இஸ்லாமிய இல்ல பாரம்பரிய சமையலும் அதன் வழி என் அட்டகாசங்களும்.
சமையல்,துஆ, தையற்கலை, குழந்தை வளர்ப்பு, பயனுள்ள வீட்டு குறிப்புகள், அனுபவம் எல்லாம் இப்போ ஒரே இடத்தில்.
https://www.youtube.com/channel/UC8LXGZgIE8u8GQz4xPuoexw
தோலுடன் உள்ள் சிக்கன் விங்ஸை எலுமிச்சை அரை பழம் சேர்த்து நன்கு கழுவவும்.
அதில் இஞ்சி பூண்டு விழுது, எலுமிச்சை சாறு, அரபிக் ஜாத்தார் மசாலா, ஆலிவ் ஆயில், மிளகு தூள், வினிகர், உப்புசேர்த்து நன்கு பிசரி 3 மணி நேரம் பிரிட்ஜில் வைத்து ஊறவைக்கவும்.
பிறகு எலக்ரிக் கிரில்லில் பட்டர் தடவி இரண்டு புறமும் திருப்பி போட்டு கிரில் செய்து எடுக்கவும்.
#முஸ்லீம்வீட்டுகல்யாண# பச்ச போடும் நாஷ்டா #பாய் வீட்டுமட்டன் சேமியா பிரியாணி#
#பாய்வீட்டு# கல்யாணத்தில் செய்யும் டிபன் வகைகளில் மிகவும் பிரபலமான உணவு
இதில் ஆட்டுகறீ 1 1/4 கிலோ என்பது கல்யாண விருந்துகளுக்கு அப்படி சேர்க்கனும் சாதாரனமாக வீட்டில் செய்வதாக இருந்தால் முக்கால் கிலோ போட்டால் போதும்.டால்டான்னு சொன்னது பெரிய விருந்து களீல் டால்டா சேர்ப்பார்கள்.
தேவையான பொருட்கள்
சேமியா - 800 கிராம் பாக்கெட்
ஆட்டு கறி - 1 1/4 கிலோ
வெங்காயம் - 1/2 கிலோ
தக்காளி - 1/2 கிலோ
இஞ்சி பூண்டு பேஸ்ட் - எட்டு தேக்கரண்டி
எண்ணெய் - அரை கப் (100 கிராம்)
நெய் - 50 கிராம் கால் கப்
மிளகாய் தூள் - முன்று தேக்கரண்டி
டால்டா or ghee - இரண்டு தேக்கரண்டி (சேமியா வறுக்க)
கொத்தமல்லி தழை - அரை கட்டு
புதினா - பத்து இதழ்
பச்சை மிளகாய் - ஐந்து
பட்டை - ஒரு அங்குலம் துண்டு இரண்டு
ஏலம், கிராம்பு - தலா இரண்டு
தயிர் - அரைகப்
உப்பு தேவைக்கு
மூஸ்லீம் வீட்டு கல்யாணடிபன் செய்வது எப்படி
சேமியாவை கருக விடாமல் சிவக்க நெய் அல்லது டால்டா சேர்த்து வறுத்து ஆற வைக்கவும்.
எண்ணெயை காய வைத்து பட்டை, ஏலம், போட்டு வெங்கயத்தை அரிந்து போட்டு வதக்கவும். வதக்கி இஞ்சி பூண்டு பேஸ்ட் சேர்த்து பொன்னிறமாகும் வரை வதக்கவும்.
பிறகு கொத்தமல்லி, புதினா, பச்சை மிளகாய் போட்டு இரண்டு நிமிடம் வதக்கி தக்களியை போட்டு மிளகாய் தூள், உப்பு சேர்த்து மூடிபோட்டு தக்காளியை வேக விடவும்.
வெந்ததும் கறியை போட்டு இரண்டு மூன்று நிமிடம் கிளறிக்கொண்டே இருக்கவும். பிறகு தீயை சிம்மில் வைத்து கறியை போட்டு வேக விடவும்.
