ஃப்ரவுன் அரிசி வாழைப்பழ குழிபணியாரம் - brown rice banana kuzipaniyaram

தேவையானவை

ஃப்ரவுன் அரிசி – அரை ஆழாக்கு

மைதா மாவு  - அரை ஆழாக்கு

வெல்லம் – இரண்டு அச்சு

பெரிய கனிந்த வாழைப்பழம் ஒன்று

ஏலக்காய் – 3

தேங்காய் – இரண்டு பத்தை

இட்லி சோடா – ஒரு பின்ச்

எண்ணை – சுட தேவையான அளவு

பாதம் பொடித்த்து – ஒரு தேக்கரண்டி

சுக்கு பொடி – அரை தேக்கரண்டி

உப்பு - ஒரு சிட்டிக்கை

செய்முறை

ஃப்ரவுன் அரிசியை இரண்டு மணிநேரம் ஊறவைக்கவும்.

ஊறிய அரிசியை கிரைண்டரில் அரைத்து அத்துடன் சிட்டிக்கை உப்பு,ஏலம்,மைதா சேர்த்து அரைத்து கடைசியாக வாழைபழத்தை நருக்கி சேர்த்து அரைக்கவும்.

வெல்லத்தை பொடித்து அத்துடன் சிறிதுதண்ணீர் சேர்த்து கொதிக்கவிடவும்.

மாவில் இட்லி சோடா, பொடித்த பாதம், சுக்குபொடி, தேங்காய் பொடியாக அரிந்து சேர்க்கவும்.

வெல்ல கரைசல் ஆறியதும் மாவில் வடிக்கட்டி சேர்க்கவும்

மாவை நன்கு கலக்கவும்..

குழி பணியார சட்டியை காயவைத்து லேசாக எண்ணை ஒரு துளி விட்டால் போதும். மாவை ஊற்றி தீயின் தனலை மிதமாக வைத்து முடிபோடு 2 நிமிடம் வேக விடவும்

மறுபுறம் திருப்பி போட்டு மேலும் சிறிது எண்ணைவிட்டு மூடி போட்டு 2 நிமிடம் வேகவிடவும்.

சுவையான வாழை பழ குழிபணியாரம் ரெடி

குறிப்பு

இனிப்பு குழிபணியாரங்களை பல விதமாக செய்யலாம், மைதாவிற்கு பதில் கோதுமைமாவையும் சேர்க்கலாம். அரிசி பச்சரிசியிலும் செய்யலாம். அசைவ பிரியர்கள் முட்டை சேர்த்து கொள்ளலாம். முட்டை சேர்த்தால் இன்னும் நல்ல பொங்கி வரும்.

குழந்தைகளுக்கு நெய் ஊற்றியும் சுடலாம்.வெல்லகரைசல் கட்டியாக ஒரு நாள் முன்பே செய்து பிரிட்ஜில் வைத்து ஊற்றினால் நல்ல இருக்கும்.

		Tweet