அமீரக பன்னாட்டு இஸ்லாமிய இலக்கிய விழா, புத்தக வெளியிட்டு விழா

அமீரக பண்ணாட்டு இஸ்லாமிய கழகம் நடத்திய இலக்கிய விழா மற்றும் நடந்து முடிந்த இஸ்லாமிய இலக்கியத்தைப் பற்றிய கட்டுரை போட்டிக்கான பரிசளிப்பு விழா, கொழும்பு தமிழ்சங்க தலைவர் திரு.ஜின்னா சர்புதீன் அவர்களின் “தீரன் திப்பு சுல்தான் காவியம்” மற்றும் நம் (என் அன்பு வலை உலக ) தோழி”நீரோடை மலிக்காவின் உணர்வுகளின் ஓசை “ புத்தக வெளியீடு மற்றும் கீழை சீனா தானா அவர்களின் “நான் விரும்பும் துரு குர் ஆன்” விளக்கமும் நீதியும் கேசட் வெளியீட்டு விழா நேற்று நடந்தது.

நுழைந்ததும் எங்க ஆபிஸ் பேனர், ஒரே சந்தோஷம் தான்

மலிக்கா கண்டிப்பாக வரனும் என்று முதலே மெயில் மூலமாகவும், போனிலும் சொன்னார்கள்,இது வரை எந்த மன்றத்துக்கோ , சங்கத்துக்கோ நான் சென்றதில்லை, காரணம் நானும் பெரிய ஆணி சின்ன ஆணியெல்லாம் பிடிங்கி கொண்டுதான் இருக்கேன். பிள்ளைகள் படிப்பு, விருந்தினர் வருகை வெள்ளி ஒரு நாள் தான் எனக்கு விடுமுறை அதிலும் வெளியில் செல்ல அவ்வளவாக விரும்புவதில்லை.

கடைசியில் யாருடன் போவது எல்லாம் நம் தோழிகள் எல்லாம் வருகிறார்களா என்று கேட்டேன் ஹுஸைனாம்மா வருவாஙக் இன்னும் சில தோழிகள் என்றார்கள்,  அப்சாரா இல்லம் என்னும் வலை பூவை எழுதும் தோழி தான் என்னையும் மலிக்காவையும் எப்படியாவது சந்திக்கனும் என்று விரும்பினார்கள் , உடனே அப்சாராவிற்கு போன் செய்து வரும் படி சொன்னேன் அவர்களுக்கு மிகவும் ஆசையாக இருந்தாலும், பையனுக்கு மறுநாள் தேர்வு இருக்கு அதுக்கு அவனை ரெடி பண்ணனும் , வேண்டுமானால் 10 நிமிடம் வந்து உங்கள் இருவரையும் பார்த்து விட்டு செல்கீறேன் என்றார்கள், சரி , மதியம் சாப்பாட்டு வேலை முடிந்தது,

 ஆசியா உடைய பரங்கி பேட்டை பிரியாணி, என் கிரிஸ்பி சிக்கன் பிரை, தயிர் பச்சடி செய்து சாப்பிட்டாச்சு.அப்படியே மலிக்காவுக்கு ஒரு பார்சல் எடுத்து கொண்டேன்.

அடுத்து கிளம்பலாம் என்று இருந்தால் தீடீர் விருந்தாளியாக ஊரிலிருந்து வந்த என் சாச்சி சாச்சா வந்துட்டாங்க , சரி இவர்கள் தான் முக்கியம் அவர்களை கவனித்து விட்டு டீ கடை போண்டா கேசரி, இஞ்சி டீ போட்டு அவர்களுக்கு கொடுத்து வழியனுப்ப மணி 7 ஆகிவிட்டது.கடைசி நேரத்தில்அப்சாராவும் வர இயலவில்லை என்று சொல்லிவிட்டார்கள் இவரும் வர மாட்டேன் சொல்லிட்டார்,யார்கூட போவது, இவர் சொன்னார் சரி வா உன்னை வாசலியே விட்டுட்டு வரேன் , ஒகே உடனே மக்ரீப் தொழுதுட்டு கிளம்பியாச்சு அப்பாடா ,10 நிமிடத்தில் அங்கு போய் சேர்ந்தாச்சு ,மலிக்காவிற்கு போன் அடித்தேன் ஒரே சந்தோஷம், பஸ்ட் புலோருக்கு வாஙக் என்றார்கள், போய் நுழைந்ததும் எங்க ஆபிஸ் பேனர் ஓ இங்க தான் உள்ளே போனோம் பின்னாடியே வரமாட்டேன்னு சொன்ன ஹஸ்ஸும் வந்து விட்டார், அப்பாடா திரும்பி போகும் போது யாரையும் தேடதேவையில்லை..போனதும் மலிக்கா பக்கத்தில் சீட்ட போட்டு வரவேற்று உட்கார வைத்தார்கள். 

ஈடிஏ எம் டி சலாவுதின் அவர்களுக்கு பொன்னாடை போர்த்தி வரவேற்றனர்.அவரும் அருமையான முறையில் சிறப்புறை ஆற்றினார்

நிகழ்சிகள் ஒவ்வொன்றாக ஆரம்பித்தன 

,காவிய திலகம் ஜின்னா சர்புதீன் அவர்களின் தீரன் திப்பு சுல்தான் புத்தகத்தை வெளியிட்டார்கள், அடுத்து  கீழை சீனா தானா அவர்களின் “நான் விரும்பும் துரு குர் ஆன்” விளக்கமும் நீதியும் கேசட் வெளியிட்டார்கள். 

