ஜாலி கார்னர் ,சாட்டர்டே போஸ்ட், என் கெஸ்ட் போஸ்ட் -துபாயில் பெண்கள் தொழுகை

வலைஉலக அன்பு தோழி சாதனை அரசிகளை வெளிகொணர்ந்த அரசிக்கு அரசி யிடம் இருந்து ஒரு மெயில்என்ன வென்றால்

தேனக்கா: //அன்பின் ஜலீலா நலம் நலமே மலர்க. மிகப் பெரும் வலைப்பதிவரான தாங்கள் என் வளர்ச்சியில் பங்கு பெற்றிருக்கிறீர்கள். அதற்கு நன்றி .

ஜலீலா : // என்ன தேனக்கா, நீங்கள் பல நாளிதழ்களில் பிரபலம், கவிதை, சமையல், பேட்டி, என்று அசத்தல், நீயா நானா வில் பேசி இருக்கீங்க, பல சாதனை அரசிகளை பேட்டி எடுத்து அதை சிறிது சளைக்காமல் அதே சூட்டோட்டு சூடான பஜ்ஜி , போண்டா போல பிளாக்கில் உடனே பகிர்ந்துகொள்கிறீர்கள்.//

( ஆறிபோன வடை போல டிசம்பர் 6ந்தேதி நீங்க போட்ட பதிவை நான் எப்ப போட்டு இருக்கேன் பாருங்கள்)  

என்னை லேடிஸ் ஸ்பெஷல் நாளிதழிலில் அறிமுக படுத்தியதே நீங்க தான் / என் வளர்சியில் உங்கள் பங்கும் உண்டு.

என்னுடைய வலைத்தளத்தில் சாட்டர்டே ஜாலி கார்னர், சாட்டர்டே போஸ்ட் என்ற இரு இடுகைகள் வெளியிடுகிறேன்.

நான் ஒரு கேள்வி கேட்பேன் அதற்குத் தாங்கள் பதில் அளிக்க வேண்டுகிறேன்.

////  துபாயில் பெண்கள் தொழுகை பற்றி எழுதி அனுப்ப முடியுமா. . ?///

*****************

தேனக்கா சாட்டர்டே ஜாலி கார்னர் என்னும் பதிவு போட்டு வருகிறார்கள், என்னையும் அழைத்தார்கள், ஆனால் என்னிடம் துபாயில் பெண்கள் தொழுகை பற்றி சொல்லுமாறு கேட்டு கொண்டார்கள், ரொம்ப சந்தோஷம் நான் இந்த டாப்பிக்கை மிகவும் வரவேற்கிறேன்.

தேனக்கா என்னை பற்றி குறிப்பிட்டது.

என் வலைத்தளத் தங்கை ஜலீலா கமால். சமையல் அட்டகாசங்கள் என்ற வலைப்பதிவில் அட்டகாசமான சமையல் குறிப்புகளைப் பகிர்ந்து வருகிறார். 

சென்னை ப்ளாசா என்ற ஒரு கடையை ( ஹிஜாப், புர்கா , பர்தா , ஷேலா, மக்கானா  -- ஸ்பெஷல் ) நிர்வகித்து வருகிறார். (இவரது கடை பற்றி விவரம் உள்ள முகநூல் பக்கம் இது  https://www.facebook.com/pages/Chennai-Plaza/156896191130975)

( எல்லோரும் என்னை நிறைய இடத்தில் அறிமுக படுத்தி இருக்கிறார்கள். வலைச்சரத்தில் , பிளாக்கில் , முகநூலில், அவர்கள் சமையல் பதிவில் தான் அறிமுக படுத்தி இருக்கிறார்கள்,

பேச்சுலர் வாழ்க்கை, குழந்தை வளர்ப்பு, டயட் சமையல் என்று, ஆனால் தேனக்கா தான் நான்  வீடு, ஆபிஸ், சமையல் பிளாக் கையும் தாண்டி , சென்னை ப்ளாசா கடையையும் நிர்வகிப்பதை குறிப்பிட்டு இருக்கிறார்கள். எவ்வளவு பிஸியிலும் என்னை எவ்வளவு உன்னிப்பாக கவனித்து எழுதி இருக்கிறார்கள், மிக்க மகிழ்சி தேனக்கா.