சேமியா அளவு ஒன்றுக்கு ஒன்றரை கப் வீதம் தண்ணீர் ஊற்றி தண்ணீர் கொதித்ததும் சேமியாவை கொட்டி இரண்டு மூன்று கொதி வந்ததும் சிம்மில் வைத்து வேக வைத்து அடுப்பை ஆஃப் பண்ணி விட்டு பத்து சிறூ தீயில் வைத்து தம்மில் விடவும், பதினைந்து நிமிடம் கழித்து பிரட்டி விட்டு பரிமாறவும்.
சுமார் 9 லிருந்து 10 பேர் சாப்பிடலாம்
இதற்கு தொட்டுக்கொள்ள புதினா துவையல், எல்லா வகையான ஊறுகாய்கள் பொருத்தமாக இருக்கும்
https://www.facebook.com/pages/Chennai-Plaza/156896191130975
https://www.facebook.com/Samaiyalattakaasam
http://www.chennaiplazaki.com/
பார்டியில் குழந்தைகளுக்காக சாப்பிட சுலபமாக இது போல் எலும்பில்லாத சிக்கனில் டிக்கா செய்து வைக்கலாம். Boneless Chicken Tikka போன்லெஸ் சிக்கன் டிக்கா
தேவையானவை
எலும்பில்லாத சிக்கன் துண்டுகள் - 200 கிராம்
மிளகாய் தூள் - அரை தேக்கரண்டி
மிளகு தூள் - அரை தேக்கரண்டி
ரெட் கலர் பொடி - 2 சிட்டிக்கை
உப்பு அரை தேக்கரண்டி
இஞ்சி பூண்டு பேஸ்ட் - முக்கால் தேக்கரண்டி
கடலை மாவு - ஒரு தேக்கரண்டி
சோம்பு தூள் கால் தேக்கரண்டி
கரம்மசாலா தூள் - கால் தேக்கரண்டி
தயிர் - இரண்டு தேக்கரண்டி
லெமன் சாறு - ஒரு தேக்கரண்டி
கசூரி மேத்தி - ஒரு தேக்கரண்டி
அலங்கரிக்க
வட்டவடிவமாக அரிந்த கேரட்
கொத்துமல்லி தழை
செய்முறை
சிக்கனை கழுவி தண்ணீரை வடித்து வைக்கவும்.
மேலே குறிப்பிட்ட அனைத்து மசலாக்களையும் ஒரு சேர ஒரு பவுளில் கலக்கி சிக்கனுடன் நன்கு பிசறி 10 நிமிடம் ஊறவைக்கவும்
ஒரு வாயகன்ற வானலியில் எண்ணையை காயவைத்து தீயின் தணலை மிதமாக வைத்து ஊறவைத்துள்ள சிக்கனை போட்டு பொரித்து எடுக்கவும்.
.
பொரித்து முடித்ததும் எண்ணையை வடித்து தட்டில் வைத்து அலங்கரித்து பரிமாறவும்
இதே பனீரில் செய்யலாம்
இதே மசாலாவை அமுல் பனீர் கியுப்ஸ் வாங்கி அதை தண்ணீரில் போட்டு கழுவி மேற்கண்ட சிக்கனில் சொல்லி உள்ளபடி மசாலாக்களை பனீரில் சேர்த்து பொரித்து எடுத்து அதே போல் செய்யலாம்.
மற்றொரு முறை
டூத் பிக்கில் பனீரை சொருகி இரண்டு புறமும் கேப்ஸிகம் சொருகி எண்ணையில் உடையாமல் பக்குவமாக திருப்பி போட்டு பொரித்து எடுக்கவும்.
மேலே உள்ள குறிப்பு தான் பனீர் ரெசிபியாக ஃபஜீலாவுக்கு நான் சொல்லி கொடுத்தது. இதோ இந்த சுட்டியை சொடுகி பார்க்கவும்.
மசாலாக்கள், வெங்காயம் , எலலாம் அரைத்து ஊற்றி இருக்கும் வெறும் கட்டியான கிரேவியுடன் மட்டன் சேர்த்து சமைத்து கோதுமை மாவு கரைத்து ஊற்றி செய்வது தான் நிஹாரி மட்டன். இருப்பார்கள்.
இதை நான் ஷான் நிஹாரி மசாலா வாங்கி அதை நெத்திலி மீனுடன் வெங்காய இறால் டைப்பில் செய்துள்ளேன்.
