ரெட் காக்டெயில் ஜூஸ் - red cocktail juice

எப்போது பழங்களை முன்று பழங்கள் சேர்த்து ஜூஸ் தயாரிப்பேன். அதில் இது ரெட் காக்டெயில் (ஏற்கனவே முக்கனி (காக்டெயில் ஜூஸ் இரண்டு கொடுத்துள்ளேன்) இன்னும் தொடரும் என் காக்டெயில் ஜூஸ்கள்.



தேவையானவை


தர்பூசனி - இரண்டு கப்

பிளம்ஸ் - முன்று பழங்கள்

மாதுளை - ஒரு பழம்

சர்க்கரை - தேவைக்கு

சுக்கு தூள் - அரை தேக்கரண்டி

ரூ ஆப் ஷா எஸன்ஸ் - ஒரு மேசை கரண்டி

தண்ணீர் - தேவைக்கு

ஐஸ் கட்டிகள் - எட்டு

செய்முறை

தர்பூசானியை கொட்டை நீக்கி இரண்டு கப் அளவு எடுத்து கொள்ளவும்.

பிளம்ஸ் (ஊட்டி ஆப்பில்) கொட்டை நீக்கியது முன்று பழம் தேவைப்பட்டல் இன்னும் இரண்டு அதிகம் சேர்த்து கொள்ளலாம்.

மாதுளை ஒன்று முழுவதும் பிரித்து எடுத்து கொள்ளவும்.

ஜூஸ் அடிக்கும் மிக்சியில் அனைத்து பழங்கள், சுக்கு,தேவைக்கு தண்ணீர் மற்றும் சர்க்கரை, ரூ ஆப்ஷா (அ) ரோஸ் எஸன்ஸ் சேர்த்து நன்கு கரைய அடித்து பெரிய துளையுள்ள வடிகட்டியில் வடித்து குடிக்கவும்.

வடிகட்டியில் வடிக்க முடிய விலை என்றால் அடித்து ஜூஸை சிறித் நேரம் வைத்தால் அதில் உள்ள கொட்டைகள் தெளிந்து அடியில் தங்கிவிடும். மேலோடு ஜுஸ் மற்றும் வடித்து கொள்ளலாம், இல்லை மஸ்லின் துணியில் வடித்து கொள்ளுங்கள்.

சுவையான் ரெட் காக்டெயில் ரெடி.

( நோன்பு காலங்களில் தினம் ஒரு வகை ஃபுரூட் ஜூஸ் (அ) ஜூஸ் வகைகள், ஜூஸும் நோன்பு கஞ்சியும் இருந்தாலே போதும்.) ஏற்கனவே போன வருட நோன்பில் நிறைய ஜூஸ் வகைகள் போட்டுள்ளேன், சில லிங்குகளை ஓவ்வொரு குறிப்பு கொடுக்கும் போதும் லிங்க் தருகிறேன்.
இதில் ரோஸ் மில்க் லிங்க் உள்ளது.

விருப்பம் உள்ளவர்கள் பழைய போஸ்டுக்கும் உங்கள் அன்பான கமெண்டையும் ஓட்டையும் தெரிவிக்கலாம்.

(இதில் சுக்கு சேர்த்துள்ளது சளி பிடிக்காமல் இருக்க, சுக்குக்கு பதில் சிறிது இஞ்சி சாறு (அ) சிறிது மிளகுதூள் கூட சேர்க்கலாம்)

இதில் எட்டு டம்ளர் வரும்

		Tweet