டிரை நெத்திலி டீப் ஃபிரை

தேவையானவை

நெத்திலி கருவாடு - கால் கிலோ
காஷ்மீரி மிளகாய் தூள் - ஒரு தேக்கரண்டி என்பது ஒரு டீஸ்பூன் (5 கிராம் அளவு )
உப்பு - கொஞ்சம் போதும் ஏற்கனவே கருவாடில் உப்பு இருக்கும்,
இஞ்சி பூண்டு பேஸ்ட் - ஒரு தேக்கரண்டி
சீரகத்தூள் - அரை தேக்கரண்டி
வினிகர் - இரண்டு ஸ்பூன்
என்னை - இரண்டு மேசைகரண்டி
கருவேப்பிலை - இரண்டு ஆர்க் (பதினைந்து இலைகள்)
செய்முறை

முதலில் நெத்திலி கருவாடை வெண்ணீரில் வினிகர் சேர்த்து இரண்டு நிமிடம் ஊறவைத்து மன்ணில்லாமல் கழுவி எடுக்கவும்.
எண்ணை தவிர அனைத்து மசாலாக்களையும் சேர்த்து 5 நிமிடம் ஊறவைக்கவும்.
பிறகு இரும்பு வானலியில் எண்ணையை காயவைத்து கருவேப்பிலை சேர்த்து ஊறிய கருவாடை போட்டு நன்கு பொரித்து எடுக்கவும்.

கருவாடு கழுவும் விதம்

நெத்திலியின் தலையை கிள்ளி எடுத்து விடவும்.
அதை வினிகரில் ஊறவைத்து கழுவும் போது சாதம் வடிக்கும் வடிகட்டியில் ஊற்றி சிங்கில் டேப்பில் காண்பித்து இரண்டு மூன்று தடவை கழுவினால் வடிகட்டி மூலம் மண் வெளியில் வந்து விடும் .இன்னும் மண் போக நாலைந்து முறை கழுவி கொள்ளலாம்.

குறிப்பு



கருவாடு நிறைய பேருக்கு பிடிக்கும். அதுவும் தண்ணி பருப்பு, கட்டி பருப்புடன், பிளெயின் ரைஸுடன் சாப்பிட அருமையாக இருக்கும்.
இதை குழம்பு போல் வைப்பதாக இருந்தால் கருவாடுடன் கேரட் சேர்த்து புளி குழம்பு போல் வைக்கலாம்.



டிஸ்கி: அமைச்சருக்கு மிளகாய் தூள் உப்பு எல்லாம் அளவு புரியலையான் ( ஹும் இவர் தான் வீட்டில் சமைபப்து போல்) அதான் அளவை அமைச்சர் கண்ணுக்கு தெரிவது போல் கொடுத்துள்ளேன்.

		Tweet