மேத்தி சப்பாத்தி (டயட்) - methi chappaathi

(டயட் பொடி - சுக்கு, மிளகு,வெந்தயம்,கருவேப்பிலை) எல்லாம் சேர்ந்தது ஒரு தேக்கரண்டி


///இந்த ரொட்டி பிரெஷர்,சுகர், கொலஸ்ராயில் ஹார்ட் பிராப்லம் மற்றும் டயட் செய்பவர்களுக்கு ஒரு நல்ல டிஷ் ஆகும்.
இப்போது வெளி நாடுகளில் டிரை மேத்தியே கிடைக்கிறது அதை வாங்கி கூட பயன் படுத்தி கொள்ளலாம். ///


தேவையான பொருட்கள்

ஆட்டா மாவு - ஒரு கப்
வெந்தய கீரை - ஒரு சிறிய கட்டு
வெங்காயம் - ஒன்று சிறிது
டயட் பொடி - ஒரு தேக்கரண்டி
மஞ்சள் பொடி - கால் தேக்க்ரண்டி
உப்பு - சிட்டிகை
ஆலிவ் ஆயில் - இரண்டு தேக்கரண்டி
பூண்டு - முன்று பல்
ஆலிவ் ஆயில் - சப்பாத்திக்கு

செய்முறை

வெந்த கீரையை மண்ணில்லாமல் கழுவி வைக்கவும்.

ஒரு பேனில் ஆலிவ் ஆயில் ஊற்றி அதை வெங்காயம், பூண்டு பொடியாக நருக்கி போட்டு வதக்கவும்.
வெங்காயம் பூண்டு வதங்கியதும் கீரை,மஞ்சள் பொடி,உப்பு, டயட் பொடி சேர்த்து ஆட்டா மாவில் சேர்த்து தேவை கொஞ்சமாக தண்ணீர் சேர்த்து பிசையவும்.

பிசைந்த மாவை பத்து நிமிடம் ஊறவைக்கவும்.

ஆறு உருண்டைகளாக போட்டு கொள்ளவும்.

இதை வட்ட வடிவமாகவோ (அ) அல்லது சதுர வடிவமாகவோ சுட்டெடுக்கலாம்.

(இல்லை வ‌ட்ட‌ வ‌டிவ‌மாக‌வும் சுட்டெடுக்க‌லாம்)

மடித்த ரொட்டியை சதுரவடிவமா தேய்த்து லேசாக ஆலிவ் ஆயில் விட்டு சுட்டெடுக்கவும்.
தொட்டு கொள்ள எல்லா வகையான கூட்டுகள், வெஜ்டேபுள் குருமா,மீன் குழம்பு எல்லாம் பொருந்தும்.

குறிப்பு:

இதில் நான் டிரை மேத்தி கீரை சேர்த்துள்ளேன்.
பூண்டை தனியாக மைக்ரோவேவில் ஒரு நிமிடம் வேகவைத்து எடுத்தும் சேர்க்கலாம்.

(டயட் பொடி - சுக்கு, மிளகு,வெந்தயம்,கருவேப்பிலை) எல்லாம் சேர்ந்தது ஒரு தேக்கரண்டி

டிஸ்கி: இந்த குறிப்பு: படத்துடன் காப்பி அடித்து இருக்கிறார்கள் ஆகையால் படத்தில் பெயர் போட்டுள்ளேன்
 இது 25.10.2009 நில் போட்ட்டேன், அதை அப்படியே தமிழ் சமையல் காப்பி அடித்துள்ளதால் மறுபடி படத்தில் பெயருடன் போட்டுள்ளேன்..

		Tweet