வதக்கி அரைத்த கருவேப்பிலை கிரேவி /கருவேப்பிலை ​தொக்கு - Curry leaves Chutney

வதக்கி அரைத்த கருவேப்பிலை கிரேவி /கருவேப்பிலை

​தொக்கு 

பொதுவாக முடி வளற மற்ற அயர்ன் சத்து மற்றும் அனிமியா, இரத்த சோகைக்கு கருவேப்பிலையை காலையில் மென்று சாப்பிட்டால் போதுமானது, ஆனால் சிலருக்கு பச்சயாக சாப்பிட பிடிக்காது. அதற்கு நாம் தினப்படி செய்யும் உணவில் அரைத்து சேர்க்கலாம். பருப்படை, கருவேப்பிலை சாதம் , கருவேப்பிலை பொடி, இல்ல இப்படி தொக்கு , துவல் , சட்னி போல செய்து சாப்பிடலாம் சுவையும் பிரமாதமாக இருக்கும்.

Preparation time : 20 minutes
cooking time : 20 mintes

Iron Key Ingredients: Curry leaves and coriander and mint

தேவையான பொருட்கள்

கருவேப்பிலை – இரண்டு கட்டு

கொத்துமல்லி கீரை –  ஒரு கட்டு

புதினா ஒரு கட்டு

பூண்டு – இரண்டு பெரியது

தேங்காய் – அரைமுடி

ginger - 1 inch size

புளி – ஒரு சிறிய எலுமிச்சை சைஸ் (அ) புளி கியுப் 1

பச்சமிளகாய் – 6

நல்லெண்ணை – ஒரு மேசைகரண்டி ( வதக்க)

நல்லெண்ணை – கால் கப்

செய்முறை

கருவேப்பிலை, கொத்தும்மல்லி, புதினா வை நன்கு காம்பு நீக்கி நன்கு அலசி தண்ணீரை வடிக்கவும். புளியை கட்டியாக கரைத்து வைக்கவும்.

நல்லெண்ணை  சூடு படுத்தி பச்சமிளகாய், கருவேப்பிலை, கொத்துமல்லி , புதினா கரைத்து வைத்துள்ள புளி தேங்காய், புளி கரைத்து ஊற்றி.பூண்டு இரண்டு பெரிய பூண்டு , ginger, தேங்காய் பச்சமிளகாய் 6 வதக்கி உப்பு போட்டு ஆறவைத்து தண்ணீர் சேர்த்து மிக்சியில் அரைக்கவும்.

ஒரு வாயகன்ற வானலியில் நல்லெண்ணை ஊற்றி அரைத்த கலவையை ஊற்றி நன்கு சுருள கிளறி தள தளன்னு கொதிக்க விட்டு தண்ணீர் வற்றியதும் இரக்கவும்.

சுவையான கருவேப்பிலை கொத்துமல்லி புதினா கிரேவி.

இதை ஒரு வாரம் வரை வைத்து சாப்பிடலாம். தேங்காய் போடாமல் செய்தால் ஒரு மாதம் வரை கெடாது.

Linking to   #livogenironchef the Iron Chef contest on IndiBlogger.  
ww.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

சிம்பிள் கார சட்னி

சிம்பிள் கார சட்னி
பேலியோ டயட் ரெசிபி
( கிரில் வகைகள் மற்றும் காலிப்ளவர் த்யிர் சாதம், லெமன் சாதத்துக்கு ஏற்ற பக்க உணவு.



தேவையான பொருட்கள்
(சிவப்பு ) காய்ந்த மிளகாய் (குண்டு) – 4
வெங்காயம் – 50 கிராம்
கல் உப்பு – தேவைக்கு
நல்லெண்ணை அ சூடான நெய் – தேவைக்கு


http://cookbookjaleela.blogspot.com/…/simple-kara-spicy-chu…


செய்முறை


மிளகாய் , உப்பு, வெங்காயம் சேர்த்து நல்ல மையாக மிக்ஸியில் அரைக்கவும்.
அதன் மேல் நல்லெண்ணை அல்லது சூடான நெய் ஊற்றி கிரில் மற்றும் பேலியோ டயட்டுக்கு செய்யும் தயிர் சாதம் லெமன் சாதத்துக்கு தொட்டுகொள்ள அருமையாக இருக்கும்.
இதில் தாளிப்பு தேவைப்பட்டால் சிறிது எண்ணையில் கடுகு , கருவேப்பிலை சேர்த்து தாளித்து கொட்டி 3 நிமிடம் கொதிக்க விட்டு இரக்கவும்.

