முட்டை பால் (ஒல்லியாக இருப்பவர்களுக்கு)

பூபெய்திய பெண்களுக்கு, பிள்ளை பெற்றவர்களுக்கு, வாய் புண் இருப்பவர்களுக்கு, ஆண் குழந்தைகளுக்கும் கூட இதை கொடுக்கலாம்.

குழந்தைகள் முதல் பெரியவர்கள் வரை இதை குடிக்கலாம்.

ஒல்லியாக உள்ளவர்கள் தடியாகனுமா???உங்கள் குழந்தைகள் புஷ்டியாகனுமா? இந்த முட்டை பாலை தினம் கொடுத்து பாருங்கள்.

((இப்போதைக்கு எங்க வீட்டில் ஒல்லியாக உள்ளவர்கள் யாரும் இல்லை ஆகையால் தேவையான பொருட்களை மட்டும் வைத்து போட்டு இருக்கிறேன்)

தேவையானவை

முட்டை - 1
பால் - கால் டம்ளர்
தேன் - ஒரு மேசை கரண்டி
நெய் - கால் தேக்கரண்டி

செய்முறை

பாலை நன்கு சூடு படுத்தவும்
முட்டையை நுரை பொங்க அடித்து அதில் தேனை கலக்கவும்.
பிறகு பாலையும் சேர்த்து கலக்கி நெய்யை சூடு படுத்தி ஊற்றி குடிக்கவும்.
முட்டைய நல்ல நுரை பொங்க அடிக்கலன்னா குடிக்க முடியாது.

ஒரு மாதமோ அல்லது 40 நாட்களோ குடித்தால் நல்ல பலன் தெரியும்.

டிப்ஸ்: இது குழந்தைகளுக்கும், பள்ளி செல்லும் பிள்ளைகளுக்கும், பூப்பெய்திய பிள்ளைகளுக்கும் , பிள்ளை பெற்றவர்களுக்கும் ரொம்ப ஒல்லியாக எலும்பு தோலுமா இருப்பவர்களுக்கும் கொடுக்கலாம்.
நோஞ்சானாக கண் சோர்வடைந்து இருப்பவர்களுக்கு முட்டை பால் அடித்து கொடுக்கலாம்

அதே போல் சூட்டினால் வாய் முழுவது வெந்து புண்ணாகி இருந்தால் இது போல் செய்து முன்று நாட்களுக்கு மருந்து போல் குடிக்கலாம்.

இதை நான் முன்பு  செய்து இருக்கிறேன். பெரிய மகன் சிசேரியன் தான் ஆகையால்
சரியாக மருந்து எடுத்துக்காததால் வாய் புண் அடிக்கடி வரும், அப்போது வாய் புண் போக பல பாட்டி மார்களை அனுகி கேட்ட குறிப்புகள் இதுவும் ஒன்று. அதில் இது என் கிரான்மா சொன்ன குறிப்பு..

ரொம்ப ஒல்லியாக இருப்பவர்கள் இதை தொடர்ந்து குடித்து வந்தால் நல்ல புஷ்டியாக ஆகிவிடலாம்.
பிள்ளை பெற்றவர்களுக்கு உடம்பு ரொம்ப வீக்காக இருந்தாலும் இதை செய்து கொடுக்கலாம்.

பூப்பெய்திய பெண்களுக்கு கொடுத்தால் பிற்காலத்தில் பிள்ளை பெறும் போது பேறுகால வலியை தாங்கிக்கக்கூடிய சக்தி கிடைக்கும்.


இதே டிப்ஸ் மனோ அக்கா சிறப்பு விருந்தினர் பதிவில் சொல்லி இருக்காங்க  பூப்பெய்தி பெண்கள் முட்டை குடிப்பது பிற்காலத்தில் இடுப்பு எலும்பு பலப்படும் , பிரசவ வலிகளை தாங்கிக்கூடிய சக்தி கிடைக்கும்,

		Tweet