ஆத்தூர் மிளகு கறி - Aathur Pepper Mutton

மிக அருமையான சளி மருந்து. தொண்டை கரகரப்பு சளி இருமல் இருக்கும் போது இந்த மிளகு கறி செய்து சாப்பிடலாம்.காரம் அதிகம் விரும்புவர்கள் இன்னும் கொஞ்சம் கூட்டி கொள்ளலாம்.

குளிருக்கு இதமான மிளகு கறி. இந்த சுவை சொல்ல வார்த்தைகள் இல்லை.அத்தனை மணமாக இருக்கும்.

தேவையான பொருட்கள்

ஆத்தூர் மிளகு கறி
மட்டன் - அரை கிலோ
வெங்காயம் - ஒன்று
தக்காளி - இரண்டு
மஞ்சள் தூள் - அரைதேக்கரண்டி
உப்பு - தேவைக்கு

அரைக்க
**********
மிளகு ஒரு - மேசை கரண்டி
சீரகம் - ஒரு தேக்கரண்டி
சோம்பு - அரை தேக்கரண்டி
காஞ்ச மிளகாய் - இரண்டு
முழு தனியா - ஒரு தேக்கராண்டி
பட்டை - ஒரு அங்குல
கிராம்பு - முன்று
ஏலம் - ஒன்று
தேங்காய் - ஒரு பத்தை
முந்திரி - ஐந்து
இஞ்சி - ஒரு சிறிய துண்டு
முன்று ஐந்து பற்கள்

தாளிக்க
********
எண்ணை
எண்ணை - மூன்று மேசை கரண்டி
சின்ன வெங்காயம் - ஐந்து
இஞ்சி பூண்டு பேஸ்ட் - அரை தேக்கரண்டி
கருவேப்பிலை - பத்து இதழ்
கொத்து மல்லி தழை - சிறிது (கடைசியில் மேலே தூவ)

செய்முறை

மட்டனை சுத்தம் செய்து கழுவி தண்ணீரை வடித்து அதில் அதை மஞ்சள் தூள், உப்பு தூள்,வெங்காயம், தக்காளி பொடியா அரிந்து போட்டு நன்கு பிசைந்து வைக்கவும்.

அரைக்க கொடுத்துள்ளவைகளை முதலில் தண்ணீர் ஊற்றாமல் திரித்து பிறகு சிறிது தண்ணீர் சேர்த்து நன்கு மையாக அரைத்து மட்டனில் சேர்க்கவும்.

கலந்து வைத்த மட்டன் கலவையை பத்து நிமிடம் ஊறவைக்கவும்.

தாளிக்க கொடுத்துள்ளவைகளை தாளித்து ஊறிய மட்டன் கலவையை சேர்த்து நன்கு பிரட்டி தியை ஐந்து நிமிடம் சிம்மில் வைக்கவும்.

பிறகு குக்கரிலோ அல்லது வெளியிலோ நன்கு வேகவிட்டு கொத்துமல்லி தழை தூவி இரக்கவும்.

குறிப்பு:இதற்கு பிளெயின் சாதம், கட்டி பருப்பு, தோசை, ரொட்டி,ஆப்பம் போன்றவற்றிற்கு அருமையான சைட் டிஷ் ஆகும்.

		Tweet