இட்லி தோசை ஆப்பத்துக்கு ஏற்ற சிம்பிள் சட்னி
https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

இதய வடிவ கேழ்வரகு இட்லி & தக்காளி கேரட் சட்னி

ஆரோக்கிய சமையல்.

இதய வடிவ கேழ்வரகு இட்லி &  தக்காளி கேரட் சட்னி

தேவையான பொருட்கள்

ஆச்சி மசாலா கேழ்வரகு மாவு - 200 கிராம்

இட்லிமாவு - இரண்டு குழிகரண்டி அல்லது அரிசிமாவு - 3 மேசைகரண்டி

உளுந்து - 100 கிராம்

உப்பு -  தேவைக்கு

தண்ணீர் - தேவையான அளவு

செய்முறை

உளுந்தை ஒரு மணி நேரம் ஊறவைத்து மையாக அரைத்து எடுக்கவும்.

அரைத்த உளுந்துடன் ஆச்சி கேழ்வரகு மாவு, இட்லி மாவு, உப்பு சேர்த்து கலக்கி 8 மணி நேரம் பொங்க விடவேண்டும்.

பிறகு நன்குகலக்கி இட்லி தட்டில் எண்ணை அல்லது நெய் தடவி 10 நிமிடம் அவித்து எடுக்கவும்.

அவித்தது எடுத்ததும் பிஸ்கேட் கட்டரால் இதயவடிவில் அல்லது வேண்டிய வடிவில் கட் செய்து எடுக்கவும்

இதற்கு தொட்டுகொள்ள கொத்துமல்லி சட்னி அல்லது தக்காளி சட்னி பொருத்தமாக இருக்கும்.

தக்காளி கேரட் சட்னி

அரைக்க

பழுத்த தக்காளி - 3 பெரியது

காரட் - ஒன்று

முழு சிவப்பு மிளகாய் - 2

ஆச்சி சிவப்பு மிளகாய் தூள் - கால் தேக்கரண்டி

பூண்டு - 2 பல்

இஞ்சி - சிறியதுண்டு (கால் இன்ச் சைஸ்)

வெல்லம் - சிறியது துண்டு ( கால் இன்ச் சைஸ்)

உப்பு - தேவைக்கு

தாளிக்க 

எண்ணை - 1 தேக்கரண்டி

கடுகு - ஒரு தேக்கரண்டி

கருவேப்பிலை - சிறிது

செய்முறை

முதலில் அரைக்க கொடுத்துள்ள அனைத்து பொருட்களையும் மிக்சியில் அரைத்து எடுக்கவும்.

ஒரு வாயகன்ற சட்டியை காயவைத்த்து எண்ணை கடுகு கருவேப்பிலை சேர்த்து தாளித்து அரைத்த கலவையை சேர்த்து நன்கு கொதிக்க விட்டு தண்ணீர் சிறிது வற்றியதும் இரக்கவும்.

ராகி இட்லியுடன் சாப்பிட அருமையாக இருக்கும்

ஹெல்தி டயட் டிபன்.

டிப்ஸ்: சர்க்கரை வியாதி வந்தவுடன் தான் ராகி சம்பந்த பட்ட உணவுகள் சாப்பிடனும் என்றில்லை, குழந்தைகளுக்கு சிறு வயதிலிருந்தே கேழ்வரகு சமையல் உணவுகளை செய்து கொடுத்து சாப்பிட பழக்கனும், பெரியவர்களும் அடிக்கடி இது போல் ஆரோக்கியமாக செய்து சாப்பிடலாம்

கிராமத்து உணவு , ஆரோக்கிய சமையல், கேழ்வரகு , இட்லி




https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

அவகோடா பாதம் சட்னி - Avocado Badam Chutney - Paleo

பேலியோ டயட் பழவகைகள் எதுவும் எடுத்து கொள்ள கூடாது , ஆனால் அவகோடா பழம் சாப்பிடலாம், இதை பால் சேர்த்து மில்க் ஷேக் போல அல்லது தயிர் சேர்த்து ஸ்மூத்தி போல  குடிக்கலாம்.

