சேனைகிழங்கு வடை - Yam Tikki - சேனையா?? கருனையா??

(சேனை ) இதை நான் கருனை கிழங்கு என்று தான் சொல்வேன், இதற்ககா கருனையா? சேனையா ? 

முன்பு அருசுவையில் ஒரு ஆர்கியுமெண்டே நடந்தது 

ஆங்கிலத்தில் Elephant foot,  என் பையன் கிட்ட அவன் சின்ன வயதில் சொல்லும் போது அப்ப தான் கே.ஜி 1. என்ன mummy  elephant foot fry aaa என்பான்.

 பைல்ஸ் பிராப்ளம் உள்ளவர்கள் இந்த சேனைகிழங்கை உணவில் அடிக்கடி சேர்த்து கொள்வது  மிகவும் நல்லது.

இதை மட்டனுடன் சேர்த்து குருமா வைத்தால் சுவை அபாரமாக இருக்கும்.அதே போல் தால்சாவிலும் சேர்ர்த்து செய்வோம்.மோர்குழம்பு, தயிர்சாதம்  ரசம் மோர் சாதத்துக்கு உருளை வறுவல் போல் கருனை கிழங்கு வறுவல் தான் எனக்கு ரொம்ப பிடிக்கும் .வெஜ் குருமாவில் கூட நான் சிறிது கருனை கிழங்கு சேர்த்து தான் செய்வேன். புளிகுழம்புக்கு இந்த கருனை கிழங்கை சேர்த்தால் சுவை அபாராமாக இருக்கும்.

பிங்கர் சிப்ஸ் கூட உருளைக்கு பதில் கருனையில் சேர்த்தால் நல்ல கிரிஸ்பி கிடைக்கும்.

உருளை சிப்ஸ் போல கருனை கிழங்கு சிப்ஸ்  முன்பு அடிக்கடி செய்வேன், சூப்பராக மொரு மொருப்பு குறையாமல் இருக்கும்.

கருனை கிழங்கு சிப்ஸ் முன்பு பள்ளி சென்று வரும் வழியில், பேங்க் வாசலில் தள்ளு வண்டியில் சுட சுட சுட்டு விற்பார்கள், பார்தால் ஒரு பொட்டலம் வாங்காம வரமாட்டேன். அதிலிருந்து இந்த சிப்ஸ் மேல் அபார பிரியம் .

 அடுத்த குறிப்பில் போடுகிறேன்.

தேவையானவை  

கருனை கிழங்கு - கால் கிலோ

பச்சமிளகாய் - ஒன்று

கரம் மசாலா தூள் - அரை தேக்கரண்டி

உப்பு - முக்கால் தேக்கரண்டி(தேவைக்கு)

வெங்காயம் - ஒன்று (பொடியாக அரிந்தது)

தேங்காய் துருவல் - ஒரு மேசை கரண்டி

கொத்துமல்லி தழை - சிறிது

மிளகாய் தூள் - கால் தேக்கரண்டி

சோம்பு தூள் - அரை தேக்கரண்டி

இஞ்சி துருவல் - கால் தேக்கரண்டி

மைதா,சோளமாவு, அரிசி மாவு - ஒரு மேசை கரண்டி

பொட்டு கடலை மாவு - ஒரு மேசை கரண்டி

எண்ணை - பொரிக்க தேவையான அளவு

செய்முறை கருனை கிழங்கை தோலெடுத்து மண்ணிலாமல் கழுவி பெரிய துண்டுகளாக நருக்கி கால் தேக்கரண்டி உப்பு போட்டு வேகவைத்து ஆறியது தண்னீரை வடித்து மசித்து கொள்ள வேண்டும். சோம்பு,பச்சமிளகாய், தேங்காய் துருவல் கொத்துமல்லி கீரையை அரைத்து கொள்ளவேன்டும். மசித்த கிழஙகில் உப்பு, மிளகாய் தூள், கரம் மசாலா தூள்,அரைத்த விழுது,வெங்காயம், மைதா, சோள,அரிசி, பொட்டு கடலை மாவுகள் அனைத்தையும் போட்டு பிசைந்து பத்து நிமிடம் ஊறவைக்கவும். தோசை தவ்வாவில் எண்ணையை ஊற்றி வடைகளாக தட்டி பொரித்து எடுக்கவும்.

		Tweet