வாயகன்ற வானலியை சூடு படுத்தி எண்ணையை காயவைத்து பட்டையை வெடிக்கவிட்டு இஞ்சி பூண்டு விழுது சேர்த்து வதக்கவும். பிறகு வெங்காயம் சேர்த்து நன்கு வதக்கி சிறிது உப்பு தூவி மூடி போட்டு வெங்காயத்தை நன்கு மடங்க விடவும்.
வெங்காயம் மடங்கியதும் நிஹாரி மசாலா மற்றும் மிளகாய் தூள் சேர்த்து பிறட்டி தக்காளிய பொடியாக அரிந்து சேர்த்து குழைய வேகவிடவும்.
பச்சமிளகாய் மற்றும் கழுவி வைத்துள்ள நெத்திலிமீனை சேர்த்து லேசாக உடையாமல் பிரட்டி விட்டு தீயின் தனலை சிறிதாக வைத்து நன்கு மீனை வேகவிடடும். 10 நிமிடத்துக்குள் வெந்துவிடும். நன்கு வெந்து சிறிது எண்ணை மேலே வர ஆரப்பிக்கும் போது அடுப்பை ஆஃப் செய்யவும்.
சுவையான நெத்திலி மீன் நிஹாரி ரெடி.
இதில் சேர்த்துள்ள நிஹாரி மசாலா கிடைகக் வில்லை என்றால் ஆச்சி மட்டன் மசாலா, வேறு எந்த பிராண்ட் கிடைக்குதோ அந்த பிராண்டில் வாங்கி அதை சேர்த்து கொள்ளலாம்.
நான் ஊரிலிருந்து வரும் போது ஆச்சி மசாலா வாங்கி வருவேன், அது இல்லை என்றால் இங்குவந்ததில் இருந்து ஷான் பிராண்ட் தான் வாங்குவது, ஈஸ்டன் பிராண்டும் நல்ல இருக்கும்.
=================================
கொஞ்சம் நாட்களாக என் மகன் மீன் சாப்பிடுவதில் எப்போதும் மீன் செய்யும் மீன் சமையல் போல் இருக்க்கூடாது என்று இந்த டைப்பில் செய்து அவனுக்கு எடுத்து வைக்கும் டிபன் பாக்ஸில் போட்டு வைத்து விட்டு ஆபிஸ் கிளம்பிவிட்டேன்.
அவன் பள்ளியில் இருந்து சாப்பிட்டு முடித்து விட்டான், நான் இரவு வந்து மதியம் என்ன சாப்பிட்ட என்றேன் அதான் நீங்க வைத்து விட்டு போன மிளகு ரசமும் பொரிச்ச கறியும் என்றான், இந்த மீனில் முள்ளும் இல்லாமல், இந்த பக்குவத்தில் செய்ததால், பொரிச்சகறி
என்று நினைத்து சாப்பிட்டு இருக்கிறான்.
நான் எப்படி உன்னை மீன் சாப்பிட வைத்தேன் பாரு என்றேன், என்ன அது மமீனா ந்னு ?? அசடு வழிந்தான்..
Anchovies Bhindi Nihari /Pakistan Recipes/Sidedish for plain rice and rotti/Chappathi and naan
பெரிய அலுமினியம் கண் வடிகட்டி எடுத்துக்க்கொள்ளுங்கள்.மீனை ஒரு சட்டியில் தண்ணீரில் போட்டு லேசாக அரிசி களைவது போல் கலந்து வடுகட்டியில் போடவும். சிங்கில் டேபுக்கு நேரக வடிகட்டியை பிடித்து கொண்டு இரண்டு மூன்று தடவை கையால் உலசி கழுவவும். இப்போது அழுக்கு மண் எல்லாம் போய் சுத்தமாகி விடும். மீனி தலையை கிள்ளி அப்படியே வயிற்று பகுதியில் கட்டை விறலால் கீறி தலையோடு சேர்த்து முள்ளை மீனிலிருந்து பிரித்தெடுக்கவும். அதே மாதிரி எல்லா மீனையும் செய்யவும். இப்போது மீனில் சுத்தமாக முள் இருக்காது மீண்டும் ஒரு முறை கழுவி தண்ணீர் இல்லாமல் வடித்து வைக்கவும். இப்போது போன்லெஸ் நெத்திலி மீன் ரெடி அப்பரம் என்ன குழம்பு வைத்து சாப்பிடவேண்டது தான். பிள்ளைகளுக்கும் அப்படியே பிசைந்து ஊட்டி விடலாம். இதே கிளங்கா மீனிலும் எடுக்கலாம்.
