Showing posts with label பானம். Show all posts
Showing posts with label பானம். Show all posts

Tuesday, May 15, 2018

திப்பிலி டீ, மிளகு , அதிமதுர டீ


திப்பிலி டீ,ஹெர்பல் டீ
நோன்புகாலத்தில் அதிக ஜூஸ் , பழங்கள் குடிப்பதால் ஏற்படும் தொண்டை கர கரப்புக்கும் இதை குடிக்கலாம்.
விடியோவை முழுவதும் பார்த்து அனைவருக்கும் ஷேர் செய்யுங்கள்
sukku , milaku athimathura Tea 3
அதிமதுரம் ஆங்கில பெயர் என்ன?
திப்பிலி ஆங்கில பெயர்
அதிமதுரம் ஆங்கில பெயர்


சுக்கு -  Dry ginger power

திப்பிலி – long pepper

அதிமதுரம் –  Liquorice




Thippli MIlaku Tea for cough










https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Monday, March 12, 2018

புதினா நெல்லிக்காய் ஜூஸ் - Mint Gooseberry Juice


வெயில் காலம் ஆரம்பிக்கிறது , டீ காபியை தவிர்த்து மோர் , நெல்லிக்காய், எலுமிச்சை ஜூஸ் என எடுத்து கொண்டால் , கோடை காலத்தில் ஏற்படும் வெயில் தாக்காத்தை சமாளிக்கலாம் நல்ல புத்துணர்வாகவும் கண்களுக்கு குளிர்ச்சியாகவும் இருக்கும்.



இந்த புதினா நெல்லிக்காய் ஜூஸ் செய்து தொடர்ந்து குடித்து வந்து கிட்னி கல் சரியாகி இருக்கு , உண்மை தாங்க  நம்ம சேனல் சப்ஸ் கிரைபர் ஒருத்தங்க மெசேஜ் செய்து இருந்தார்கள்
நீங்களும் முயற்சிக்கலாம் மற்றவர்களுக்கும் தெரிய படுத்தலாமே , சேனலை சப்ஸ்கிரைப் செய்து பயனடையுங்கள்

 புதினா நெல்லிக்காய் ஜூஸ்

புதினா - அரை கைப்பிடி
நெல்லிக்காய் - 3
லெமன் - ஒன்று
இஞ்சி - அரை இன்ச் சைஸ்
வெள்ளை மிளகு தூள் - கால் தேக்கரண்டி
உப்பு (அ) சர்க்கரை (அ) தேன் - தேவைக்கு


Please visit my YOU tube Channel Like, comment, subscribe and share with your Friends



Mango Coconut Milk Cocktail




செய்முறை 

புதினாவை மண்ணில்லாமல் கழுவி அத்துடன் மிக்சியில் நெல்லிக்காய் இஞ்சி சேர்த்து தண்ணீர் + ஐஸ் கட்டிகள் சேர்த்து நன்கு அரைக்கவும்.
அரைத்ததை வடிகட்டி அதில் லெமன் பிழிந்து மிளகு தூள் சேர்த்து உப்பு அல்லது சர்க்கரை அல்லது தேன் கலந்து குடிக்கவும்.

கவனிக்க டயட் செய்பவர்கள் சர்க்கரை வியாதிகாரர்கள் உப்பு மட்டும் சேர்த்து கொள்ளவும்.

டயட் ஜூஸ்
பேலியோ டயட் ஜூஸ்
மின்ட் ஜூஸ்

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Wednesday, July 15, 2015

த்ரி மேஜிக் ரெட் கூலர்



மாதுளை பழம் கர்பிணி பெண்களுக்கு மிகவும் உகந்தது, கேன்சர் நோயை கட்டு படுத்தும், தோல் சம்பந்தப்பட்ட நோய்களை நிவர்த்தி செய்யும்.
மலட்டு தன்மை நீங்க ஆண் பெண் இருவரும் ஆறு மாதங்கள் தொடர்ந்து மாதுளை முத்துகளை சாப்பிட்டு வர குழந்தை பேறு உண்டாகும் என்று பெரியவர்கள் சொல்லி இருக்கிறார்கள்.
இரத்த சோகையை சீராக்கும். வாய் புண் மற்றும் வயிற்று புண்ணை ஆற்றும்.

