பிளெயின் சேலையில் கல்லு வைக்கலாம் வாங்க‌

வெளிநாடுகளில் நிறைய பெண்கள் வீட்டில் வேலைகளை முடித்து விட்டு தனியாக உடகார்ந்து பொழுது போகாமல் இருக்கிறார்கள், டிவி, டிவிய விட்டா கம்பியுட்டர், கை வேலையே தெரியாதவர்களும் இது போல் சின்ன சின்ன வேலையை எளிதாக செய்யலாம். எல்லோருக்கும் கை வேலை செய்ய ஆசை தான் ஆனால் சிலர் தான் அதில் கைதேர்ந்து இருக்கிறார்கள், யார் நம்ம பாயிஜா, ஹர்ஷினி அம்மா போல் அவர்களை போல் போட முடியவில்லை என்றாலும் இது போல் போட்டா ஓரள்விற்கு நமக்கும் எம்ராய்டரி தெரியுதுன்னு சந்தோஷ பட்டு கொள்ளலாம். இது போல் ஒரு ஜான் தூரத்திற்கு ஐந்து ஐந்து கல்லாக வைத்து பூப்போலும் கல் வைக்கலாம். இதற்கு கரு நீலம் (அ) பச்சை கலர் சேலைகள் நல்ல எடுப்பாக தெரியும். தேவையான பொருட்கள் பிக்கர் மல்டி கலர் கற்கள் (அ) வெள்ளை கற்கள் பிளெயின் சேலை முதலில் கல்லை அதன் கோப்பிலிருந்து தனியாக பிரித்து வைக்கவும். பிளெயின் சேலையில் ஆங்காங்கே குறித்து முதலில் உங்களுக்கு பிடித்தமான பூவை வரைத்து சங்கிலி தையலால் தைத்து கொள்ளவும். பிற‌கு கோருக்கும் கோப்பில் நான்கு மூலை இருக்கும் அதை சேலையின் பின்புற‌ம் மாட்ட‌வும். அதன் மேலே பிரித்து தனியாக வைத்துள்ள கல்லை பதித்து பிக்கர் கொண்டு நான்கு மூலையையும் அழுத்தி விடவும். இது முதலில் வைக்கும் போது கொஞ்சம் சிரமமாக இருக்கும், வைக்க வைக்க பழகிடும். எம்ராய்டரி பூ போட ஒரு சங்கிலி தையல் மட்டும் தெரிந்தால் போதும். நமக்கு விருப்பமான பூவை வரைந்து இது போல் ஒரு நாளைக்கு அரை மணி நேரம் ஒதுக்கி போட்ட நேரம் ஈசியாக போகும். நமக்கும் நாமே போட்டோம் என்ற சந்தோஷமும் இருக்கும். இது போல் சேலையின் ஓரத்தில் (அ) சுடிதார் கை , கழுத்து பாகங்களில் மணி வைத்தும் தைக்கலாம்.

		Tweet