சாலட் செய்து சாப்பிடலாம். பார்பிகியி , ஃப்ரை வகைகளுக்கு சட்னியாகவும் அரைத்து சாப்பிடலாம்.

அவகோடா தேங்காய் சட்னி – Avocado Coconut Chutney

Avocado Dip for Grill Item

தேவையான பொருட்கள்

அவகோடா பழம்  - 1

தேங்காய் துருவியது – கால் கப்

பச்சமிளகாய்  -1

இஞ்சி – சிறிய துண்டு

கொத்துமல்லி கருவேப்பிலை – அரை கப்

லெமன் சாறு – ஒரு மேசைகரண்டி

பாதாம்  - 15

செய்முறை

கொத்துமல்லி கருவேப்பிலையை மண்ணில்லாமல் கழுவி பொடியாக நறுக்கி கொள்ளவும்.

பாதாம் பருப்பை வெண்ணீரில் ஊறவைத்து தொலெடுத்து கொள்ளவும்.

அவகோடா பழத்தை கொட்டை மற்றும் தோலை எடுத்து விட்டுசேர்க்கவும்.

மிக்சியில் பாதாம், அவகோடா, கொத்துமல்லி கருவேப்பிலை, உப்பு , பச்சமிளகாய், தேஙகாய் சேர்த்து அரைக்கவும் கடைசியாக லெமன் சாறு கலந்து ஒரு திருப்பு திருப்பி எடுக்கவும்.

கவனிக்க:

இது பேலியோ கட்லெட், வடை,பேன்கேக், சிக்கன், மட்டன், மீன், இறால் போன்ற கிரில் வகைகளுக்கு பக்க உணவாக சாப்பிடலாம்.

காரம் அதிகம் விரும்புவோர் பச்சமிளகாய் இரண்டாக போட்டு கொள்ளலாம். நான் காரம் அதிகம் எடுக்க மாட்டேன்.

 Paleo Diet Recipes

ஆக்கம்

ஜலீலாகமால்

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

தக்காளி கேரட் சட்னி - 2

தக்காளி கேரட் சட்னி

அரைக்க

பழுத்த தக்காளி - 3 பெரியது

காரட் - ஒன்று

முழு சிவப்பு மிளகாய் - 2

ஆச்சி சிவப்பு மிளகாய் தூள் - கால் தேக்கரண்டி

பூண்டு - 2 பல்

இஞ்சி - சிறியதுண்டு (கால் இன்ச் சைஸ்)

வெல்லம் - சிறியது துண்டு ( கால் இன்ச் சைஸ்)

உப்பு - தேவைக்கு

தாளிக்க 

எண்ணை - 1 தேக்கரண்டி (பேலியோ சட்னிக்கு சாதா எண்ணைக்குபதில் நல்லெண்ணை அல்லது தேங்காய் எண்ணையில் செய்து கொள்ளவும்

கடுகு - ஒரு தேக்கரண்டி

கருவேப்பிலை - சிறிது

செய்முறை

முதலில் அரைக்க கொடுத்துள்ள அனைத்து பொருட்களையும் மிக்சியில் அரைத்து எடுக்கவும்.

ஒரு வாயகன்ற சட்டியை காயவைத்த்து எண்ணை கடுகு கருவேப்பிலை சேர்த்து தாளித்து அரைத்த கலவையை சேர்த்து நன்கு கொதிக்க விட்டு தண்ணீர் சிறிது வற்றியதும் இரக்கவும்.

