ணிற்கும் இந்த ஜிகர்தண்டா நல்லது,

வாங்க எபப்டி செய்வதுன்னு பார்ப்போம்

தேவையானவை

பால் - 1 டம்ளர்

ஜவ்வரி - 2 மேசை கரண்டி

பாதம் பிஸின் - ஒரு தேக்கரண்டி

ரூ ஆப்சா - 2 மேசை கரண்டி

ஐஸ்கிரீம் - ஒரு குழிகரண்டி

சர்க்கரை - தேவைக்கு

பிஸ்தா பிளேக்ஸ் - அலங்கரிக்க

செய்முறை

பாதம் பிசினை இரவே ஊறவைக்கவும்.

ஜவ்வரிசியை பத்து நிமிடம் ஊறவைத்து பாலுடன் அரை டம்ளர் தண்ணீர் சேர்த்து வேகவைக்கவும்.

வெந்ததும் ஆறவைத்து அத்துடன் ஊறிய பாதம் பிசினை மற்றும்ரூஆப்சா எசனன்ஸையும் தேவைக்கு சர்க்கரையும் சேர்த்து கலக்கி குளிர்சாதன பெட்டியில் 1 மணிநேரம் வைக்கவும். குடிக்கும் போது ஐஸ்கிரீம் மற்றும் பிஸ்தா பிளேக்ஸ் சேர்த்து குடிக்கவும்.



சும்மா குளு குளுன்னு இருக்கும். ஒரு முறை செய்து சாப்பிட்டால் மீண்டும் மீண்டும் சாப்பிடனும் போல் இருக்கும். சுவைத்து மகிழுங்கள் தவறாமல் உங்கள் கருத்துக்களை பதியுங்கள்.



பரிமாறும் அளவு : 2 நபர்களுக்கு

		Tweet

அத்தி , பேரிட்சை,வாழை ஜூஸ் - Fig ,dates & banana juice

செய்முறை

அத்திபழம் – தேனில் ஊறியது – இரண்டு மேசைகரண்டி

பழுத்த பேரிட்சை பழம் – 10 (கொட்டி நீக்கியது)

கிஸ்மிஸ் பழம் – 10

		Tweet

கேரட்,ஆரஞ்ச் ஜூஸ் - Carrot, Orange juice

//குழந்தைகளுக்கு ஏற்ற ஹெல்தி பானம்,நல்ல எனர்ஜி கிடைக்கும், விளையாடும் பிள்ளைகளுக்கு குடிக்க கொடுக்கலாம். கர்பிணி பெண்களுக்கு தெம்பை கொடுக்கும்.சோர்வை நீக்கும் ,பிறக்க போகும் குழந்தைக்கும் நல்ல கலர் வரும். .





தேவையானவை

கேரட் - 2
ஆரஞ்ச் பழம் - 3
குளுக்கோஸ் - தேவைக்கு
ஐஸ் கட்டிகள் - 15 முதல் 20
சர்க்கரை  (தேவை பட்டால்)
உப்பு - ஒரு சிட்டிக்கை

தண்ணீர் - தேவைக்கு
செய்முறை

இதற்கு முன் ரெசிபியில் சொன்ன படி ஆரஞ்சை பிரிச்சி வச்சிக்கோங்கோ.

கேரட்டை துருவி ஹல்வா வுக்கு துருவது போல் துருவி கொள்ளவும்

ஐஸ் கட்டி சேர்த்து நன்கு மிக்சியில் அரைக்கவும்.

இது வடிகட்டி சாறு எடுப்பத்து தான் சிரமம்.பெரிய டீ வடிகட்டியில் கொஞ்சம் கொஞ்சமா ஊற்றி வடிகட்டவும்.
//இல்லை ஒரு மெல்லிய துணியை வயகன்ற பாத்திரத்தில் விரித்து அடித்த ஜூஸை ஊற்றி வடிய விடலாம்//

கடைசியாக சர்க்கரைக்கு பதில் குளுக்கோஸ் சேர்த்து குடிக்கவும். (விரும்பினால் தேன் கூட சேர்த்து கொள்ளலாம்) ரொம்ப ஹெல்தி.

கண்ணெல்லாம் சும்மா குளு குளுன்னு இருக்கும்.

குழந்தைகளுக்கு ஏற்ற ஹெல்தி பானம்,நல்ல எனர்ஜி கிடைக்கும், விளையாடும் பிள்ளைகளுக்கு குடிக்க கொடுக்கலாம், கர்பிணி பெண்களுக்கு தெம்பை கொடுக்கும்.
பிறக்க போகும் குழந்தைக்கும் நல்ல கலர் வரும்.

