தயிர் சாதம் - (Curd Rice)

தயிர் சாதம் தான் ரொம்ப லைட், வயிறு உபாதை, வாய் புண் இருந்தால் எல்லாவற்றிற்குமே ரொம்ப நல்லது.

தயிர் சாதம் ஈசி தான் எல்லோருக்கும் தெரிந்தது தான் இந்த முறையையும் டிரை பண்ணி பாருங்கள். இது புளிப்பில்லாதது எட்டு மாத குழந்தை முதல் வயதானவர்கள் வரை சாப்பிடலாம்.

அரிசி = ஒன்னறை கப்
புளிப்பில்லா தயிர் = அரை கப்
பால் = இரண்டு கப்
தாளிக்க‌
எண்ணை = இரண்டு தேக்கரண்டி
கடுகு = அரை தேக்கரண்டி
உளுத்தம் பருப்பு = அரை தேக்கரண்டி
கடலை பருப்பு = ஒரு தேக்கரண்டி
முந்திரி = பொடியாக அரிந்தது ஒரு தேக்கரண்டி
பூண்டு = இரண்டு பல்
பெருங்காயப்பொடி = ஒரு சிட்டிக்கை
க‌ருவேப்பிலை = இர‌ண்டு ஆர்க்

உப்பு = தேவைக்கு
க‌டைசியாக‌ சேர்த்து கிள‌ற‌
ப‌ச்ச‌ மிள‌காய் = ஒன்று
இஞ்சி துருவ‌ல் = அரை தேக்க‌ர‌ண்டி
கொத்தும‌ல்லி த‌ழை = ஒரு தேக்க‌ர‌ண்டி
அல‌ங்க‌ரிக்க‌
காராபூந்தி (அ) கேர‌ட், வெள்ள‌ரி

சாதத்தை வடித்தோ (அ) குக்கரில் வைத்தோ வேகவைத்து கொள்ளவும். இது குழைவாக வடிக்க வில்லை என்றாலும் பரவாயில்லை. சூட்டோடு மசித்து விட்டால் குழைந்த சாதம் போல் ஆகிவிடும்.

பாலை காய்ச்சி ஆறவைக்கவும்.

தாளிக்க‌ கொடுத்துள்ளவைகளை கருகாமல் தாளித்து உடனே தயிர் போட்டு கலக்கி, பாலையும் சேர்த்து உப்பு போட்டு கொதிக்க விடமால் அடுப்பை விட்டு இரக்கவும்.

மசித்த சாதத்தில் போட்டு நன்கு கிளறவும்.

கடைசியாக போட்டு கிளற கொடுத்த பொருட்களை போட்டு கிளறி காராபூந்தி தூவி குழந்தைகளுக்கு சாப்பிட கொடுக்கவும்.

இல்லை துருவிய கேரட், பொடியாக அரிந்த வெள்ளரி சேர்த்தும் சாப்பிடலாம்.

		Tweet