 சென்னையில் ட்ரிப்ளிகேனில் ஒரு முறை அகஸ்மாத்தாக ஒரு மழைக்கால மாலை நேரம் சந்தித்து ஆச்சர்யப்பட்டுக் கை கொடுத்து அளவளாவி வந்தோம். மழைச்சாரல் போன்ற குளுமையான சிரிப்புக்குச் சொந்தக்காரர் ஜலீலா. அவரது பையனும் வந்திருந்தான். உடனே என் கணவரிடம் காமிராவைக் கொடுத்து ஒரு க்ளிக்கிக் கொண்டோம். ( நாந்தான் சுளுக்கும் அளவு சிரித்திருந்தேன் சந்தோஷத்தில் . :) 

//தேனக்கா நீங்க சுளுக்கும் அளவு சிரித்தேன் என்று சொன்னால் யாரும் நம்ம மாட்டாங்கஓ ஓ//

அவர் வலைத்தளத்தில் அரபு நாடுகளில் பெண்கள் தொழுகை என்ற பதிவைப் பார்த்துவிட்டு , பொதுவாக பெண்களை மசூதிப்பக்கம் பார்த்ததாக நினைவில் இல்லையே. மிகவும் ஸ்ட்ரிக்டான அந்த நாட்டில் எப்படி அனுமதிக்கிறார்கள் என்று ஒரு எண்ணம்  மனதில் எழ இப்படி ஒரு கேள்வி கேட்டேன் . அவரும் அழகாகப் பதில் சொல்லி இருக்கிறார். 

*****************************************************

தேனக்காவுடன் என் தீடீர் எதிர்பாராத சந்திப்பு 

நான் சற்றும் எதிர் பார்க்கல தேனக்காவை சந்திப்பேன் என்று. அந்தி மாலை நேரம் லேசான மழை சாரல் ரத்னா கேஃப் சைடில் ஜாம்பஜார் ,ஈ ஏ போகிற வழி ஒரு மாலைகடைக்கு அருகில் , முகநூலில் அடிக்கடி அவர்கள் புகைப்படம் பார்த்ததால் நான் தான் கண்டு பிடிச்சேன் , அன்று அவர்களுக்கு திருமண நாள் என்று நினைக்கிறேன் இரண்டு அவங்க அவஙக் ஹீரோ உடன் பளீச் சிரிப்புடன் எதிரில்வர நான் என் சென்னை ப்ளாசா கடைக்கு சென்று கொண்டு இருந்தேன். இருவருக்கும் ஆனந்தம் பொருக்கமுடியல ஒரு முன் ஏற்பாடும் இல்லாத தீடீர் சந்திப்பு . ஆஹா இப்ப நினைத்தாலும் ரொம்ப இனிமையாக இருக்கு .

 நான் சென்னை வாசியாக இருந்தும்,  வெளிநாடு வந்ததால் பலரை சந்திக்கும் வாய்ப்பு , பல திருமணங்கள், நிறைய மிஸ் பண்ணி இருக்கேன். 

பதிவர் சந்திப்பெல்லாம் வைக்கும் போது கூட என்னால் கலந்து கொள்ள முடியல. நிறைய பேரை நேரில் பார்க்கனும் என்ற லிஸ்டில் அன்பு தேனக்காவும், ஒரு வேளை அவர்களும் என்னை பார்க்கனும் என்று நினைத்துஇருப்பார்களோ என்னவென்று தெரியவில்லை சந்தித்து கொண்டோம்.

//வலைப்பதிவர் ஒற்றுமை ஓங்கட்டும்.!

என்றும் நம்முள் வலிமை பெருகட்டும்.!// 

 //அடிக்கடி /// தேனக்கா சொல்வதை  // நானும் அதை வழிமொழிகிறேன்.

சாட்டர்டே போஸ்ட் - துபாயில் பெண்கள் தொழுகை - ஜலீலாகமால் -
தேனக்கா பிளாக்கில் என் பதிவை மேலே உள்ள சுட்டியை சொடுகி பார்க்கவும்

 சாதனை அரசிகளின் அரசி  ,32 பல்லழகியாகிய   தேனக்கா சும்மா என்ற வலைதளத்தில் சரளமாக பல விஷியங்களை அங்கு நம் அனைவருடனும் பகிர்ந்து கொண்டு இருக்கிறார்கள், சுவையான செட்டி நாடு உணவு வகைகளுக்கும் தனியாக எழுதி கொண்டு இருக்கிறார்கள்.

///தேனக்கா சாட்டர்டே ஜாலி கார்னர் என்னும் பதிவு போட்டு வருகிறார்கள், என்னையும் அழைத்தார்கள், ஆனால் என்னிடம் துபாயில் பெண்கள் தொழுகை பற்றி சொல்லுமாறு கேட்டு கொண்டார்கள், ரொம்ப சந்தோஷம் நான் இந்த டாப்பிக்கை மிகவும் வரவேற்கிறேன்./

எனக்கு ஒரு ஆச்சரியம் யாரும் தேனக்காவை போல் இவ்வளவு ஆழமாக தொழுகையை பற்றி யோசித்து இருப்பார்களா என்று எனக்கு தெரியவில்லை.

