அக்கார வடிசல் - sweet pongal

//இது நிறைய‌ பேருக்கு ம‌ற‌ந்து போன‌ ஐய‌ர் ஆத்து வ‌டிச‌ல், ச‌ர்க்க‌ரை பொங்க‌ல் போல் தான் கொஞ்ச‌ம் வித்தியாச‌ம்.

இந்த‌ குறிப்பு முன்பே பொங்க‌ல் அன்று போட்டேன், தெரியாம‌ல் டெலிட் ஆகிவிட்டது , ம‌ற்ற‌ குறிப்புக‌ளை விட‌ இத‌ற்கு தான் நிறைய‌ க‌ருத்துக‌க்ள் வ‌ந்திருந்த‌து, நிறைய ஓட்டுக்க‌ளும் கிடைத்திருந்த‌து, டெம்லேட் மாற்றும் போது டெலிட் ஆகிவிட்ட‌து, ஆகையால் ம‌றுப‌டி போட்டுள்ளேன்.

தேவையான‌ பொருட்க‌ள்

பச்சரிசி = ஒரு கப்
வெல்லம் = அரை கப்
கடலை பருப்பு = ஒரு மேசை கரண்டி
பச்சபருப்பு = கால் கப்
ஏலக்காய் பொடி = அரை தேக்கரண்டி
பால் = அரை கப்
தண்ணீர் = இரண்டு கப்
தேன் = ஒரு குழி கரண்டி
முந்திரி, பாதம், பிஸ்தா = பொடியாக அரிந்தது முன்று மேசை கரண்டி
கிஸ்மிஸ் பழம் = 10
நெய் = முன்று மேசை கரண்டி

செய்முறை

1. அரிசி பருப்பு வகைகளை களைந்து 10 நிமிடம் ஊறவைக்கவும். வெல்லத்தை ஒரு டம்ளர் தண்ணீர் சேர்த்து கரைத்து முக்கால் பதம் பாகு வரும் போது அதில் உள்ள மண்ணை வடிக்கவும். பாலை காய்ச்சி ஆறவைக்கவும். பிறகு தண்ணீரை வடித்து குக்கரில் ஒரு மேசை கரண்டி நெய் சேர்த்து வதக்கவும்.

2.பால்+ வெல்லம் தண்ணீரை சேர்த்து கொதிக்க விடவும்.

3.முக்கால் பாகம் வெல்லம் தண்ணீரை வற்ற விடவும்

4.ஒரு பாத்திரத்தில் நட்ஸ் வகைகளை நெயில் வறுக்கவும்

5.வறுத்த நட்ஸ் வகைகளை குக்கரில் சேர்க்கவும்

6. குக்கரை மூடி இரண்டு விசில் வந்ததும் முன்றாவது விசிலில் அடுப்பை அனைக்கவும். தேன் கடைசியாக சேர்த்து கிளற வேண்டும்.

குறிப்பு

ஒரு கப் அரிசிக்கு முக்கால் கப் வெல்லம் தேவைப்படும், இதில் தேன் சேர்ப்ப‌தால் அரை கப் போட்டுள்ளேன். நட்ஸ் வகைகள் அவரவர் விருப்பம். வெரும் முந்திரி, கிஸ்மிஸ் பழம் கூட போடலாம்.வேர்கடலையும் வருத்து போடலாம்.நெய் = இதற்கு முன்று குழிகரண்டி தேவைப்படும் நான் முன்று மேசை கரண்டி தான் போட்டுள்ளேன்.

இதில் படம் 1 நல்ல குழைவாக இருக்கு,படம் 2 கொஞ்சம் நெத்துன்னு இருக்கு தண்ணீர் அளவு ஒன்றுக்கு இரண்டு இரண்டரை அளவு வைத்து நன்கு கொதிக்க விட்டு குக்கர் வெயிட் போட்டு ஆப் செய்ததும் சிறிது நேரம் கழித்து திறந்தால் சரியாக இருக்கும்.

இனிப்பு சுல்லுன்னு அதிகம் தேவைபடுபவர்கள், வெல்லத்தை கொஞ்சம்அதிகமாக போட்டுகொள்ளலாம். இதில் அரை கப் வெல்லமும், தேனும் போட்டுள்ளேன்
வெண் பொங்கலை இங்கு சென்று பார்த்து கொள்ளலாம்.

		Tweet