இடையில் பிஸ்கேட், சமோசா, டீ வந்தது, எல்லாம் சாப்பிட்டாச்சு, அடுத்து 9 மணிக்கு மலிக்காவின் புத்தக வெளியிடு பார்க்கவே ரொம்ப சந்தோஷமாக இருந்தது, 

இது நம் மலிக்க்காவின் புத்தகம் உடனே புரட்டி பார்த்தேன் ஆஹா தலைப்பே பிரமாதம், “உணர்வுகளின் ஓசை”  மிக அருமையான முறையில் தொகுத்து எழுதி இருகிறங்க நம் தோழி மலிக்கா.

கடைசியாக இலக்கிய போட்டி பரிசளிப்பு விழா அதை தான் பார்க்க முடியவில்லை. 

ஆண்கள் பதிவர்கள் நிறைய பேர் வந்திருப்பதாக சொன்னார்கள் யார் யார் வந்தார்கள் என்று தெரியல, மீதி போட்டோக்கள் பதிவுகள் மலிக்கா விபரமாக போடுவார்கள் பாருங்கள்.

அன்று மாலை இனிமையாக கழிந்தது, விழா முடிய 11 மணிக்கு மேல ஆகியதாம் , நான் பையன் வீட்டில் தனியாக இருப்பதால் 9.30 க்கெல்லாம் கிளம்பி விட்டேன்.

.

.

டாக்டர். ஜின்னாஹ் ஷரீபுத்தீன் துணைத் தலைவர், கொழும்புத் தமிழ்சங்கம்

டாக்டர்.சேமுமு. முகமதலி
பொதுச் செயலாளர், பன்னாட்டு இஸ்லாமிய இலக்கியக் கழகம் தலைமையகம் - சென்னை

கவிச்சித்தர்.மு.மேத்தா
கலாபூஷணம்.மானா மக்கீன் எழுத்தாளர்-இலங்கை

இசையரசி. நூர்ஜஹான் இஸ்லாமியப் பாடகி -இலங்கை

இஸ்லாமிய பாடகி இலங்கை இசை அரசி நூர்ஜஹான் அவர்களின் பாடல் காதுக்கு இனிமையாக இருந்தது.

இந்த விழாசிறப்பாக நடக்க உதவிய பன்னாட்டு இஸ்லாமிய இலக்கிய கழக உறுப்பினர்கள் அனைவருக்கும் பாராட்டக்கள். 

.

நிற்பவர்களில் இரண்டாவதாக நிற்பவர் அதிரை சர்புதீன் அவர்கள், 5 வருடம் முன் நான் வலை உலகில் குறிப்பு கொடுக்க ஆரம்பிக்கும் முன் துபாயில் வெளி வந்த தென்றல் புத்தகத்துக்கு ஏதாவது கட்டுரை எழுதி கொடுக்குமாறு கேட்ட போது எனக்கு சமையல் குறிப்பு தான் கொடுக்க தோன்றியது பூண்டு கோழியும் , பீட்ரூட் ஹல்வாவும் 2005 தென்றல் மாத இதழுக்கு எழுதி கொடுத்தேன்.

ஐந்து வருடம் முன் பார்த்தது, அதோடு இப்ப தான் அவரை பார்த்தேன், அவரால் தான் குறிப்பு கொடுக்க ஆரம்பித்தேன், பயந்து பயந்து நலல் வரனுமேன்னு ஒரு பேப்பரில் தான் எழுதி கொடுத்தேன்.இதில் என்னை பற்றி குறிப்பிடனும் நினைக்கல அங்கு அதிரை சர்புதீன் அவர்களை கண்டதால் அவருக்கு நன்றி சொல்லும் வீதம் இங்கு பகிர்ந்து கொண்டேன்.

தென்றல் இதழில் குறிப்பு கொடுக்க ஆரம்பித்த பிறகு தான் அறுசுவைடாட்காம்யில் சமையல் குறிப்பு கொடுக்க ஆரம்பித்தேன் .அதன் பிறகு தமிழ்குடும்பம்டாட்காம்,சமையலறைடாட்காம்,என் பிலாக்  சமையல் அட்டகாங்கள் அடுத்து கீழக்கரை அஞ்சல், விகடன் தீபாவளி மலர், லேடீஸ் ஸ்பெஷல் .எல்லாத்துலேயும் என் பதிவுகள். இன்னும் நிறைய பிலாக்குகள், மலேஷியா, அதிரை,இலங்கை போன்ற பிலாக்குகளிலும் என் சம்மதத்துடன் லின்க் கொடுத்து இருக்கிறார்கள். சில இடங்களில் காப்பி அடித்தும் அவர்கள் பதிவு போல் போட்டு வருகிறார்கள், என் பதிவுகள் எல்லோருக்கும் பயனளிப்பதில் மிகுந்த சந்தோஷம்.

எனக்கு முதலாவதாக ஊக்கமளித்த சர்புதீன் அவர்களுக்கு மிக்க நன்றி.

		Tweet