ஆனால் எனக்கு இதை பற்றி எழுது அளவுக்கு திறமை கிடையாது,இருந்தாலும் எப்படியாவது எழுதனும் என்று என் அனுபவத்தை வைத்தே எழுதினேன்.

தொழுகையை பற்றி விவரிக்க இன்னும் நிறைய இருக்கிறது, ஏதோ எனக்கு தெரிந்ததை இங்கு சொல்லி உள்ளேன், இங்கு என் பிலாக்கில் படிப்பவர்களுக்காக இங்கும் இந்த பதிவை இங்கு பதிந்துள்ளேன். இது தொழுகையை பற்றி தெரியாதவர்களுக்கு ஓரளவுக்கு புரியும் என்று நினைக்கிறேன்.

*********************************************************

கீழே உள்ள பதிவு நான் அவர்களுக்கு அனுப்பியது 

மற்ற மதத்தவர்களுக்கு பாங்கு கொடுக்கும் சத்தம் கேட்கும் போது அல்லா கூவுது என்பார்கள். தொழுகை நேரம் வந்து விட்டது  என்பார்கள். ரோட்டோரம் வசிப்பவர்கள் பாங்கு சொல்லும் சத்தம் கேட்பதை வைத்தே நிறைய பேர் கடிகாரம் பார்க்காமல் அவரவர் செய்யும் வேலைகளை நிர்ணயித்து கொள்வார்கள்.

ஆனால் நிறைய பேருக்கு  தொழுகை என்றால் என்ன?  அது எத்தனை வேளை தொழுகை, தொழுகைக்கு எப்படி தயாராகுகிறார்கள் என்று யாருக்கும் தெரியாது. 

எனக்கு தெரிந்த சில விளக்கங்களை இங்கு பகிர்ந்துள்ளேன்.

தொழுகை என்பது    முஸ்லீம்களின் மதக்கடமைகளில் ஒன்றாகும்.

குழந்தைகளை ஏழு வயதில் இருந்து தொழுகைக்கு தயார் படுத்தவேண்டும்.

வயது வந்த எல்லா முஸ்லிம்களும் தினமும் ஐந்து வேளையும் கண்டிப்பாக அல்லாஹ்வைத் தொழ வேண்டும். ஐந்து வேளை தொழுகைக்கு கால நேர அட்டவனையும் உண்டு.

மறுமை நாளில் முதலில் கேட்கப்படும் கேள்வியும் தொழுகையப் பற்றிதான்!தொழுகையினால் உடல் சுத்தம் மற்றும் மனச் சுத்தம் கிடைக்கிறது. .

தொழுகைக்கு மிகவும் சுத்தம் தேவை, பள்ளி வாசலில் கூறப்படும் பாங்கோசைக்கு பிறகு தொழ வேண்டும், தொழுவதற்கு முன் ஒலு(ழு)/Ablution எடுக்கனும் ஓலு என்பது இரண்டுகைகள், இரண்டு கை மணிக்கட்டுகள் , முகம், கண், மூக்கு, நெற்றி ,இரண்டு கால்கள் பிடரி வரை இவற்றை கழுவுவததாகும்.

நாம் தொழும் போது அல்லாவிடம் பேசுகிறோம் என்ற பயத்துடன் இறையச்சத்துடனும் தொழ வேண்டும்.தொழுகை என்பது இறைவணக்கத்துடன் கூடிய உடற்பயிற்சியும் ஆகும்.

பெண்களுக்கு மாதவிடாய் காலங்கள், ப்ரசவ நேரம் 40 நாட்கள் வரை  தொழகை கிடையாது. அவர்கள் சுத்தமானதும் தொழுகையை ஆரம்பித்து கொள்ளலாம்.

 நோன்பு காலங்களில் இந்த ஐ வேளை தொழுகை தவிர சிறப்பு தொழுகைகளும் உண்டு, அப்போது எல்லா பெண்களும் முடிந்தவர்கள் பள்ளி வாசலில் சென்று தொழுவார்கள்.

இங்கு பள்ளி வாசல்களில் ஊர்காரர்கள் ஒன்று சேர்ந்து ஈ டி ஏ வில் தொழுகைக்கென இடம் ஒதுக்கி நோன்பு காலங்களில் 30 நாட்களும் பெண்கள் தொழ ஏற்பாடு செய்துள்ளார்கள். 