Pome cooler with Roo afsha & Saffron


தேவையான பொருட்கள்


தண்ணீர் - 200 மில்லி
உப்பு - ஒரு சிட்டிக்கை
சர்க்கரை - தேவையான அளவு 
மாதுளை - 4 பழங்கள்
ரூ ஆப் ஷா எசன்ஸ் - ஒரு பெரிய குழி கரண்டி
சாஃப்ரான் ( குங்குமப்பூ)  - அரை தேக்கரண்டி
ஐஸ் கட்டிகள் - தேவைக்கு




செய்முறை

மாதுளை முத்துக்களை பிரித்து எடுத்து மிக்சியில் போட்டு அதனுடன் ஐஸ் கட்டிகள் மற்றும் சர்க்கரை சேர்த்து நன்கு அடிக்கவும்.

ஜூஸை ஒரு மஸ்லின் துணி அல்லது வடிகட்டியில் வடிக்கவும்.

சாஃப்ரானை ஒரு மேசைகரண்டி சூடான வெண்ணீரில் ஊறவைக்கவும்.

வடித்த ஜூஸுடன் சாப்ரான் மற்றும் ரூஆப்ஷா எசன்ஸை சேர்த்து தேவைக்கு ஐஸ் கட்டிகள் சேர்த்து பரிமாறவும்.




மாதுளை ஜூஸ், சாஃப்ரான் ப்லேவர் மாதுளை ஜுஸ், ரூ ஆப் ஷா மாதுளை ஜுஸ், ஹெல்தி டிரிங்,

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Sunday, November 2, 2014

சாஃப்ரான் டீ - குங்குமப்பூ டீ - Saffron Tea


குளீர் காலம் ஆரம்பித்து விட்டது தொண்டைகரகரப்பு, சளி, இருமலும் அழையா விருந்தாளியாக வந்து தூங்க விடாமல் பாடாகபடுத்தும்.
சளி இருமலுக்கு இஞ்சி சாறு தான் பெஸ்ட் இருந்தாலும் குங்குமபூ சேர்த்து தயாரிக்கபடும் சளி இருமலைகட்டு படுத்தும்.




சாப்ரான் டீ

பால் இரண்டு டம்ளர்
தண்ணீர் அரை டம்ளர்
சாஃப்ரான் - அரை தேக்கரண்டி
சர்க்கரை - தேவைக்கு
டீ பவுடர் - ஒன்ன்றை தேக்கரண்டி
தண்ணீர் - அரை டம்ளர்

செய்முறை

பால் இரண்டு  டம்ளர், தண்ணீர் அரை டம்ளர், சாஃப்ரான் (குங்குமப்பூ)  சேர்த்து    நன்கு கொதிக்க விடவும்.சிறிது வற்ற விட்டு இரண்டு டம்ளரில் ஊற்றவும்.

தனியாக அரை டம்ளர் தண்ணீரில் தேயிலை சேர்த்து டிகாஷன் போட்டு நன்கு கொதிக்க விட்டு இரண்டு டம்ளரிலும் பாதி பாதி டிகாஷன் மற்றும் சர்க்கரை சேர்த்து கலக்கி குடிக்கவும்.






சாஃப்ரான் சளிதொல்லைக்கு மிக அருமையான மருந்து, டீயுடன் அல்லது பாலுடன் சேர்த்து குடிக்கலாம்.

Saffron Tea For Cold, Cough Medicine, 


https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Saturday, February 15, 2014

சுக்கு சோம்பு பொடி & சுக்கு சோம்பு காஃபி



இந்த காஃபியை தினமும் அருந்தி வந்தால் உடல் எடை குறையவும் வாய்ப்பு இருக்கு.சுக்கு சோம்பு காஃபியை  தொடர்ந்து குடித்து வந்தால்  வயிற்றில் உள்ள கழிவுகளை அகற்றும், கேஸ் பிராப்ள்ம் இல்லாமலும் இருக்கும்.மலச்சிக்கல் உள்ளவர்களுக்கும் இது அருமருந்து.