Tomato carrot chutney - paleo diet
பேலியோ சட்னி. பக்க உணவு

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

ட்ரை கலர் தோசை – டூப்ளிகேட் புல்ஸ் ஐ ஆம்லேட் தோசை - Indian Flag Dosai

ட்ரை கலர் தோசை – ஆம்லேட் தோசை

குழந்தைகளுக்கு பள்ளிக்கு கொண்டு சொல்ல இது போல் கலர்ஃபுல்லாக செய்து கொடுத்தால் அம்மாமார்களின் கவலை தீர்ந்தது, உங்கள் வீட்டு பிள்ளைகளின் டிபன் பாக்ஸ் காலி ஆகி ஒன்ஸ்மோர் கேட்பார்கள்.

தேவையான பொருட்கள்
தோசைமாவு தேவைக்கு ( 1 கப் (அ) 2 கப்)

தக்காளி கேரட் சட்னி

வதக்கி அரைகக

எண்ணை – அரை தேக்கரண்டி

கடுகு – கால் தேக்கரண்டி

கருவேப்பிலை பொடி – அரை தேக்கரண்டி

தக்காளி – முன்று

கேரட் – 1

மிளகாய் தூள் – கால் தேக்கரண்டி

தேங்காய் துருவல் – 2 மேசைகரண்டி

உப்பு – தேவைக்கு

காஞ்ச மிளகாய்  - 2

பூண்டு – 1 பல்

தாளிக்க

எண்ணை – ஒரு தேக்கரண்டி

கடுகு – அரை தேக்கரண்டி

கருவேப்பிலை -  சிறிது

உளுந்து  - அரை தேக்கரண்டி

 செய்முறை

தக்காளி பொடியாக அரியவும், கேரட்டை துருவிவைக்கவும்.

வதக்க கொடுத்துள்ளவைகளை வதக்கி ஆரவைக்கவும்.

ஆறியது மிக்சியில் கட்டியாக அரைத்து எடுக்கவும்.

தாளிக்க கொடுத்துள்ளவைகளை தாளித்து அரைத்த சட்னி கலவையை சேர்த்து கொதிக்க விட்டு இரக்கவும்,

பாலக் பெஸ்டோ / டிப் . சட்னி

தேவையானவை

பாலக் கீரை – ஒரு கப்

உப்பு – தேவைக்கு

பச்சமிளகாய் – இரண்டு

பூண்டு – 1 பல் பெரியது

வால்நட் – 5

சர்க்கரை – ஒரு பின்ச்

செய்முறை

பாலக் கீரையை கழுவி சுத்தம் செய்து தண்ணீரை வடிக்கவும்.

வெண்ணீரை கொதிக்கவிட்டு , ஒரு சிட்டிக்கை உப்பு, சர்க்கரை, இட்லி சோடா கால் சிட்டிக்கை சேர்த்து பாலக்கீரையை சேர்த்து ஒரு நிமிடம் கொதிக்க விட்டு இரக்கி வெண்ணீரை வடித்து விட்டு குளிர்ந்த நீரில் கழுவி மீண்டும் தண்ணீரை வடிக்கவும்.

மிக்சியில் வடித்த பாலக், பச்சமிளகாய், தேவைக்கு உப்பு, பூண்டு , வால்நட் சேர்த்து நன்கு அரைக்கவும்.

கிரீன் தோசைக்கான பில்லிங்கும், ரெட் தோசைக்கான பில்லிங்கும் ரெடி

தேவையான அளவு தோசை மாவை முன்று பாகங்களாகா பிரித்து

ஒரு பாக மாவுடன் பாலக் கலவையை கலக்கவும்.

அடுத்த பாக மாவுடன் ஏதும் கலக்க வேண்டாம்.

அடுத்த பாக மாவுடன் தக்களி கேரட் சட்னியைகலந்து வைக்கவும்.

தவ்வாவை சூடு படுத்தி உள்ளங்கை சைஸ் குட்டி குட்டி தோசைகளாக சுட்டு எடுக்கவும்.

குழந்தைகளுக்கு லன்ச் பாக்ஸ்க்கு தோசை தனியாக சட்னி தனியாக வைத்து அனுப்பாமல் இப்படி அழகாக மாவிலேயே சேர்த்து கலர்ஃபுல்லாக அனுப்பலாம்.

