இறாலில் கூட்டு மற்றும் சால்னா பிரியாணி செய்து அலுத்து போனால் இது போல் மஞ் சூரியன் கிரேவி போல் செய்தால் இரவு வேளை சாப்பாத்தி , ரொட்டி நாண் வகைகளுக்கு பொருத்தமாக இருக்கும்.
ஹோட்டலில் போனால் பெருமபாலும் அநேகமாக அனைவரும் ஆர்டர் செய்வது சிக்கன் ம்ஞ்சூரியன் வெஜ் பிரியர்கள் காலிப்ளவர் மஞ்சூரியன் தான், அதே நாம வீட்டிலேயே எளிமையாக தயாரித்து விடலாம்.
பரிமாறும் அளவு : 3 Persons
பிரான் மஞ்சூரியன் கிரேவி
பிரான் (பெரியது) – கால் கிலோ
கிரேவிக்கு
எண்ணை + பட்டர் – இரண்டு மேசை கரண்டி
வெங்காயம் – ஒன்று
பூண்டு – நான்கு பல்
வெங்காய தாள் – இரண்டு ஸ்ரிக்
சோயா சாஸ் – முன்று குழி கரண்டி
கெட்சப் – இரண்டு மேசை கரண்டி
சர்க்கரை – அரை தேக்கரண்டி
உப்பு – தேவைக்கு
மிளகாய் தூள் – அரை தேக்க்ரண்டி
கார்ன் மாவு – ஒரு மேசை கரண்டி
பிரான் பொரிக்க
மிளகாய் தூள் – அரை தேக்கரண்டி (அ) வெள்ளைமிளகு தூள்)
உப்பு – சிறிது
மைதா – ஒரு குழிகரண்டி
கார்ன் மாவு – ஒரு மேசை கரண்டி
முட்டை – ஒன்றில் பாதி
செய்முறை
1. பிரானை சுத்தம் செய்து அதில் பொரிக்க கொடுத்துள்ள பொருட்களை சேர்த்து 5 நிமிடம் ஊறவைக்கவும்
2. ஊறிய பிரானை எண்ணையில் பொரித்து எடுத்து தனியாக வைக்கவும்.
3. எண்ணை + பட்டரை காயவைத்து வெங்காயம், பூண்டு , ஸ்ப்ரிங் ஆனியனை போட்டு வதக்கவும்.
4. அதில் சோயா சாஸ், கெட்சப், உப்பு, மிளகாய் தூள் ,சர்க்கரை சேர்த்து கொதிக்க விடவும்.
5. கடைசியாக கார்ன் மாவை முக்கால் டம்ளர் தண்ணீரில் கரைத்து ஊற்றி கொதிக்க் விடவும்
6. பொரித்து வைத்த பிரானை சேர்த்து மீண்டு கொதிக்கவிட்டு இரக்கவும்.
7. சுவையான பிரான் மஞ்சூரியன் கிரேவி ரெடி
8. பரோட்டா, சப்பாத்தி, தந்தூரி ரொட்டி , பிரைட் ரைஸுக்கு ஏற்ற சைட் டிஷ் ஆகும்.
இந்த குறிப்பு இரண்டு வருடம் முன்பே தமிழ்குடும்பம் டாட் காமில் பகிர்ந்த குறிப்பு தான்.
| Tweet | ||||||
