ஓட்ஸ் பாப்கார்ன் தந்தூரி சிக்கன் ப்ரை

ஓட்ஸ் பாப்கார்ன் தந்தூரி சிக்கன் ப்ரை

 தேவையானவை

எலும்பில்லாத சிக்கன் – 200 கிராம்

ஊறவைக்க

மிளகாய் தூள்  - ¾ தேக்கரண்டி

ஷான் தந்தூரி – ¾ தேக்கரண்டி

இஞ்சி பூண்டு பேஸ்ட் – ¾ தேக்கரண்டி

லெமன் ஜூஸ் – 1 தேக்கரண்டி

உப்பு – ½ தேக்கரண்டி

உருக்கிய வெண்ணை – 1 தேக்கரண்டி

சிக்கனுடன் கலந்து கொள்ள

முட்டை வெள்ளை கரு – 1

சிக்கன் கோட்டிங்கிற்கு

ஓட்ஸ்  - 1  மேசைகரண்டி

கார்ன் ப்ளார் மாவு – 2 மேசைகரண்டி

ப்ரட் க்ரம்ஸ் – 1 மேசைகரண்டி

எண்ணை + பட்டர் – பொரிக்க் தேவையான அளவு

செய்முறை

சிக்கனை சுத்தம் செய்து சிறிய துண்டுகளாக வெட்டிகொள்ளவும்.

ஊறவைக்க கொடுத்துள்ள பொருட்களை சேர்த்து பிரட்டி 10 நிமிடம் ஊறவைக்கவும்.

வெள்ளை கருவை நன்கு நுரை பொங்க அடித்து ஊறவைத்த சிக்கனுடன் சேர்த்து மேலும் அரைமணி நேரம் ஊறவைக்கவும்.

ஓட்ஸ், ப்ரட் கிரம்ஸ், கார்ன் மாவை ஒன்றாக கலந்து ஊறிய சிக்கனை ஒவ்வொன்றாக எடுத்து பிறட்டி பிரிட்ஜில் ஒரு மணி நேரம் வைக்கவும்.

ஒரு வாயகன்ற வானலியில் எண்ணையை சூடாக்கி  தீயின் தனலை மீடியமாக வைத்து எல்லா பாப்கார்ன் சிக்கனையும் சிவற பொரித்து எண்ணையை வடித்து எடுக்கவும்.இது போல அழகாக குட்டியாக பாப்கார்ன் சைஸுக்கு சிக்கனை கிரிஸ்பியாக பொரித்து வைத்தால் குழந்தைகளுக்கு கொண்டாட்டம் தான்.

குக்கும்பர் சாலடுடன் பார்டியில் குழந்தைகளுக்கு வைக்கலாம்.

இதை பாயிஜாவின் பார்டி ஈவண்டுக்காக அனுப்புகிறேன்.

ஈசி  பாப்கார்ன் சிக்கன் ப்ரை 

		Tweet