https://www.facebook.com/pages/Chennai-Plaza/156896191130975
https://www.facebook.com/Samaiyalattakaasam
http://www.chennaiplazaki.com/
இது முக நூல் மற்றும் அறுசுவை தோழி தளிகாவின் பாரம்பரிய மீன் குழம்பு. இதில் குடம்புளி சேர்ப்பதும், தேங்காய் எண்ணை சேர்ப்பதும் தான் இந்த ரெசிபியின் சிறப்பே. புளிக்கு பதில் குடம்புளியை கேரள மக்கள் பயன் படுத்துவார்கள்.
தேவையான பொருட்கள் மீன் - 1/2 கிலொ தேங்காய் எண்ணை - 2 ஸ்பூன் வெந்தயம் - 1/4 ஸ்பூன் இஞ்சி துருவல் அல்லது இடித்தது - 1 ஸ்பூன் சின்ன வெங்காயம் - 12 நறுக்கியது பச்சை மிளகாய் - 2 தக்காளி - 1 குடம்புளி ஊறவைத்தது - 2 மிளகாய் தூள் - 1.5 ஸ்பூன் மஞ்சள் தூள் - 1/4 ஸ்பூன் தேங்காய் அல்லது தேங்காய் பால் - 1 - 1.5 கப் தேங்காய் அரைத்தது உப்பு - தேவைக்கு கறிவேப்பிலை - சிறிது
( மீனை கழுவும் போது மஞ்சள் தூள் , அல்லது வினிகர் சேர்த்து கழுவி தண்ணீரை வடித்து கொள்ளுங்கள்,
செய்முறை
முதலில் தேங்காய் எண்ணை காயவைத்து வெந்தயம் சேர்த்து சிவந்ததும் இஞ்சி சேர்த்து பிறகு வெங்காயம்,ப்ச்சை மிள்காய் சேர்த்து சிவக்க வறுத்து அதில் தக்காளி சேர்த்து மேலும் 3 நிமிடம் வதக்கி மஞ்சள்,மிளகாய் தூள் சேர்த்து 30 செகன்ட் வதக்கியதும் தேங்காய் அரைத்த விழுது சேர்த்து தேவைக்கு தண்ணீரும் உப்பும் சேர்த்து கொதி வந்ததும் மீனை சேர்க்கணும்..பிறகு மூடி போட்டு தீயை குறைத்து ஐந்தே நிமிடம் தான் கடைசியாக தீயை அணைத்து விட்டு கறிவேப்பிலை கொஞ்சம் அதிகமா சேர்க்கணும். இது சுலபமான ட்ரெடீஷனல் கேரளா குழம்பு.சுவை அருமையா இருக்கும்..காலை நேரமா செய்து வெச்சுட்டா மதியத்துக்குள் புளி இறங்கிடும் பின் புளியை தூக்கி போட்டுடலாம்.
ஹைதராபாத் தம் பிரியாணி என்றாலே அனைவருக்கும் நாவில் நீர் ஊறும் அதிக மசாலா இல்லாத தக்காளி சேர்க்காமல் 40, 45 நிமிடங்கள் வரை தம்மில் குறைந்த தீயில் வேக வைப்பது. பப்பாளிகாய் சேர்ப்பதால் மட்டன் சீக்கிரம் வேகும்.