மற்றொரு வகை

கலவையை மாவில் கலக்காமல் முதலில் தோசைமாவை தவ்வாவில் ஊற்றி விட்டு முதலில் வட்ட வடிவமாக ரெட் சட்னியை சுழற்றவும், அடுத்து வெள்ளை மாவை அதை சுற்றிலும் ஊற்றவும்.

அடுத்து பாலக் பெஸ்டோ கலந்த மாவை சுற்றிலும் ஊற்றவும்.

Independence Day Recipe அன்று போஸ்ட் செய் ய செய்து வைத்து பப்லிஷ் பண்ண மறந்துட்டேன்.
இந்த மூவர்ண  தேசிய கொடியில் ரெசிபி செய்வது எனக்கு ரொம்ப பிடிக்கும். நாட்டு பற்று. என் பள்ளி சீருடை கலரும் இது தான்.

இது என் மகனுக்காக அடிக்கடி இப்படி செய்வது.என் மகன் ஹனீபுதீனுக்கு இன்று பிறந்த நாள் தூஆ செய்து கொள்ளுங்கள்,




https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

பொட்டு க‌ட‌லை துவைய‌ல்/கெட்டி சட்னி

பொட்டு க‌ட‌லை துவைய‌ல் - How to make Roasted Gram Chutney/ketti satney/கெட்டி சட்னி செய்வது எப்படி?

வயிறுக்கு இதமான சட்னி இட்லி, தோசை, ஆப்பம், பூரி, வடை, பஜ்ஜி, உளுந்து வடை, வெள்ளை கஞ்சி அனைத்துக்கும் பொருந்தும் அருமையான சட்னி.

தேவையான பொருட்கள்

பொட்டு க‌ட‌லை = கைக்கு ஒரு கை பிடி
தேங்காய் ப‌த்தை = இர‌ண்டு
ப‌ச்ச‌மிள‌காய் = ஒன்று
இஞ்சி சிறிய‌ துண்டு
வெங்காய‌ம் = கால் துண்டு
உப்பு = ருசிக்கு தேவையான‌ அள‌வு

செய்முறை

1.முத‌லில் தேங்காய் ப‌த்தை + ப‌ச்ச‌மிள‌காய் பொட்டு க‌ட‌லையை சேர்த்து அரைக்க‌வும்.
2. பாதி அரைந்த‌தும் இஞ்சி + வெங்காயம் + உப்பு சேர்த்து அரைத்து எடுக்க‌வும்.

குறிப்பு:

நோன்பு கால‌த்தில் வெள்ளை க‌ஞ்சி , ம‌சால் வ‌டை, பஜ்ஜி. உளுந்து வடைபொட்டு க‌ட‌லை துவைய‌ல் தொட்டு சாப்பிட‌ இத‌மாக‌ இருக்கும்.
நான் காரம் குறைவாக தான் பயன் படுத்துவேன், காரசாரமாக சாப்பிடுபவர்கள் பச்சமிளகாயின் அளவை கூட்டி கொள்ளவும்.

இதே சட்னியில் இஞ்சிக்கு பதில் பூண்டு சேர்த்தும் அரைக்கலாம்.
கொத்துமல்லி , சிறிது புளி அல்லது எலுமிச்சை சேர்த்தும் அரைக்கலாம்.

பரிமாறும் அளவு - முன்று நபர்களுக்கு
ஆயத்த நேரம் - 3. நிமிடம்
சமைக்கும் நேரம் - 3.நிமிடம்

கொத்துமல்லி பொட்டுகடலை சட்னி

Linking to Gayatri's Walk Through memory lane hosted by Sahasra

அனைவரும் நலமா? ஊருக்கு போய் நல்லபடியாக திரும்பி வந்துவிட்டேன். இது முன்பே போட்டு வைத்து இருந்த குறிப்பு. ஏதும் போஸ்ட் பண்ண முடியல ஊர் ஞாபகமாகவே இருக்கிறது. முடிந்த போது வந்து குறிப்புகளை பகிர்கிறேன்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam

		Tweet

காரா பூந்தி ரைய்தா - Kara Boondhi Raita

இந்த பூந்தி ரெய்தா நார்த் இந்த்யாவில் தான் பிரபல்மானது  இதில் சீரகம் வறுத்து திரித்து சேர்த்து சிறிது மிளகாய் தூள் மற்றும் சாட் மசாலா சேர்ப்பார்கள். இதில் நான் சிம்பிளாக எப்போதும் பிரியாணிக்கு செய்யும் ரெய்தாவில் காராபூந்தி சேர்த்துள்ளேன்.