டிஸ்கி: போன வருடம் தக்காளி கேரட் ஜூஸ் பண்ணும் போது சகோ. நட்புடன் ஜமால் கேரட் ஆரஞ்ச் என் பேவரிட் என்றார். இந்த முறை நோன்பில் எல்லா பழ வகை ஜூஸ்களும் கண்டிப்பா உண்டு, ஆரஞ்ச் பழம் மட்டும் நாலா அரிந்து உப்பு தூவி வைப்போம், இந்த முறை வாங்கிய ஆரஞ்ச் எல்லாமே புளிப்பு அதை இப்படி அடிக்கடி ஜூஸ் செய்து , கட்பண்ணி உப்பு குளுக்கோஸ் தூவி, சாலட் செய்து, கேசரி செய்து காலி பண்ணியாச்சு.
ஆறு பேர் தாராளமாக குடிக்கலாம்.
இது கடைசி ஸ்டெப் போட்டோ எடுக்க மறந்துட்டேன். அப்பரம் பாதி குடிச்சிட்டு இருக்கும் போது ஞாபகம் வந்து போட்டோ எடுத்தேன.

		Tweet

சாப்ரான் ஜின்ஜர் கிரேப் கூலர் - Saffron ,Ginger Grape Cooler

பித்தம்,சூடு, வயிற்று வலி, பெண்களுக்கு மாத விடாய் காலத்து வயிற்று வலிக்கு மிகவும் நல்லது. நோன்புகாலத்திற்கு ஏற்ப அருமையான பானம்.

தேவையான பொருட்கள் கருப்பு திராட்சை - அரை கிலோ உப்பு - ஒரு சிட்டிகை சர்க்கரை - ஐந்து டேபுள் ஸ்பூன் தண்ணீர் - இரண்டு கப் இஞ்சி சாறு - மூன்று டேபுள் ஸ்பூன் குங்மப்பூ - இரண்டு இதழ் ஐஸ் கியுப்ஸ் - ஆறு

செய்முறை திராட்ச்சையில் ஒரு பத்து பதினைந்து எடுத்து மேல் தோல் உரித்து கொட்டையை எடுத்து ஒவ்வொன்றையும் நான்காக அரிந்து தனியாக எடுத்து வைக்கவும். மீதி உள்ள திராட்சையில் மேலே குறிப்பிட்டுள்ள அனைத்து பொருட்களையும் போட்டு மிக்சியில் விப்பரில் ஒடவிட்டு, மிக்சியில் நல்ல பத்து நிமிடம் ஓட விட்டு வ்டிகட்டி பெரிய ஜுஸ் டம்ளரில் ஊற்றி கட் பண்ணி வைத்துள்ள திராட்சையை எல்லா டம்ளரில் போடவும்.

குறிப்பு:

திராட்சை சிலது புளிக்கும் ஆகையால் இஞ்சி சாறு சேர்க்க வேண்டும். திராட்சை குளுமை சிலபேருக்கு தொண்டை பிடிக்கும் ஆகையால் குங்மப்பூ சேர்த்தால் இஞ்சி, குங்குமப்பூ சேர்ந்து சளியை கட்டு படுத்தும்.

		Tweet

ஸ்ராபெர்ரி மில்க் ஷேக் - strawberry milk shake

//எல்லா குழந்தைகளும் விரும்பும் ஸ்ராபெர்ரி பழத்தை சாலட் ஆகவும், மில்க் ஷேக்காவும், தயிர் சேர்த்து ஸ்ராபெர்ரி லஸ்ஸியாகவும் செய்யலாம்.//

தேவையானவை 

ஸ்டாபெர்ரி பழம் - 5

பால் - அரை டம்ளர்

ஐஸ் கட்டிகள் - 2

தண்ணீர் - அரை டம்ளர்

சர்க்கரை - இரண்டு தேக்கரண்டி

ஸ்டாபெர்ரி ஐஸ் கிரீம் - ஒரு குழி கரண்டி

செய்முறை

ஸ்ராபெர்ரி பழத்தை பொடியாக அரிந்து அத்துடன் கொடுக்கப்பட்டுள்ள அனைத்து பொருட்களையும் மிக்சியில் நுரை பொங்க அடித்து பெரிய ஜூஸ் டம்ளரில் ஊற்றவும்.

குழந்தைகளுக்கு மிகவும் பிடித்தமான ஜூஸ்.

sending these recipes to kurinji's healthy summer

Red cocktail juice

கலர்ஃபுல் அகர் அகர்

ஓமம் கருஞ்சீரக குஜாராத்தி பூரி

		Tweet