எக் இட்லி (தேன் & மிளகு) - egg idly honey & pepper

இட்லி என்றாலே அது போல ஒரு லைட்டான உணவு எதுவுமே கிடையாது.நமக்கு சட்னியோ ,குழம்போ வைத்து சாப்பிடுவோம். வயிற்று புண், அல்ச‌ர், வ‌ந்த‌வ‌ர்க‌ள் கூட இந்த‌ இனிப்பு இட்லியை சாப்பிட‌லாம். குழந்தைகளுக்கு என்று தனியாக செய்ய முடியாத போது

இப்படி கொடுத்தால் நல்ல சத்தான இட்லி சாப்பிட்ட மாதிரி ஆச்சு.

முட்டை தேன் இட்லி

முட்டை = ஒன்று
இட்லி மாவு = 5 இட்லி சுட‌ தேவையான‌ அளவு
தேன் = 5 தேக்கர‌ண்டி
நெய் = சிறிது

முட்டையை நுரை பொங்க‌ அடித்து கொள்ள‌ வேண்டும்.அதில் தேனை க‌ல‌ந்து கொள்ள‌வும்.
இட்லி பாத்திர‌த்தில் நெய்யை த‌ட‌வி அதில் ஓவ்வொரு குழியிலும் சிறிது மாவை ஊற்றி அத‌ன் மேல் முட்டை க‌ல‌ந்த‌ தேனை ஊற்றி மேலே சிறிது மாவு ஊற்ற‌வும்.

இதே போல் 5 இட்லியிலும் ச‌மமாக‌ ஊற்றி இட்லி வேக‌ 7 நிமிட‌ம் ஆகும்.
வெந்த‌தும் எடுத்தால் பூப்போல் மெத்துன்னு இருக்கும்.

//குழ‌ந்தைக‌ளுக்கு எந்த‌ ப‌க்க‌ உண‌வும் இல்லாம‌ல் சின்ன‌ பீஸா க‌ட் செய்து அப்ப‌டியே ஒரு ஃபோர்க்கை போட்டு கொடுத்தால் ஈசியாக‌ சாப்பிடுவார்க‌ள்.
ப‌ள்ளி செல்லும் குழ‌ந்தைக‌ளுக்கும் கொடுத்து அனுப்ப‌லாம். //


முட்டை மிள‌கு இட்லி

இனிப்பு இட்லி பிடிக்காத‌ குழ‌ந்தைக‌ளுக்கு இப்ப‌டி மிளகு சேர்த்து செய்து கொடுக்க‌லாம்.

இட்லி மாவு = 5 இட்லிக்குக்கு தேவையான‌ அள‌வு

முட்டை = ஒன்று

மிள‌கு தூள் = ஒரு தேக்க‌ர‌ண்டி

உப்பு = சிறிது
நெய் = சிறிது

மிள‌கு, முட்டை, உப்பை ந‌ன்கு நுரை பொங்க‌ அடித்து கொள்ள‌வும்.

இட்லி த‌ட்டில் நெய்யை த‌ட‌வி முத‌லில் சிறிது இட்லி மாவு பிற‌கு முட்டை க‌ல‌வை மீண்டும் சிறிது இட்லி மாவு ஊற்றி இட்லிக‌ளாக‌ வார்த்து எடுக்க‌வும்.

எங்க‌ளுக்கெல்லாம் (நான் வெஜ் சாப்பிடுபவர்கள்) குழ‌ம்பில்லாம‌ல் இர‌ங்காது என்கிறீர்க‌ளா?

ம்ம் மீன் குழ‌ம்பு, சாம்பார், கால் பாயா , மட்டன் எலும்பு சூப் எல்லாம் இட்லிக்கு பொருந்தும், ஆனால் குழ‌ம்பு க‌ட்டியா வைக்காமால் ஓடு த‌ண்ணீரா வைக்க‌னும்.

இட்லி, பாகற்காய் சாம்பார்

சர்க்கரை வியாதி உள்ளவர்கள், பாகற்காய் சாம்பார் வைத்து கொள்ளலாம். சாம்பாரில் போடுவதால் பாகற்காயில் கசப்பு கூட இதில் தெரியாது.

இந்த ரெசிபி , என் தம்பி, என் தங்கை,என் தோழிகளின் குழந்தைகளுக்காக‌ (8 மாத குழந்தைகளுக்கு) க்காக நான் முயற்சி செய்தது.

		Tweet