தேவையான பொருட்கள்
-- மட்டனுடன் ஊறவைக்க
மட்டன் எலும்புடன் 600 கிராம்
தயிர் 200 கிராம்
சிவப்பு மிளகாய் தூள் 2 தேக்கரண்டி
கரம் மசாலா பவுடர் 1 தேக்கரண்டி
மஞ்சள் தூள் 1/4 தேக்க்ரண்டி
வறுத்த வெங்காயம் 100 கிராம்(Fried Onion)
இஞ்சி பூண்டு விழுது 50 கிராம்
முந்திரி ( அரைத்தது) 50 கிராம்
பப்பாளி காய் அரைத்தது 25 கிராம்
எண்ணை 4 மேசைகரண்டி
சாதம் வேக வைக்க
தண்ணீர் ஓன்னறை லிட்டர்
தரமான பாசுமதி அரிசி 500 கிராம்
பட்டை , லவஙகம் , ஏலம் சிறிது
கருப்பு சீரகம் ( ஷாஹீரா)
கொத்துமல்லி தழை ஒரு கட்டு
புதினா ஒரு கட்டு
பொடியாக அரிந்த பச்சை மிளகாய்
குங்குமபூ ஒரு பின்ச் 5 மேசைகரண்டி சூடான பாலில் ஊறவைத்தது
எலுமிச்சை சாறு இரண்டு தேக்கரண்டி
சப்பாத்தி மாவு 100 கிராம்
அவித்த முட்டை 2 (4 ஆக கீறியது)
செய்முறை
முதலில் வறுத்த வெங்காயம் தயார் செய்து வைத்து கொள்ளவும்,
வெறும் தவ்வாவில் கொஞ்சமாம எண்ணை விட்டு வெங்காயத்தை வறுத்து வைத்துகொள்ளவும்.
மட்டனை சுத்தம் செய்து வைக்கவும்.
ஒரு வாயகன்ற பாத்திரத்தில் மட்டன், தயிர், மஞ்சள் தூள், சிவப்பு மிளகாய் தூள், உப்பு, கரம்மசலா, வறுத்த வெங்காயம், இஞ்சி பூண்டு விழுது, அரைத்த பப்பாளி விழுது, அரைத்த முந்திரி விழுது எல்லாவற்றையும் சேர்த்து 3 மணி நேரம் ஊறவைக்கவும்.
ஒரு வாயகன்ற பாத்திரத்தில் தண்ணீரை கொதிக்கவிட்டு அதில் எண்ணை + உப்பு சேர்த்து , அரிசியை களைந்து சேர்த்து பட்டை லவங்கம் ஏலம், ஷாஜீரா, சிறிது கொத்து மல்லி புதினா சேர்த்து அரை வேக்காடாக வடித்து வைக்கவும்.வடித்த சாதத்தை முன்று பாகங்களாக பிரிககவும்
.
ஊறவைத்த மட்டனை இரண்டு அல்லது முன்று பாகமாக பிரித்து வைக்கவும்
அடிகனமான பாத்திரத்தில் முதலில் ஊறவைத்த மட்டன் கலவை, அடுத்து முக்கால் பாகம் வேகவைத்த அரிசி , அடுத்து வறுத்த வெங்காயம் அடுத்து கொத்துமல்லி, புதினா தழை போட்டு சமப்படுத்தவும்.
(இதே போல் மீதி உள்ள அரிசி மற்றும் மட்டன், மற்ற பொருட்களையும் அதே போல் லேயராக வைத்து சமப்படுத்தவும்). ( நான் இதில் இரண்டு லேயர்கள் மட்டும் போட்டுள்ளேன்.
மேலும் அடுத்த பகுதி அரிசியை சேர்த்து சமப்படுத்தி அதன் மேல் கொஞ்சம் ஊறவைத்த மட்டனை வைக்கவும், அதன் மேல் சிறிது சாப்ரான் பால், கொத்துமல்லி புதினா தழை, அரிந்த பச்சை மிளகாய், வறுத்த வெங்காயம் அனைத்தையும் தூவவும்..
சப்பாத்தி மாவை கயிறு போல் திரித்து பாத்திரத்தின் விளிம்பின் வாய் பகுதியில் சுற்றிலும் ஒட்டவும். பாத்திரத்தை மூடி 30 நிமிடம் சிறு தீயில் தம் போடவும்.
அரை மணி நேரம் தம்மில் விடவும். பிறகு தம் போடும் கருவியை கேஸ் அடுப்பின் மேல் சட்டிக்கு கீழ் வைத்து சிம்மில் 20 நிமிடம் வைக்கவும்.