இங்கு பெரு நாள் தொழுகையின் போது ஈத்கா என்னும் பெரிய மைதானம் உள்ளது, அங்கு சென்று பெருநாள் தொழுகையை தொழுவோம் அங்கும் ஆண்களுக்கு தனி இடம் , பெண்கள் தொழுகைக்கு என்று தனி இடம் உண்டு. இங்கு பல நாட்டு பெண்கள் அதாவது நம் நாட்டு பெண்கள், அரபி பெண்கள், ஈரானி, சூடானி , கேரளா, பங்களாதேஷி, பாக்கிஸ்தான், என்று பல நாட்டு பெண்களையும் அங்கு சந்திக்கலாம்.  அங்கு சென்று தொழுதுவிட்டு அவரவர் சொந்தங்களை சந்தித்து வருவார்கள்.

 

பெண்கள் தொழும் இடம்.

 நான் முதல் முதல் துபாய் வந்த போது பள்ளி வாசல்களில் பெண்களுக்கென தனியாக தொழுகை இடம் இருக்கிறது என்பது தெரியாது. ஆகையால் எங்கு வெளியில் போவதாக இருந்தாலும் காலையில் இருந்து நான்கு வேளைத்தொழுகைகளையும் விட்டிலேயே முடித்து விட்டு தான் வெளியில் போவோம். கடைசி ஐந்தாவது வேளை தொழுகை மட்டும் வெளியில் சென்று வந்து  இரவு 12 மணிக்குள் தொழுது முடிப்போம். 

பிறகு தான் தெரிய வந்தது , ஏழு எமிரேட்ஸிலும் அதாவது துபாய், ஷார்ஜா, அபுதாபி,புஜேரா,ராசல் கைமா, உம்முல் கொய்ன் , தொலை தூரம் , ஹைவே சென்றாலும் அங்காங்கே உள்ள பெட்ரோல் பங்குகளிலும் பெண்களுக்கு தொழுகை வசதி உள்ளது. அங்காங்கே மஸ்ஜீத் (பள்ளி வாசல்) களும் இருக்கின்றன.

எல்லா இடங்களிலும் அரை கிலோ மீட்டர் தொலைவிற்குள் கண்டிப்பாக பள்ளி வாசல்கள் உண்டு. அங்கேயே பெண்களுக்கென்று பிரேயர் ஹாலும் தனியாக இருக்கும்.இது பள்ளிவாசல்களின் பின்புறம் பெண்கள் தொழுகை இடம் அமைந்து இருக்கும்.

அங்கேயே பாத்ரூம் வசதிகள் , ஒலு எடுக்கும் வசதிகள் , தொழும் இடம், உள்ளேயே குர் ஆன், தொழுகை விரிப்பு , தொழும் போது போட்டுகொள்ள புர்காக்கள் துப்பட்டாக்கள் எல்லாமே இருக்கும்.உடல் நிலை சரியில்லாதவர்கள் ,நின்று தொழ முடியாதவர்கள்  சேரில் அமர்ந்து தொழலாம்.எல்லா பள்ளி வாசல்களிலும் சேர்களும் போட்டு இருப்பார்கள்.

ஏழு எமிரேட்ஸிலும், துபாய், ஷார்ஜா, அபுதாபி,புஜேரா,ராசல் கைமா, உம்முல் கொய்ன்  பெட்ரோல் பங்குகள், தொலை தூரம் , ஹைவே சென்றாலும் அங்காங்கே உள்ள பெட்ரோல் பங்குகளிலும் பெண்களுக்கு தொழுகை வசதி உள்ளது. அங்காங்கே மஸ்ஜீத் களும் இருக்கின்றன.

இங்கு பல நாட்டு பெண்கள் அதாவது நம் நாட்டு பெண்கள், அரபி பெண்கள், ஈரானி, சூடானி , கேரளா, பங்களாதேஷி, பாக்கிஸ்தான் எல்லோரும் தொழ வருவார்கள்.

நிறைய பெண்கள் நம்மஊரில் எல்லோரோடும் இருந்து விட்டு இங்கு வந்து தனிமையாகிவிடுகிறார்கள். இப்படி பள்ளிவாசல்களில் பெண்களுடன் தொழ போகும் போது பலரை சந்திக்கும் வாய்ப்பு கிடைத்து அவர்களுடன் நட்பு வைத்துகொள்வதன் மூலம் அந்த தனிமையையும் போக்கிவிடலாம். ஏன் சில நேரம் நமக்கு தெரிந்தவர்களும் கூட சந்திக்க நேரிடலாம்.