காரா பூந்தி ரெய்தா

தேவையான பொருள்கள்

தயிர் – 150 மில்லி

பொடியாக அரிந்த வெங்காயம் – 2

பொடியாக நறுக்கிய – பச்சமிளகாய் – 2

வெள்ளரிக்காய் - சிறியது ஒன்று

லெமன் ஜூஸ் – 1 தேக்கரண்டி

சர்க்கரை – அரை சிட்டிக்கை

உப்பு –தேவைக்கு

காராபூந்தி – தேவைக்கு.

செய்முறை

தயிரை நன்கு அடித்து அதில் வெங்காயம், வெள்ளரிக்காய், பச்சமிளகாய் கொத்துமல்லி கீரை, சர்க்கரை , உப்பு , லெமன் ஜூஸ் அனைத்தையும் கலந்து பிரிட்ஜில் வைக்கவும்.

பரிமாறும் போது காராபூந்தியை தூவி பரிமாறவும்.

இதை பிரியாணிக்கு என்றில்லை சாலட் போல் சும்மாவும் சாப்பிடலாம், சப்பாதிக்கும் தொட்டு சாப்பிடலாம்.

இந்த பூந்தி ரெய்தா நார்த் இந்த்யாவில் தான் பிரபல்மானது  இதில் சீரகம் வறுத்து திரித்து சேர்த்து சிறிது மிளகாய் தூள் மற்றும் சாட் மசாலா சேர்ப்பார்கள்.

/மோர்குழம்பு ,தயிர் சாதம், தயிர்வடை எது வைத்தாலும் காராபூந்தியுடன் சாப்பிடுவது என் பையனுக்கு பிடிக்கும்.

நான் பிரியாணிக்கு பக்க உணவாக அடிக்கடி வெஜ் ரெய்தா, மிண்ட் குகும்பர் ரெய்தா, தேங்காய் தயிர் பச்சடி ,பிட்ரூட் பீனட் ரெய்தா என்று செய்வேன்..

 இதில் சிம்பிளாக  வெங்காய தயிர் பச்சடி(ரெய்தா) உடன் காராபூந்தி சேர்த்துள்ளேன்./

மோர் குழம்பு, கேரட் சாலட், காராபூந்தி

தயிர் சாதம், ஸ்பைசி பாயில்ட் எக் ஃப்ரை, காரா பூந்தி, நார்த்தங்காய் ஊறுகாய்

Linking to Walk through Memory Lane hosted by Priya Ananda Kumar

 https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam

		Tweet

புதினா சட்னி தோசை ரோல் - Mint Chutney & Dosa Roll

புத்துணர்வு தரும் புதினா சட்னி தோசை ரோல்

புதினா சட்னி  இட்லி,தோசை, பிரட் சாண்ட்விச், சேமியா, மக்ரூணி,அடை , மைதா தோசை, உப்புமா ,எல்லா வகை டிபனுக்கும் ,வடை பஜ்ஜி , உளுந்து வடை ,போண்டா,பகோடா  மாலை நேர சிற்றுண்டிக்கும், குஸ்கா கீ ரைஸ், பகறா கானா முதலிய சாதவகைகளுக்கும்  பொருந்தும்.

