ப்ரவுன் ரைஸ் வாழைபழ அடை - Brown Rice Banana Pancake

ப்ரவுன் ரைஸ் வாழைபழ அடை

தேவையானவை.

ப்ரவுன் அரிசி - 100 கிராம்

மைதா - 100 கிராம்

வெல்லம் - இரண்டு அச்சு

ஏலக்காய் - 3

வாழைப்பழம் - 1

உப்பு - ஒரு சிட்டிக்கை

செய்முறை

ப்ரவுன் அரிசியை 1 மணி நேரம் ஊறவைத்து அரைக்கவும்.

அரைத்தமாவுடன், மிக்சியில் மைதா, வாழைபழம், ஏலக்காய் , உப்பு சேர்த்து சிறிது தண்ணீர் விட்டு அரைக்கவும்.

வெல்லத்தை தட்டி கொஞ்சமாக தண்ணீர் சேர்த்து கொதிக்கவிட்டு வ்டிகட்டவும்.

அரைத்த மாவுடன் வெல்ல கரைசலை சேர்த்து  அடை வார்க்கும் பக்குவத்தில் கரைக்கவும்.

கரைத்த மாவை அடைகளாக வார்த்து நன்கு வேக விட்டு, சிறிது எண்ணை + நெய் கலவை சுற்றிலும் ஊற்றி திருப்பி போடவும்.

அடையை திருப்பி போட்டு வெந்ததும் எடுக்க்கவும்

குழந்தைகளுக்கு பிடித்த சத்தான வாழைபழ அடை ரெடி.

இதை குழிபணியாரமாகவும் சுடலாம்.

ஆயத்த நேரம் : 1 மணி 30 நிமிடம்

சமைக்கும் நேரம். 20 நிமிடம்

பரிமாறும் அளவு : 3 நபர்களுக்கு

		Tweet