சுக்கு சோம்பு பொடி

தேவையான பொருட்கள்

சோம்பு 25
சுக்கு 50
காய்ந்த புதினா இலை ஒரு கைப்பிடி
ஏலக்காய் பொடி  10 கிராம்
பனங்கற்கண்டு - 10 கிராம்

செய்முறை

சோம்பை கருகாமல் லேசாக வறுத்து ஆறவைக்கவும்.
சுக்கை வெயிலில் காயவைத்து தட்டி பொடிக்கவும்
புதினா இலைகளை ஆய்ந்து கழுவி வெயிலில் உலர்த்த்வும்.
ஏலக்காய், பனங்கற்கண்டு அனைத்து பொருட்களையும் சேர்த்து மிக்சியில் பொடித்து வைத்து கொள்ளவும்.



சுக்கு சோம்பு காஃபி

தேவையான பொருட்கள்

பால்  - 100 மில்லி
தண்ணீர் - 250 மில்லி 
சுக்கு சோம்பு தூள் - 3/4 தேக்கரண்டி (அ) ஒரு தேக்கரண்டி
காஃபி தூள் - கால் தேக்கரண்டி
சர்க்கரை - தேவைக்கு



செய்முறை

பாலை தனியாக காய்ச்சி வைக்கவும்.
தண்ணீரை கொதிக்க வைத்து அதில் ஒரு தேக்கரண்டி பொடித்த பொடியை சேர்த்து நன்கு கொதிக்க விடவும்.
தண்ணீர் கால் பாகத்தில் இருந்து அரை பாகம் வற்றும் போது பாலை சேர்த்து கொதிக்க வைத்து கடைசியாக சிறிது காஃபி தூள் சேர்த்து சர்க்கரை சேர்த்து கரைத்து வடிக்கட்டி குடிக்கவும்.

குறிப்பு:
இந்த சுக்கு சோம்பு காஃபியை  தொடர்ந்து குடித்து வந்தால்  வயிற்றில் உள்ள கழிவுகளை அகற்றும், கேஸ் பிராப்ள்ம் இல்லாமலும் இருக்கும்.
மோஷன் ப்ராப்ளம் உள்ளவர்களும் இந்த பவுடர் போட்டு குடிக்கலாம். இது வயிறு வலி, கேஸ் பிராப்ளம், வயிறு உப்புசம், செரிக்காமல் இருப்பவர்களுக்கு ஏற்ற அரும்ருந்து.

காப்பி தூள் அதிகம் இதில் சேர்க்க தேவையில்லை ஒரு வாசனைக்கு தான்.


கவனிக்க:


என் டிப்ஸ் மற்றும் என் குறிப்புகளை காப்பி செய்து மற்ற தளங்களிலரென் அனுமதி இல்லாமல் போடாதீர்கள். அப்படியே காப்பி அடித்தாலும் என் லின்கை கொடுத்து இங்கிருந்து எடுத்து போட பட்டது என்று தயவு செய்து சொல்லவும்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

Wednesday, December 18, 2013

சுக்கு பால் (கர்பிணி பெண்கள் சுகப்பிரசவத்துக்கு)


    கர்ப்பிணி பெண்கள் பிரசவ நேரத்தில் சுகப்பிரசவம் ஆக ஒன்பதாவது மாதம் பத்து நாட்களுக்கு பிறகு ஐம்பது கிராம் சுக்கை பொடித்து மூன்றாக பிரித்து ஐந்து நாளைக்கு ஒரு முறை இந்த பாலை காய்ச்சி குடிக்கவும். வயிற்றில் உள்ள வேண்டாத கேஸ் எல்லாம் வெளியாகிவிடும். ஒன்பதாம் மாதத்தில் ஒவ்வொரு வெள்ளிக்கிழமையும் (மூன்று தடவை)தலைக்கு குளித்து விட்டு இதை காய்ச்சி குடித்தால் நல்லது.  தொடர்ந்து குடித்து வந்தால் வயிற்றில் உள்ள வாயு அகன்று சுகப்பிரசம் உண்டாகும்.