புதினா சட்னி - 2

தேவையானவை

ஃப்ரஷ் புதினா  - 1 கட்டு 

புளி - ஒரு சிறிய எலுமிச்சை சைஸ்

பச்ச மிளகாய் - 2

உப்பு - கால் தேக்கரண்டி  ( தேவைக்கு)

தேங்காய் பத்தை - 3 (2” சைஸ்)

வெங்காயம் - மீடியம் 1

கெட்டியாகவோ தண்ணியாகவோ அவரவர் விரும்பம் போல் அரைத்துகொள்ளலாம், தண்ணீராக அரைத்தால் அதை தாளித்து கொண்டால் நல்ல இருக்கும். தண்ணீயாக என்றால் ஒடு தண்ணீர் இல்லை சிறிது நீர்க்க அரைத்து கொள்ளலாம்.

செய்முறை 

புதினாவை ஆய்ந்து மண் போக நன்கு அலசி எடுக்கவும்.

முதலில் தேங்காய்,பச்சமிளகாய், புளியை அரைத்து கொண்டு அதனுடன் புதினா,உப்பு,வெங்காயம் சேர்த்து  மிக்சியில் அரைக்கவும்.

ஆபிஸ் க்கு எடுத்து செல்ல தோசையை வார்த்து கொண்டு அதில் ஜாம் போல் தடவி மேலே படத்தில் காட்டியுள்ளது போல் தடவி சுருட்டி எடுத்து செல்வேன். புதினா சட்னி தோசையில் ஊறி சாப்பிடவே ய்ம்மியாக இருக்கும்.

புதினா சட்னி/துவையல் மட்டும் வகைவகையாக அரைப்பேன்.இதில் சிலநேரம் இனிப்பு துவையல் போல் வால்நட், பேரிட்சை சேர்த்தும் அரைப்பேன். ஏற்கனவே ரெசிபி போட்டுள்ளேன்.

பச்ச பசேலுன்னு எங்க புதினா கொத்துமல்லி கருவேப்பிலை , கீரை வகை பார்த்தாலும் , பேய் மாதிரி அள்ளிக்குவேன்.

Dubai - Carrefour - Century Mall 

Green Leaves Section

பேச்சுலர் ஈவண்ட் ஆசியாவின் ரோல் ஈவண்டுக்காக செய்தது இணைப்பு கொடுக்க முடியாமல் போய் விட்டது.

Linking to 

 Gayathri'sWalk through Memory Lane hostedby Hema's Adugemane

		Tweet

பாலக் ஹமூஸ் - Palak Hamuus

     பாலக் ஹமூஸ்

தேவையானவை

பாலக் கீரை - அரை கப்

வெங்காயம் - மீடியம் சைஸ் - 1

வெள்ளை மிளகு தூள் - அரை தேக்கரண்டி

உப்பு - கால் தேக்கரண்டி (தேவைக்கு)

Del Monte Chickpeas - டெல் மாண்டோ  கொண்டைகடலை - 25 கிராம் (25gram)

லெமன் ஜூஸ் - ஒரு மேசை கரண்டி

வறுத்த வெள்ளை எள் - 1 தேக்கரண்டி

பூண்டு - ஒரு சிறிய பல்

ஆலிவ் ஆயில் - தேவைக்கு

செய்முறை

பாலக் கீரையை சுத்தம் செய்து பூண்டு, வெங்கயாம் , வேகவைத்த கொண்டை கடலை சேர்த்து வதக்கவும்.மிக்சியில் முதலில் வெள்ளை எள்ளை பொடித்து கொண்டு அதில் வதக்கியவறறை சேர்த்து அரைக்கவும்.உப்பு, மிளகு தூள் லெமன் ஜூஸ் கலக்கி பவுளில் ஊற்றவும்.

மேலே ஆலிவ் ஆயில் ஊற்றி பரிமாறவும்.

ஹமூஸ் அரபு நாடுகளில் குபூஸ் , ரொட்டி, நான் அயிட்டங்களுக்கு ஏற்ற சைட் டிஷ். 

பாலக் சேர்த்தது என் ஐடியா.கீரை சேர்ப்பதால் சத்து அதிகம்,சாண்ட்விச்களுக்கும் ஏற்ற ஸ்ப்ரெட். குழந்தைகளுக்கு நல்லது 

Linking to Del Monte Blogger Recipe Carnival and worldfoody

		Tweet