எப்போதும் நாங்கள் தொலை தூரம் போவதாக இருந்தால்  ஜும்மாவை (  வெள்ளி மதிய தொழுகையை தான் ஜும்மா தொழுகை என்பதாகும்) தொழுகையை முடித்து விட்டு தான் கிளம்புவோம். ஜும்மாவை  வைத்து கொண்டு வெளியில் கிளம்ப எங்க ஹஸுக்கு பிடிக்காது. ஒன்று தொழுதுட்டு கிளம்பனும் , இல்லை அதிகாலை பஜர் தொழுதுட்டு கிளம்பி போய் ஜும்மாவிற்கு முன் போய் சேர்ந்து விடுவோம்.அப்படி ஜும்மா விற்கு முன் போக முடியவில்லை என்றால்  வழியில் இருக்கும் பள்ளிவாசல்களில் நிறுத்தி தொழுது கொள்வது போல் நேரத்தை வகுத்துகொள்வோம்.

வெள்ளிக்கிழமை தொழும் ஜும்மா தொழுகையை எல்லா ஆண்களும் கண்டிப்பாக பள்ளி வாசலில் தான் தொழ வேண்டும்,இப்போது பெண்களும் பள்ளிவாசலில் சென்று தொழுகிறார்கள். தவிர்க்க முடியாத சூழ்நிலையில் பயணம் மேற்கொள்ளும் போது மட்டும் சிறப்பு சலுகையாக கிளம்பும் முன் அதை சுருக்கி தொழுது விட்டு கிளம்பிக்கொள்ளலாம்.

ஒரு முறை நாங்கள் ருவைஸ் போகும் போது 5 மணி நேர பயணம் வெள்ளிக்கிழமை வழியில் ஜும்மாவுக்கு ஒரு காடு மாதிரி இடம ஆனால் தொழுகைக்காக பள்ளிவாசல் இருந்தது, 
அங்கு சென்று பள்ளிவாசலின் பின் புறம் உள்ள பெண்களுக்கான தொழுகை இடத்தில் தொழுதுட்டு கொஞ்சம் நேரம் இளைப்பாறி விட்டு கிளம்பினோம்.
அங்கு பல நாட்டு பெண்கள் தொலை தூரம் போகிறவர்கள் தொழுகைக்காக அங்கு வந்து தொழுத்துட்டு சொல்கின்றனர்.

அதே அடுத்து மஸ்கட் போகும் போது 5 லிருந்து 6 மணி நேர பயணம் , அங்கும் வழியில் தொழும் நேரம் செக்கிங் இட்த்தில் வண்டி நின்றது. அங்கு மக்ரீப் தொழுகை தொழுதுட்டு சென்றோம்.

இங்குள்ள பள்ளி வாசலில் மட்டும் என்றில்லை உள்ள எல்லா ஷாப்பிங் காம்ப்ளக்ஸ்கள்,ஹாஸ்பிட்டல்கள், எல்லா இடத்திலும் பெண்களுக்கு தனியாக தொழும் இடம் உண்டு.இங்கு துபாயில் ஷாப்பிங்க் காம்பள்ஸ்களில் ,கேரிபோர், கே.எம் ட்ரேடிங் ரீஃப் மால், அன்சார் மால் எல்லா இடத்தில் பெண்கள் குழந்தையுடன் சென்று தொழுது விட்டு ரெஸ்டும் எடுத்துக்கொள்ளலாம்.

ஊருக்கு செல்ல ஏர்போர்ட் சென்றாலும் அங்கும் பெண்களுக்கென்று தனியாக தொழுகை இடம் உண்டு.

குழந்தைகளை வைத்திருப்பவர்கள் அங்கு தொழுது விட்டு ப்ளைட் கிளம்பும் வரை  நிம்மதியாக சிறிது நேரம் ஒய்வெடுக்கலாம்.சமீபத்தில் சென்னை ஏர்போட்டிலும் பள்ளிவாசல் கட்டி இருக்கிறார்கள்

நான் ஆபிஸ்சென்று வீட்டுக்கு செல்லும் நேரம் பாங்கு கொடுத்தால், தொழுகை நேரம் வந்து விட்டால் அந்த நேர தொழுகையில் வழியில் இருக்கும் பள்ளிவாசலிலேயே தொழுது விட்டு செல்வேன்.அப்படி பள்ளிவாசல் சென்று தொழும் போது அவ்வளவு நல்ல இருக்கும். நிம்மதியாக எந்த வேலை டென்ஷனும் இல்லாமலும் தொந்தரவுகளும் இல்லாமல் தொழலாம், அந்த நேரம் மனம் மிக அமைதியாக இருக்கும் 

இதனால் ஐ வேளை தொழுகைகளை அந்த அந்த வக்துகளிலிலேயே (நேரங்களிலேயே) முடித்து கொள்ளலாம்.களாவாகும் வாய்ப்பில்லை. களா என்றால் விடுப்பட்ட காலையில் இருந்து விடுபட்ட தொழுகைகளை இரவு தொழுகையுடன் சேர்த்து தொழுவது. .