  • தேவையானவை
    சுக்கு - ஐம்பது கிராம்
    முழு பூண்டு - ஒன்று
    தேங்காய் - அரை மூடி
    பசும் பால் - ஒரு டம்ளர்
    இஞ்சி - ஐம்பது கிராம்
    தேன் - ஒரு மேசைக்கரண்டி
     நல்லெண்ணெய் - கால் டம்ளர்
      பனை வெல்லம் - முக்கால் டம்ளர்

  • செய்முறை 
சுக்கை நல்ல காயவைத்து தட்டி மிக்ஸியில் பொடித்து மூன்றில் ஒரு பங்கு எடுத்தால் போதும். மீதியை அடுத்த இரு முறை காய்ச்ச வைத்து கொள்ளவும்.
 பனை வெல்லத்தை இளக்கி வடிக்கட்டி வைக்கவும்.
 பூண்டை உரித்து வேக வைத்து மிக்ஸியில் அரைத்து  வைக்கவும்.
 தேங்காயை அரைத்து பால் எடுத்து வைக்கவும்.
 இஞ்சி சாறு எடுத்துக்கொள்ளவும்.
 எல்லாவற்றையும் ஒன்றாக கலக்கி சட்டியை காயவைத்து நல்லெண்ணெயை ஊற்றி கலக்கியதையும் சேர்த்து நல்ல கிளறி கிளறி கொதிக்க விடவும்.
 பத்து பதினைந்து நிமிடம் கொதிக்கவிட்டு கடைசியில் தேன் கலந்து இறக்கி குடிக்கவும். சளி ஜலதோஷத்திற்கும் நல்லது.


இதில் கொடுத்துள்ள அளவுகளில் சுக்கை மற்றும் முன்று பாகமாக பிரித்து கொள்ளவும்.


இந்த அனைத்து பொருட்களும் கிடைக்காதவர்கள்

//வெரும் ரெடிமேட் ,சுக்கு பவுடரில் தேங்காய் பவுடர் சர்க்கரை சேர்த்து காய்ச்சி குடிக்கலாம்/


ஒரு டம்ளர் தண்ணீர்
ஒரு தேக்கரண்டி தேங்காய் பவுடர்
ஒரு தேக்கரண்டி சர்க்கரை

முன்றையும் ஒன்றாக கலந்து கொதிக்கவைத்து கர்பிணி பெண்கள் 9 மாதத்துக்கு பிறகு தினம் ஒரு டம்ளர் குடித்து வரலாம்.







இந்த குறிப்பு காயல்பட்டிணத்தில் இருந்து ஜாஸ்மீன் உடனே போடும் படி கேட்டதால் அவர்களுக்காக போட்டுள்ளேன்.


 கர்பிணி பெண்களுக்கு, சுகப்பிரசவத்துக்கு - பாரம்பரிய சமையல் வகை.

Saturday, September 14, 2013

ஃபலூடா-Falooda








  • பாலுதா அனைவருக்கும் பிடிக்கும் ஒரு டெசர்ட் , இங்குள்ள பாக்கிஸ்தானி , இந்தியன்  ரெஸ்டாரண்ட்களில் உணவு பட்டியலுல் முதன்மையான லிஸ்டில் இருப்பது பாலூதா..

  • நான் வெயில் காலங்களிலும், நோன்புகாலங்களிலும் அடிக்கடி செய்வதுண்டு. இதை அவரவர் விருப்பத்திற்கு ஏற்ப பல விதங்களில் தயாரிக்கலாம்.நல்லதொரு பில்லிங், காலை டிபனை தவிர்த்து கூட இது போல ஒரு டம்ளர் தயாரித்து சாப்பிடலாம்.
  •  ரொம்ப ஈசியாக தயாரிக்கலாம் பிள்ளைகள் அனைவரும் விரும்பி சாப்பிடும் அருமையான டெசர்ட்.என் சுலபமான பாலுதா குறிப்பை இங்கு சென்று பார்க்கவும்.

  • இது அறுசுவை தோழி மாலதி அக்காவின் குறிப்பு


    How to make Falooda?
  • பாலூடா செய்வது எப்படி??

  • கிழே உள்ளது அறுசுவை தோழி மாலதி அக்காவின் ஃப்லூடா
  • ஐஸ்க்ரீம் செய்ய தேவையான பொருட்கள்:
  • (அல்லது கடையில் விற்கும் ஐஸ்க்ரீம் 2 கப் வாங்கி வைத்துக்கொள்ளுங்கள்)
  • பால் - அரை லிட்டர்
    ஓரம் நீக்கப்பட்ட ப்ரெட் ஸ்லைஸ் - 2
    சர்க்கரை - அரை கப்
    எசன்ஸ் - அரை தேக்கரண்டி


  • ஃபலூடாவிற்கு தேவையான பொருட்கள்:


  • ஊற வைத்த சேமியா - ஒரு கப்
  • ஜெல்லி - ஒரு கப் (ஜெல்லி செய்முறை அதன் டப்பாவிலேயே எழுதி இருக்கும்)
    நறுக்கிய மாம்பழம், அன்னாசி, பப்பாளி, வாழை, திராட்சை - 2 கப்
    ட்ரை ஃப்ரூட்ஸ் - கால் கப்
    செர்ரி பழம் - 5







  • ஐஸ்கிரீம் செய்முறை:
  • பாலை சுண்ட காய்ச்சவும். சூடான பாலில் ப்ரெட் ஸ்லைஸை போட்டு அப்படியே மூடி ஆற விடவும்.
    பால் ஆறியதும் சர்க்கரை சேர்த்து மிக்ஸியில் போட்டு அரைக்கவும்.
    இந்த கலவைவையை ஒரு கிண்ணத்தில் ஊற்றி மூடி ஃப்ரீஸரில் 5 மணி நேரம் வைக்கவும்.
    இப்போது ஐஸ்க்ரீமை எடுத்து எசன்ஸை கலந்து மறுபடியும் மிக்ஸியில் போட்டு அரைக்கவும்.



  • நன்றாக கலந்து மிருதுவானதும் கிண்ணத்தில் ஊற்றி மீண்டும் ஃப்ரீஸரில் வைத்து விடவும்.
  • 5 மணி நேரம் அப்படியே விட்டு விடவும். இப்போது ஐஸ்க்ரீம் ரெடியாகி விட்டது.
    ஒரு நீளமான கண்ணாடி டம்ளரை எடுத்துக் கொள்ளுங்கள்.
    அதில் முதலில் ஒரு கரண்டி ஊற வைத்த சேமியாவை போடவும்.
    அடுத்து கருப்பு திராட்சை, அதன்மேல் மாம்பழம், அடுத்து சிகப்பு கலர் ஜெல்லி, இப்ப கொஞ்சம் ஐஸ்க்ரிம், அதன் மேல் மற்ற பழ வகைகள் போடவும்.
    கடைசியாக சிறிது ஐஸ்க்ரீமை வைத்து அதன் மேல் ட்ரை ஃப்ரூட்ஸை தூவி மேலே ஒரு செர்ரி பழத்தை வைத்து அலங்கரித்து கொடுங்கள்.

 இது என் குறிப்பு சுட்டியை கிளிக்கி பார்க்கவும்  - ரிச் ஃப்ரூட் பாலூதா  - Rich Fruit Falooda சமையல் அட்டகாசங்கள்




பாலுதா /ஃபலூடா/Falooda - cookbookjaleela



https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam

Friday, July 26, 2013

அவகோடா மாம்பழ ஜூஸ் - Mango Avacoda Smoothie


அவகோடா மேங்கோ ஜீஸ் வித் ஹனி டேட்ஸ் சிரப்


தேவையானவை
பழுத்த அவகோடா பழம் – 1
பழுத்த மாம்பழம் – 1
ஹனி டேட்ஸ் சிரப் – 1 மேசை கரண்டி
பால் – அரை டம்ளர்.
அலங்க்ரிக்க
பிஸ்தா பிளேக்ஸ்

செய்முறை
அவகோட மற்றும் மாம்பழத்தின் கொட்டை மற்றும் தோலை நீக்கி பழங்களை அரிந்து கொள்ளவும்.
மிக்சியில் அரிந்த பழங்களுடன் டேட்ஸ் ஹனி சிரப் மற்றும் பால் சிறிது ஐஸ் கட்டிகள் சேர்த்து நன்கு அடிக்கவும்
. பிஸ்தா பிளேக்ஸ் தூவி பரிமாறவும்.

சுவையான ஹெல்தியான பானம் தயார்..சுவைத்து மகிழுங்கள்

Tuesday, June 18, 2013

லஸ்ஸி, ரோஸ் மில்க் லஸ்ஸி, பைனாப்பிள் லஸ்ஸி - Lassi ,Rose Milk Lassi,Pineapple Lassi






வெயில்காலத்துக்கு ஏற்ற மிக அருமையான வயிற்றுக்கு இதமான குளு குளு ஜூஸ் என்றால் லஸ்ஸி தான்.



