மார்பிள் கேக் - Marble Cake

கலர் ஃபுல் மார்பிள் கேக்

தேவையானவை

மைதா - 150 கிராம்
சர்க்கரை - 150 கிராம்
பட்டர் - 150 கிராம்
முட்டை - 3
பேக்கிங் பவுடர் - அரை ஸ்பூன்ஆரஞ்சு கலர்  – 1 ட்ராப்
கோக்கோ - 25 கிராம்
சாக்லேட் எசனஸ் - 1 ட்ராப்
பச்சை(பிஸ்தா) எசன்ஸ் - 1 டிராப்
உப்பு – ஒரு சிட்டிக்கை





செய்முறை

மைதாமாவுடன் ,உப்பு, பேக்கிங் பவுடர் சேர்த்து சலித்து கொள்ளவும்.

சர்க்கரை பொடித்து  பட்டர்  உடன் சேர்த்து நன்கு கலக்கவும்.
முட்டையை நுரை பொங்க அடுத்து சர்க்கரை கலவையுடன் சேர்த்து கலக்கவும்.

சலித்த மாவை கட்டி தட்டாமல் சிறிது சிறிதாக சேர்த்து நன்கு கலக்கவும்.இந்த மாவு கலவையை முன்று பாகமாக பிரித்து கொள்ளவும்.

ஒன்றில் கோக்கோ பவுடர் மற்றும் சாக்லேட் எசன்ஸ் கலக்கவும்.

அடுத்து ஆரஞ்சு கலர் சிறிது தண்ணீரில் கலக்கி சேர்க்கவும்..

அடுத்து பிஸ்தா எசன்ஸ் கலக்கவும்.

இதில் பேக்கிங் ட்ரேவில் லைனாக ஓவ்வொரு கலராக ஊற்றவும். ஊற்றும் போது அதே சிறிது அங்காங்கு கலந்து கொள்ளும்.



பின்பு முற்சூடு செய்த அவனில் 170- 180 டிகிரியில் 35 - 40 நிமிடம் வைத்து எடுக்கவும். நன்றாக ஆறிய பின்பு கட் செய்து பரிமாறவும்.

கலர்ஃபுல் மார்பிள் கேக் ரெடி. குழந்தைகள் விரும்பி சாப்பிடுவார்கள்/.

இது அன்பு தோழி  ஆசியாவின் மார்பிள் கேக் , அவர்கள் டிப்ஸில் கொடுத்த்தை வைத்து சில மாற்றத்துடன் நான் இந்த கேக்கை முன்பு செய்த்து

.
கீழே உள்ளது ஆசியாவின் செய்முறை.


மாவை பேகிங் பவுடர் சேர்த்து மும்முறை சலித்து தனியே வைக்கவும்.சர்க்கரையை பொடித்து வைக்கவும்.

பேக்கிங் ட்ரேயை பட்டர் பேப்பர் போட்டு எண்ணெய் தடவி மாவு (டஸ்ட்) தூவி ரெடி செய்து வைக்கவும்.

பட்டரை பீட் செய்து, பின்பு அதனுடன் பொடித்த சர்க்கரையை சேர்த்து நன்றாக அடித்துக்கொள்ளவும்.

முட்டையை ஒன்றன் பின் ஒன்றாக விட்டு வெனிலா எசன்ஸ் சேர்க்கவும்.நன்றாக பீட் செய்து கொள்ளவும்.

சலித்தாமாவை கொஞ்சம் கொஞ்சமாக பட்டர் முட்டை கலவையில் போட்டு மெதுவாக கலந்து(fold)பிரட்டி கொள்ளவும்.

தயார் செய்த மாவுக்கலவையில் இருந்து ஒரு பகுதி எடுத்து அதனுடன், சாக்லேட் அல்லது கோக்கோ பவுடரை கட்டியாக கரைத்து சேர்க்கவும். இன்னும் கலர் டார்க்காக வேண்டும் என்றால் ப்ரவுன் கலர் சேர்த்துக்கொள்ளலாம்.

பேக்கிங் ட்ரேயில் சாக்லேட் பவுடர் சேர்த்த மாவுக் கலவையை ஸ்பூனால் எடுத்து ஆங்காங்கு எடுத்து வைக்கவும்,பின்பு இடை வெளிப்பகுதியில் மொத்த மாவுக்கலவையையும் ஸ்பூனால் இடையில் வைக்கவும். பின்பு ஃபோர்கினால் வரி போடுவது போல் மிக்ஸ்செய்யவும்,அதிகம் மிக்ஸ் செய்யக்கூடாது .ப்ரவுன் கலரும் கிரீம் கலரும் கலந்து மார்பிள் போல் இருக்கும்.

பின்பு முற்சூடு செய்த அவனில் 170- 180 டிகிரியில் 35 - 40 நிமிடம் வைத்து எடுக்கவும். நன்றாக ஆறிய பின்பு கட் செய்து பரிமாறவும்.

அழகான, சாஃப்டான, சுவையான மார்பிள் கேக் ரெடி.

Note:

இது போல் மற்ற கலரும் சேர்த்து மார்பிள் கேக் செய்யலாம்,(பின்க்,பச்சை,ஆரஞ்சு) கலரை 2-4 ட்ராப் சேர்த்து செய்து பார்க்கலாம்.


டிஸ்கி: கேக் என்றால் ஒன்லி லெமன் ஸ்பாஞ்ச் கேக், சாக்லேட் கேக் மட்டும் தான் அடிக்கடி செய்வது. இது வித்தியாசமாகவும் கலர்ஃபுல்லாகவும் பிள்ளைகளுக்கு பிடித்ததாகவும் இருந்தது என்ன கொஞ்சம் பொருமையாக செய்யனும்.

		Tweet