. 

தொழுகையின் முக்கியத்துவம்
அறிவிப்பாளர் : அபூஹுரைரா  (ரலி)
“உங்களில் ஒருவருடைய வீட்டு வாயிலின் அருகில் ஆறு ஒன்று ஓடுகிறது என வைத்துக் கொள்வோம். அதில் அவர் ஒவ்வொரு நாளும் ஐவேளை குளித்து வந்தாரென்றால்,அவருடைய உடலில் சிறிதளவாயினும் அழுக்கு எஞ்சியிருக்குமா?” என நபி   அவர்கள் தம் தோழர்களிடம்வினவினார்கள்.
அதற்குத் தோழர்கள், “இல்லை! அவருடைய உடலில் சிறிதளவும் அழுக்கு இராது” என்றார்கள். “இது போன்றுதான் ஐவேளைத் தொழுகையும் ! அல்லாஹ்  இத்தொழுகைகளின்மூலம் பாவக்கறைகளைப் போக்குகின்றான்” என்று நபி அவர்கள் அருளினார்கள். (புகாரி, முஸ்லிம்

ஆக்கம் 

ஜலீலாகமால்

துபாய்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

சாலமன் பாப்பையாவும் இல்லை சல்மான் கானும் இல்லை - வீடியோ சமையல்

ரெசிபி எடிட் செய்து படம் சேர்த்து டைப் பண்ணுவதை விட வீடியோ ஈசியா இருக்கு ஆனால் அதை எப்படி எடிட் பண்ணுவதுன்னு தெரியல. முன்று மாதமாக நிறைய வீடியோ எடுத்து . எதுவுமே சரி பட்டு வரல பாதி தான் சரியா வந்தது. சிலது என்னால் எடிட் பண்ண முடியல  கொஞ்சம் அட்ஜஸ்ட் செய்து பார்த்து உங்கள் கருத்துக்களை சொல்லுங்கள்.

சாலமன் பாப்பையாவும் இல்லை சல்மான் கானும் இல்லை 


என் முயற்சியில் செய்த ஆரஞ்சு ப்லேவர்  கிரில்ட் சால்மன் 


 

உண்மையிலேயே சுவை ரொம்ப நல்ல இருந்தது.

இப்ப நம்முள் நிறைய பேருக்கு விட்டமின் ' D' சத்து குறைந்து இருப்பதாக ஆய்வில் தெரிந்துள்ளதுஎன்று கேள்வி பட்டேன். 

,
நிறைய சத்துள்ளதை சாப்பிட்டாலும் எல்லா சத்துக்களையும் அன்றாட உணவில் சாப்பிடுகிறோமான்னு நாம் கவனிப்பதில்லை. 

இந்த சால்மன் மீனில் விட்டமின் டீ சத்து அதிகமாக உள்ளது. அடிக்கடி இந்த மீனை உணவில் சேர்த்து கொள்ளுங்கள்.

 இந்த லின்கை கிளிக் செய்து பாருஙக்ள் .http://youtu.be/M9YVai1w-Tc

Please subscribe and like

சால்மன் மீன் - அரைகிலோ

வீடியோ சமையல், ஆரஞ்சு ப்லேவர் கிரில்ட் சால்மன் மீன்.

தேவையான பொருட்கள்
ஆலிவ் ஆயில் - 3 மேசைகரண்டி
புதினா - ஒரு மேசைகரண்டி
தில் கீரை - இரண்டு மேசைகரண்டி
கருவேப்பிலை - சிறிது
கருப்பு மிளகு தூள் -  அரை தேக்கரண்டி
வெள்ளை மிளகு தூள் - ஒரு தேக்கரண்டி
உப்பு - தேவைக்கு
ஆரஞ்சு ஜூஸ்  ( கமலா பழம்) - ஒரு பழம்
லெமன் ஜூஸ் - ஒரு மேசைகரண்டி




செய்முறை

சால்மன் மீனை சுத்தம் செய்து

நீளவாக்கில் தேவையான அளவு துண்டுகளாக போடவும்.
ஒரு பவுளில் ஆலிவ் ஆயில் ஊற்றி அதில் கருவேப்பிலை, கொத்துமல்லி , தில் கீரையை அரிந்து போட்டு மிளகு தூள் வகைகள், உப்பு, ஆரஞ்சு ஜுஸ், லெமன் ஜூஸ் சேர்த்து 10 நிமிடம் ஊறவைக்கவும் ( மேரினேட் செய்யவும்)

எலக்ட்ரிக் ஓவனை 200 டிகிரியில் செட் செய்து 20 நிமிடம் முற்சூடுபடுத்தி
மிடில் ட்ரேயில் வைத்து 10 , 10 நிமிடம் இருபுறமும் கிரில் செய்யவும். கடைசியாக மேல் ட்ரேயில் வைத்து 10 நிமிடம் கிரில் செய்து எடுக்கவும்.
லெமன் பிழிந்து குபூஸ் ஹமூஸ். உடன் சாப்பிட அருமையாக இருக்கும்.