லஸ்ஸி நான் ஸ்கூல் போகும் வழியில் ஒரு அம்மா வீட்டு வாசலில் லஸ்ஸி செய்யும் மோட்டார் மத்துடன் கடைந்து விற்பார்கள்.
அந்த பக்கமாக போகும் யாருமே ஒரு டம்ளர் வாங்கி குடிக்காமல் செல்ல மாட்டார்கள் அவ்வளவு ருசி.

ஃப்ரஷாக தானே வீட்டில் தயிர் தயாரித்து, ரொம்ப சுத்தமாக செய்வார்கள்.

நாங்க எல்லாரும் ஸ்கூல் போனதும் அம்மா, பெரிமா சித்தி எல்லாரும் மார்கெட்க்கு மீன் வாங்க செல்வார்கள். வெயிலில் களைத்து மீன் வாங்கி வரும் போது வழியில் அவர்கள் இந்த லஸ்ஸியை வாங்கி குடித்து விட்டு தான் வருவார்கள்.நாங்கள் மாலை வரும் போது சுட சுட மீன் குழம்பு ரெடியாக இருக்கும்.

நானும் என் தங்கையும் கடைக்கு சாமான்கள் வாங்க செல்லும் போது சில நேரம் வாங்கி குடிப்போம்.
அப்ப அவங்க லஸ்ஸி கடைவதை போது நின்று பார்த்தது தான். ஒவ்வொரு கோடையிலும் கண்டிப்பாக அந்த அம்மாசெய்தது போல் ஸ்பெஷல் லஸ்ஸி செய்வேன்.
இதென்ன பெரிய விஷியமா தயிரை அடித்தால் லஸ்ஸி வரபோகுது என்று தானே நினைக்கிறீர்கள்.

நீங்கள் கேட்பது  சரி தான் , ஆனால் இந்த லஸ்ஸியின் சுவைக்கு  முக்கியமான தேவை பால் ஏடு.பால் ஏடு சேர்த்து தயாரித்தால் சுவை கூடுதல், 

கெட்டி தயிருடன், சர்க்கரை, சிறிது பால், பால் ஏடு , ஐஸ் கட்டிகள் சேர்த்து நன்கு நுரை பொங்க அடிக்கனும். அப்படியே ஒரு பெரிய கண்ணாடி டம்ளர் ஊற்றி குடித்தால் ஆகா அமிர்தம்.....



வயிற்று வலி அல்சர் மற்றும் வயிற்று புண் எல்லாத்துக்கும் அருமருந்து லஸ்ஸி...




லஸ்ஸி

கெட்டி தயிர்
பால் ஏடு
சர்க்கரை
ஐஸ் கட்டிகள் பொடித்தது



ரோஸ் மில்க் லஸ்ஸி

கெட்டி தயிர்
பால் சிறிது
பால் ஏடு
சர்க்கரை
ரோஸ் எசன்ஸ் (அ) ரூ ஆப்ஷா
ஐஸ்கட்டிகள் பொடித்தது




பைனாப்பிள் லஸ்ஸி

தேவையான பொருட்கள்
கெட்டி தயிர் - 200 மில்லி
பைனாப்பிள் துண்டுகள் - கால் கப்
பைனாப்பிள் எசன்ஸ் - 2 துளி
சர்க்கரை - 2 மேசை கரண்டி (தேவைக்கு)
ஐஸ் கட்டிகள் - 5 (பொடித்தது)
ஐஸ் வாட்டர் - தேவைப்பட்டால்
விப்பிங் கிரீம் - கால் கப்


செய்முறை

மேலே குறிப்பிட்டுள்ள அனைத்து பொருட்களையும் மிக்சியில் நுரை பொங்க அடித்து கண்ணாடி டம்ளரில் ஊற்றி ஜில்லுன்னு குடிக்கவும்.





பிரியாணி செய்தால் தொட்டுக்க தயிர் பச்சடி செய்வோம் ஹனீஃப் சாப்பிட மாட்டான் அவனுக்காக ஒரு டம்ளர்  லஸ்ஸி செய்து வைத்து விடுவேன்.





இது போல் நீங்க விரும்பும் என்ன பழம் வேண்டுமானாலும் சேர்த்து லஸ்ஸி செய்யலாம்.

கோடை காலத்துக்கு ஏற்ற குளு குளு பானம் .