மசால் தோசை - masala dosai

தோசைக்கு

பச்சரிசி - 2 1/2 கப்
புழுங்கல் அரிசி - 1 1/2 கப்
வெந்தயம் - ஒரு தேக்கரண்டி
சோறு - ஒரு கை பிடி
உளுந்து - ஒரு கப்

செய்முறை

உளுந்தில் வெந்தயம் சேர்த்து ஊறவைக்கவும், இரண்டு வகை அரிசிகளையும் ஒன்றாக கலந்து 3 மணி நேரம் ஊறவைக்கவும்.
முதலில் அரிசியையும், அடுத்து உளுந்தில் சோறு சேர்த்து அரைத்து இரண்டையும் ஒன்றாக கலந்து புளிக்க விடவும்.

பில்லிங் மசாலாவிற்கு
உருளை கால் கிலோ ( வேகவைத்து உதிர்த்து கொள்ளவும்)
தாளிக்க
எண்ணை - ஒரு மேசைகரண்டி
கடுகு - அரை தேக்கரண்டி
சீரகம் - அரைதேக்கரண்டி
உளுத்தம் பருப்பு - அரை தேக்கரண்டி
கடலை பருப்பு - அரை தேக்கரண்டி
முந்திரி - 4 ( பொடியாக அரிந்தது
கருவேப்பிலை - 15 இலைகள் இரண்டாக கிள்ளியது
பூண்டு - ஒரு பல் (பொடியாக அரிந்தது))
வெங்காயம் - முன்று
தக்காளி - ஒன்று
மிளகாய் தூள் - அரை தேக்கரண்டி (5 கிராம்)
பச்ச மிளகாய் - ஒன்று
உப்பு -தேவைக்கு
மஞ்சள் தூள் - கால் தேக்கரண்டி
கொத்துமல்லி தழை - சிறிது
நெய் + எண்ணை - தேவைக்கு
செய்முறை
தாளிக்க கொடுத்துள்ளவைகளை ஒன்றன் பின் ஒன்றாக சேர்த்து தாளித்து, வெங்காயம் , தக்காளி, பச்சமிளகாய், சேர்த்து நன்கு கிளறி மிளகாய் தூள், உப்பு, மஞ்சள் தூள் சேர்த்து சிறிது ஒரு சேர கிளறி ஐந்து நிமிடம் மசிய விட்டு , வேகவைத்து உதிர்த்து வைத்துள்ள உருளையை சேர்த்து நன்கு கிளறி ஒரு கை பிடி அளவு தண்ணீர் தெளித்து, மீண்டும் சிம்மில் வைத்து , கடைசியாக கொத்து மல்லி தழை தூவி இரக்கவும்.





தோசை தவ்வாவை காய வைத்து அதில் சிறிது எண்ணை விட்டு வெங்காயத்தை பாதியாக அரிந்து தவ்வா முழுவதும் தேய்க்கவும். (அப்ப தோசை நீங்க நினைப்பது போல் உங்கள் சொல் பேச்சு கேட்கும்.)

மெல்லிய தோசைகளாக பரவலாக ஊற்றி தீயின் தனலை சிம்மில் வைத்து சுற்றிலும் நெய் கலந்த எண்ணையை ஊற்றவும்.
இரண்டு நிமிடத்தில் சிவந்து வருவது தெரியும், அப்போது மசாலா கலவையை இரண்டு மேசை கரண்டி அளவு எடுத்து தோசையின் அரைபாகம் மட்டும் பரவலாக தடவவும்.
இப்போது உங்களுக்கு வேண்டிய வடிவில் மடித்து எடுக்கவும்.
சுவையான சூப்பரான மசால் தோசை ரெடி






இதே போல் காளி பிளவர், கீமா,கீரை சிக்கன் வெஜ் டேபுள் தோசை என்றும் பல விதமாக சுடலாம்.
ஹோட்டலில் வைப்பது போல் மசாலா வை அள்ளி வைத்தால் சாப்பிட தோசையே கிடைக்காது வெரும் உருளையைதான் அள்ளி சாப்பிடனும், அங்கு நிறைய வேஸ்டும் ஆகும்,
இதில் சொல்லிய படி சிறிது கம்மியாக வைத்தால் , தோசையுடன் சேர்த்து சாப்பிட அருமையாக இருக்கும்.கூட சாம்பார் , சட்னி, உளுந்துவடை இருந்தால் ஒரு பிடிதான்.

		Tweet