மொத்தம் 30 நிமிடம் ஆச்சு. இடையில் வாய்ஸ் ப்ரேக் ஆனதால் சரியாக வீடியோவை சரியாக மெர்ஜ் பண்ண முடியல.

கவனிக்க
இதை அரை மணி நேரத்துக்கு மேரினேட் செய்தால் இன்னும் நல்ல இருக்கும்.
நான் அடிக்கடி கூடுமானவரை லெமன் ஜூஸ் இலலி என்றால் ஆரஞ்சு ஜூஸ் சேர்த்து செய்வேன்.
ஆரஞ்சு பழம் புளிப்பாக இருந்தால் இது போல் புளிப்பு சுவைக்கு சேர்த்து கொள்ளலாம், இதை பொரித்து அல்லது பார்பிகிவு செய்தும் சாப்பிடலாம்.





https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

சிறப்பு விருந்தினர் பதிவு - காயல் ஸ்பெஷல் மினி தம்மடை- ஆயிஷா பஹ்ரைன்

சிறப்பு விருந்தினர் பதிவு - காயல் ஸ்பெஷல் தம்மடை- ஆயிஷா பஹ்ரைன்

என் பெயர் ஆயிஷா நான் பஹ்ரைனில் கணவருடன் வசிக்கிறேன் எனக்கு மூன்று குழந்தைகள்.

ஜலீலா அக்காவின் அவர்களின் சமையல் வகைகள் அனைத்தும் அருமை ...மிகவும் சுவையாக உள்ளது.ஆரோக்கிய சமையல் மிகவும் உபயோகமான சமையல் ....சமையல் தெரியாமல் இருந்த எனக்கு ஜலீலா அக்காவின் சமையல் ப்ளாக் எனக்கு மிகவும் உதவியாக இருந்தது இப்பொழுது ஓரளவு நன்றாக சமைப்பேன்.
அதில் ஜலீலாக்காவின் அவித்த முட்டை புளி குழம்பு எனக்கு ரொம்ப பிடிச்சி இருந்தது,
இது ஆயிஷா செய்து அனுப்பிய முட்டை புளி குழம்பு நீங்களும் செய்து பார்த்து உங்கள் கருத்தை தெரிவிக்கலாம்,அல்லது போட்டோவுடன் முகநூலில் பகிரலாம்.

மிக்க நன்றி ஜலீலா அக்கா 

                                                                 என்றும் அன்புடன் சகோதரி

ஆய்ஷா

தேவையான பொருள்கள்;

ரவை - ஒரு ஆழாக்கு

தேங்காய் -ஒரு தேங்காயின் தலை பால் அதுவும் ஒரு ஆழாக்கு

முட்டை -2

ஏலக்காய் பொடி ஒரு சிட்டிகை

சீனி-ஒரு ஆழாக்கு 

பாதம் பிஸ்தா முந்திரி கலவை - கொர கொரப்பாக திரித்தது
நெய்-  தேவைக்கு 

செய்முறை

ரவை  தேங்காய்ய பால் சீனி முட்டை ஏலக்காய் பொடி அனைத்தையும் கட்டி தட்டாமல்கலந்து தம்மடை ஊற்றும் கிண்ணியில் ஊற்றி உங்களுக்கு என்ன பருப்பு வகைகள் வேண்டுமோ அதை கொரகொரப்பாக திரித்து  மேலே தூவி தம்மடை அச்சில் நெய் சிறிது தடவி  வைத்து ஓவனில் ஐந்து நிமிடம் முன் சூடு படுத்தி இந்த தம்மடையை உள்ளே வைத்து  எட்டு நிமிடங்கள் ஹை இல் வைத்து பிறகு வெளியே எடுத்து வெந்து விட்டது என்றால் திருப்பி தட்டினால் விழுந்து விடும்                                                               

