தேங்காய் பால் சீரக கஞ்சி – நோன்பு கால சமையல்

 தேங்காய் பால் சீரக கஞ்சி – நோன்பு கால சமையல்

இஸ்லாமிய இல்லங்களில் ரமலான் மாதம் 30 நாட்கள் நோன்பில் தினம் மாலை நோன்பு திறக்க செய்யும் பல வகை கஞ்சி (சூப்) வகைகளில் இது சிம்பிளான அதே நேரத்தில் அதிக மருத்துவகுணமுள்ள கஞ்சியாகும்.

குக்கரில் வேகவைக்க

உடைத்த அரிசி – 100 கிராம்

சீரகம் – 2 தேக்க்கரண்டி

மிளகு – 1 தேக்கரண்டி

பூண்டு – 8 பல்

உப்பு – தேவைக்கு

தாளிக்க

எண்ணை + நெய் – 1 மேசை கரண்டி

பட்டை -  ½ இன்ச் சைஸ் ஒன்று

பொடியாக அரிந்த வெங்காயம் – 2 மேசைகரண்டி

இஞ்சி பூண்டு பேஸ்ட்  - ½ தேக்கரண்டி

பொடியாக அரிந்த கொத்துமல்லி தழை – 1 மேசைகரண்டி

கட்டி தேங்காய் பால் – 200 மில்லி

செய்முறை

அரிசியை களைந்து அதில் பூண்டு, மிளகு சீரகம், உப்பு சேர்த்து 4 டம்ளர் தண்ணீர் (800 மில்லி) ஊற்றி குக்கரில் மிதமான தீயில் 4 விசில் வைத்து இரக்கவும்.

தாளிக்க கொடுத்துள்ளவைகளை தாளித்து தேங்காய் பால் மற்றும் வெந்த கஞ்சியை கட்டியில்லாமல் மசித்து சேர்த்து தேவைக்கு சிறிது தண்ணீர் விட்டு கொதிக்க விட்டு இரக்கவும்

கொத்துமல்லிதழை தூவி அலங்கரிக்கவும்.

பொட்டுகடலை துவையல் , பகோடாவுடன் சாப்பிட அருமையாக இருக்கும்.

டிப்ஸ்:

நோன்புகாலங்களில் செய்யகூடிய அருமையான கஞ்சி. வாய் புண் வயிற்று, அல்சருக்கு ஏற்ற இதமான கஞ்சி.கர்பிணி பெண்களுக்கு  சுகப்பிரசவம் ஆக இந்த கஞ்சியை கொடுத்தால் வாயு தொல்லை அகன்று சுகப்பிரசம் ஆகும்.பிரசவத்துக்கு பிறகும் இந்த கஞ்சியை குடித்தால் வயிற்றில் உள்ள் கேஸ் பிரப்ளம் குறையும். (பூண்டின் அளவை சற்று கூட்டி கொள்ளலாம்) குழந்தைகளுக்கும் ஆறு மாத்த்தில் இருந்து இந்த கஞ்சியை கொடுக்க்லாம்.

மட்டன் கீமா கஞ்சி

டயட் கஞ்சி

டிஸ்கி: இந்த பிலாக்கில் போடுவது அனைத்தும் என் சொந்த ஆக்கம், ஆளாளாக்கு அவங்க வெப் சைட்டில் போட்டு கொள்கீறார்கள். அடுத்தவங்க உழைப்ப திருடுறீஙக்ளே உங்களுக்கு எவ்வளவு சொன்னாலும் சொரனை இல்லையா? கேட்டா அவன் திருடுன்னா அங்கிருந்து நான் திருடுன்னேன்னு சொல்கீறார்கள். கொஞ்ச்மாவது மனிதாபிமானத்தோடு நடந்து கொள்ளுங்கள்.

Tag: Coconut Milk Porriadge, Coconut Rice Soup,Cumin Coconut Soup, Indian  Spice less Soup, Ifthar Soup, 
இஸ்லாமிய இல்ல சமையல், நோன்புகால சமையல். கஞ்சி வகைகள்

		Tweet