சப்பாத்தி மாவு இல்லாமலும் தம் போடலாம். பிரியாணி சட்டி நன்கு இறுகலாக முடி இருக்கனும் அவ்வளவுதான்.
தம் போடுவதை முன்று முறைகளாக செய்யலாம்.
1. அடிகணமான தவ்வாவை அடுப்பின் மேல் வைத்து பிரியாணி சட்டியை ஏற்றி கணமான ஈரடவலை வைத்துமேலே மூடி போட்டு சூடானா கஞ்சி அல்லது, நெருப்பு கங்குகள் வைத்து தம் போடலாம்.
2. அடிகணமான தவ்வாவை அடுப்பின் மேல் வைத்து பிரியாணி சட்டியை ஏற்றி பாயில் பேப்பரை போட்டு மூடி போட்டு அதன்மேல் சூடானா கஞ்சி வைத்து தம் போடலாம்.
3. அடிகணமான தவ்வாவை அடுப்பின் மேல் வைத்து பிரியாணி சட்டியை ஏற்றி மூடி போட்டு மூடிக்கு பேப்பர் கிளிப் கள் பொருத்தி அதன் மேல் வடித்த சூடான கஞ்சியை ஏற்றி தம் போடலாம்.
சும்மா சும்மா இடையில் திறந்து கிளற கூடாது.
தம் போட்டு முடிந்ததும் எடுத்து லேசாக கிளறி விட்டு பரிமாறும் தட்டில் வைத்து சிறிது வறுத்த வெங்காயம், அவித்த முட்டை , கொத்துமல்லி தழை அல்லது புதினா தழை வைத்து அலங்கரித்து பரிமாறவும்.
மிக சுலபமாக செய்யகூடிய பிரியாணி. மட்டன் ஊறவைக்கனும், சோறு வடித்து தட்டனும் ,தம் போடனும் , அவ்வளவு தான் கொஞ்சம் நிதானம் + பக்குவம் வேண்டும், இதில் தக்காளி சேர்க்க தேவையில்லை. சுவையான தம் பிரியாணி ரெடி.
ஊருக்கு போகிறேன், பிறகு சந்திப்போம். இங்கு ஒரு நாளைக்கு 1300 பேர் என் தளத்தை பார்வையிடுகிறீர்கள்,. இங்கு கமென்ட் பண்ண சோம்பல் படுபவர்கள்
என் முக நூல் பேஜில் கருத்து தெரிவிக்கலாமே? என் குறீப்பு மூலம் பயனடைந்தவர்கள் எனக்கு மெயில் செய்தமைக்கு மிக்க நன்றி + சந்தோஷம்
அப்படியே சென்னை ப்ளாசா இங்கு புது மாடல் , ஷால் கள் நிறைய இருக்கு தேவைபடுபவர்கள் அதில் கொடுத்துள்ள நம்பர்களுக்கு தொடர்பு கொள்ளுங்கள்.
இது வரை கேட்ட வர்களுக்கு எல்லாம் அவரவர் விருப்பப்ப்படி அனுப்பி வைத்துள்ளேன் எல்லாருக்கும் மிக திருப்தி,. அது போல் இதைபார்வையிடுபவர்கள் மற்றும் உங்கள் சொந்தங்களுக்கு எங்க கடையை அறிமுகப்படுத்தி வையுங்கள்
//இந்த பதிவ படிக்கும் ரங்கமணிகளே உங்கள் தங்கமணிகளுக்கு கண்டிப்பாக இந்த டிப்ஸை சொல்லலுங்கள்.// எல்லா பெண்களும் வெளியில்...
About Me
Jaleela Kamal
சமையலில் 30 வருடத்துக்கும் மேல் அனுபவம் உண்டு.
தையற்கலையலும் சின்ன வயதிலிருந்தே ஆர்வம். எனக்கு தெரிந்த சமையல், அனுபவ டிப்ஸ்கள், பாட்டி வைத்தியம், துஆக்கள், குழந்தை வளர்பு தையற்கலைகளை எல்லோருடனும் இந்த பிளாக்கின் மூலம் பகிர்ந்து கொள்கிறேன்.
https://www.facebook.com/pages/Chennai-Plaza/156896191130975
https://www.facebook.com/Samaiyalattakaasam
http://www.chennaiplazaki.com/