                                                                        ஆயிஷா மஹ்மூத்

                                                                           பஹ்ரைன்

பாரம்பரியம் பாதுக்காக்கபடுகிறது இங்கே   இதை பார்வையிடும் உங்களுக்கும் உங்கள் ஊர் பாரம்பரிய சமையலை பகிர ஆர்வம் இருந்தால் எனக்கு புகைப்படத்துடன் உங்கள் குறிப்பை என் மெயிலுக்கு அனுப்பபலாம். இல்லை முக நூல் மெசேஜ் பாக்ஸிலும் கொடுக்க்கலாம். feedbackjaleela@gmail.com cookbookjaleela@gmail.com Traditional Recipes with Special Guest Post/


https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet

நெத்திலி மீன் மாங்காய் சால்னா/Anchovies Raw Mango Salna

நெத்திலி மீன் தொக்கு என்றாலே அனைவருக்கும் நாவை சப்புகொட்டவைக்கும், அதில் மாங்காய் சேர்த்தால் சுவையோ சுவை தான் போங்க / கர்பிணி பெண்களுக்கு ஏற்ற உணவு இது முயற்சித்து பாருங்கள் உங்கள் கருத்தை வந்து பகிருங்கள். என் ரெசிபி செய்து பார்த்தால் படத்துடன் என் மெயிலுக்கு feedbackjaleela@gmail.com அனுப்புங்கள். 

தேவையான பொருட்கள்

நெத்திலி மீன் - கால் கிலோ

வெங்காயம் - இரண்டு

தக்காளி - இரண்டு

மிளகாய் தூள் - 1 தேக்கரண்டி 

தனியாத்தூள் - ஒரு தேக்கரண்டி

மஞ்சள் தூள் - அரை தேக்கரண்டி

உப்பு தேவைக்கு

தாளிக்க 

எண்ணை 3 தேக்கரண்டி

கடுகு - அரை தேக்கரண்டி

பூண்டு - 3 தட்டியது

கருவேப்பிலை - சிறிது

கொத்துமல்லி தழை

மாங்காய் - 1 பொடியாக அரிந்தது

செய்முறை

1. நெத்திலி மீனை ஆய்ந்து கழுவி தண்ணீரை வடிக்கவும்.
2. ஒரு வாயகன்ற சட்டியை காயவைத்து தாளிக்க கொடுத்துள்ள பொருட்களை சேர்த்து தாளிக்கவும்.
3. பிறகு வெங்காயம் தக்காளி உப்பு சேர்த்து நன்கு வதக்கி மிளகாய் தூள் , மஞ்சள் தூள் , தனியாத்தூள் சேர்த்து சிறிது தண்ணீர் சேர்த்து தீயின் தனலை குறைவாக வைத்து கூட்டு பத்ததுக்கு வரும் வரை வேகவிடவும்.
4. கடைசியாக மீனையும் மாங்காயை யும் சேர்த்து 7 நிமிடத்த்துக்கு மிதமான தீயில் வைத்து கொதிக்கவிட்டு மீன் வெந்ததும் இரக்கவும்.
5. கொத்துமல்லி தழை தூவி பரிமாறவும்.

மீன் தாளி
ப்ளையின் சாதம்
நெத்திலி மீன் மாங்காய் சால்னா
நெல்லிக்காய் ஊறுகாய்
அப்பளம்

நெத்திலி மீன் டிக்கா ப்ரை

நெத்திலி கருவாடு ப்ரை

நெத்திலி மீன் தொக்கு

நெத்திலிமீன் கழுவும் விதம்


பெரிய அலுமினியம் கண் வடிகட்டி எடுத்துக்க்கொள்ளுங்கள்.மீனை ஒரு சட்டியில் தண்ணீரில் போட்டு லேசாக அரிசி களைவது போல் கலந்து வடுகட்டியில் போடவும்.
சிங்கில் டேபுக்கு நேரக வடிகட்டியை பிடித்து கொண்டு இரண்டு மூன்று தடவை கையால் உலசி கழுவவும்.
இப்போது அழுக்கு மண் எல்லாம் போய் சுத்தமாகி விடும்.
மீனி தலையை கிள்ளி அப்படியே வயிற்று பகுதியில் கட்டை விறலால் கீறி தலையோடு சேர்த்து முள்ளை மீனிலிருந்து பிரித்தெடுக்கவும்.
அதே மாதிரி எல்லா மீனையும் செய்யவும்.
இப்போது மீனில் சுத்தமாக முள் இருக்காது மீண்டும் ஒரு முறை கழுவி தண்ணீர் இல்லாமல் வடித்து வைக்கவும்.
இப்போது போன்லெஸ் நெத்திலி மீன் ரெடி அப்ப‌ர‌ம் என்ன‌ குழ‌ம்பு வைத்து சாப்பிட‌வேண்டது தான்.
பிள்ளைக‌ளுக்கும் அப்ப‌டியே பிசைந்து ஊட்டி விட‌லாம். இதே கிள‌ங்கா மீனிலும் எடுக்க‌லாம்.

https://www.facebook.com/pages/Chennai-Plaza/156896191130975 https://www.facebook.com/Samaiyalattakaasam http://www.chennaiplazaki.com/

		Tweet